شذرة الشاهين

الشذرة السابعة عشر 🩵

حيــاكم الله 🩵

سَلامٌ لِعَينَيكِ حَدّ الشَغَف
وحَدُّ الحَنينِ الذِي مَا وَقفْ
وَحَدّ جَمالِكِ الذِي مَا تَبدّا
وطَافَ بِهِ القَلبُ حَتىٰ إعتَرَفْ
وجَاءَكِ بَعدَ السِنينِ إعتِصَاماً
بِقَلبِكِ مِن عَتياتِ الصُدَف
فَـآويتُهُ مِن عُقوقِ الزمَانِ
وقَد مَرَّ عُمرٌ بِهِ وإنتَصَف
أُحِبّكِ لا تَعجَبِينَ لِماذَا
ولَستُ أُقاوِمُ هَذا الشَغفْ
....

يـا فـكة عيون الگلـب يـا ميزتي البيـها أنغـر!

مـو رايـدك و أتنفســك!

لا يــا نفــس شي أكبــر !!!

(ايهاب المالكي)

....

شاهين: تعذريني حجيتي ما عندي مره لليث!!!

الحجية: يااا ليش يمه؟ مو أخيييك هذا؟

شاهين: حجية انتي تعرفين شي واني اعرف شي ..

الحجية( بعصبية) : مو بكيفك أبوها موجود وهو المسؤول عنها مو انت!!

شاهين: هاي هيه لعد ليش تأخذين رأيي ؟ يلاا آني اترخص...

الحجية: اسمممع!! لسانك ما يطخ لساني لحد ما عقلك يرجع لراسك

شاهين : هيج صارت حجية لعد وين حچيچ فتحة عيني وشباچ كلبي كلهن راحن ؟؟ طلع ليث أعز!!

الحجية: ليث اني ربيته لان امه توفت وره ولادته وانتو تدرون كلش زين وصتني عليه قبل ما الله ياخذ امانته وأبوه راح تزوج وظل يمي وليث رفيجگ وأخيك وعاجنه وخابزه على ايدك و رابي بنصكم فـ خليها ببالك انت رفضتني الي وهاي وحده وياك!

شاهين : حجية بس افهميني ليـثـ...

الحجية( قطعت كلامه): امشي من گدامي ما اريد أشوفك إطلع

شاهين : حجيييية!

الحجية: صگررر اطلع ولا تراويني خلقتك بعد يلاا..

گمت اريد أبوس راسها دفعتني ما قبلت خليت وطلعت من يمها تلگاني فهد ...

فهد : الوالد گاعد بالديوان يريدك !!

شاهين: يا طلابة الما تفض اليوم!!!
رحت للديوان طبيت سلمت وگعدت وروحي طالعه واجى فهد هم گعد

ابو شاهين: أگول شاهين الحجية فاتحتني بموضوع ليث طالب ايد آيه ومكلفها هيه تخطب وهيه مفاتحه امك وفاتحتني ... شنو رأيك انت؟

شاهين: والله شيخ أنت أبوها وما دام انت موجود حچايتي مالها داعي..

ابو شاهين: ليش انت شنو اعتراضك على ليث؟؟ مو انت وياه سوا طول عمركم وتعرفه شنو ما شنو ورابي عدنا ...

شاهين: شيخ ليث لو عليه ما انطيه مره .. عنده سوالف مو زينه ومكسراته هواااي وكلهن اعرفهن شتريد مني انطيه اختي واني اعرف كل تاريخه الأسود.. ثانياً ما دام هو رابي ويانه و يطب ويطلع علينا چان استحى يحط عينه على اختنا المفروض يشوفها مثل اخته ..