هالعيون السّود عاشقه لك يامغتره

٣١

~
~
طلعت من الحمام تناظر فيه وضحكت أنه سمع كلامها ولا دخل بنقاش معاها أبتسمت تخفي ضحكتها وناظرها عزام متكتف يناظرها بطرف عين مخدته وبطانيه بجانبه جالس على الكنبه ضحكت تشوفه : لاتقول بخسر
مارد عزام يناظرها وضحكت شروق : خير وش هالنظرات نام نام
عزام : تكفين والله ظهري يتكسر خليني أنام جنبك
هزت رأسها بالنفي تجفف شعرها متجاهلته وقام عزام ينسدح وناظرته تفوز : وش أتفقنا ؟
عزام : فكرت فيها والله ماتفوزين
رفعت حاجبها تناظره : تحدي هو ولا منافسه؟
عزام : ماتفوزين
تكتفت تناظر فيه : عزام ؟
مارد مغمض عيونه وتاففت تاخذ المخده تضربه فيه وفز عزام يضحك يرجعها لها ضحكت شروق تجلس تجفف شعرها لين ناظرته مغمض عيونه وقامت تجلس ناظرته لثواني نايم وأنسدحت بجانبه تغمض عيونها ولفت له تناظره ونطق عزام : لاتتحركين كثير
ضربته شروق بخفه وضحك عزام يناظر فيها: والله أجيك
شروق : تعال
قام عزام وفزت شروق تقوم من السرير وضحك يناظرها : تعشقين التحدي أجل
ناظرته ترفع سبابتها بتهديد : والله ياعزام لو أشوفك قريب مني
ناظرها عزام يتقدم لها لين صار ظهرها على الجدار وبلعت ريقها تناظره عن قرب تقدم لها وضحك من يشوفها توترت وهمس لها : ما أقرب من وحده ماتبي وصلي
عضت شفتها تناظر فيه يرجع ينسدح وشدة على قبضة يدها تنسدح : حيوان
عزام : سمعتك سمعتك
علّت صوتها تناظره : مغرور
عزام : غبيه
شروق : نرجع لنفس الوضع؟
ناظرها عزام يجلس لثواني وبلعت ريقها تشوف نظراته لها ونطق : إنتي تكرهيني ؟
ناظرته بذهول ونطق عزام : حركاتك تفسر هذا الشيء
شروق : برأيك لو أكرهك بقبل أتزوجك ؟
هز رأسه بالنفي وأبتسم : أحبك يعني ؟
ارتبكت شروق تناظره وأبتسم بخبث : قوليها
شروق : ما أحبك ولا أكرهك
عزام : سهله إنتي يامُغتره
ناظرته شروق مبتسم يكمل كلامه : ما أردك عني ، بس ما أقرب من وحده ماتبيني
رفعت حاجبها تناظره وبلع ريقه عزام يناظرها أمامه شعرها عيونها وصد بعيونه يطلع للبلكونه وبلعت ريقها شروق تنسدح تغمض عيونها
~
أنحنت تلبس كعبها وناظرته نايم بعمق وتقدمت له : عزام قوم
مارد عزام وعلت صوتها تناديه : عزام
فز عزام يناظرها وناظرته شروق : بسم الله عليك
ناظرها عزام يفرك عيونه بتعب : الي أعرفه لازم تصحيني برقه وهدوء
ناظرته شروق وضحكت : طيب المره الجايه قوم الحين لازم نروح لهم
هز رأسه عزام يناظرها جاهزه وأبتسم : الوان الأزرق والأبيض حلوه عليك
أبتسمت شروق تتعطر وناظرته : يلا قوم
من خلص لبس ثوبه يناظرها جاهزه : أفطرتي ؟
شروق : خطتي ناكل ونروح لهم
ناظرها عزام يمشي : يعني الجدول موجود
صراحه : معروف أجازتنا ٥ أيام وش نسوي ؟
عزام : نسافر ؟
شروق : مو أحلى إذا خذينا أجازه أطول
عزام : الي ودك فيه حاضر
أبتسمت شروق وفتح لها الباب عزام ركبت بجانبه وناظرته : نروح لأهلي ؟
عزام : أهلي ميتين أكيد اهلك
بلعت ريقها بغصه تناظر فيه : أهلك أهلي ، وأنت صرت ولد أبوي وأمي ومنا وفينا
أبتسم عزام : متاكد أنا من مكانتي
أبتسمت شروق ووقف عزام من وصل المطعم نزلت شروق تنتظر قدوم عزام لين جا مبتسم لها ناظرته يمد لها كفه لكفها : يعني لازم ؟
عزام : أكيد
ناظرته شروق بدون رد تجلس أمامه تناظر بالمنيو
~
صحت من نومها تشوفه نايم وغمضت عيونها بتعب تقوم أخذت شاور من خلصت طلعت تناظر فيه نايم بعمق وتقدمت له : سيف
ناظرها سيف وأبتسمت ملاذ تشد على كفه : يلا
جلست تجفف شعرها تلبس ملابسها تتعطر من عطوراتها  ناظرها سيف تتجهز وأبتسم : جايه ؟
ناظرت أنعكاسه بالمرايه : صحتني بجيتها
أبتسم سيف يهز رأسه بالأيجاب ، أخذت عبايتها وحجابها ونزلت تمشي مع الدرج تشوفهم جالسين ونطق فيصل : وين ظلك؟
ضحكت ملاذ تناظر فيه : وراي
التفتت من تشوف سيف متقدم لهم ونطقت ملاذ : هذا هو ظلي
ناظرها سيف وضحك فيصل : أقسم بالله جاثوم
منال : ناسي أيامك يافيصل وأنت تركض ورا سجى من ديره لديره ولكل مكان وراها ؟
ناظرها فيصل وضحكت سجى تشوف تعابير وجهه ناظرتها ملاذ تضحك : ماتعرف لك إلا هيه
ضحك سيف يناظره وناظره فيصل : يعني أضحك عليك لأني كنت أشوفني غبي
رفعت حاجبها سجى تناظره : بالله ؟
ملاذ : إذا تبغى تكحلها كحلها لاتعميها
ناظر فيهم فيصل ساكت لين دق الباب وضحكت ملاذ تقوم تفتحه وقفت وراها منال وأبتسمت شروق تحضنها : وحشتيني
ملاذ : وينكم أبطيتوا !
شروق : فطرنا وجينا
تقدمت تحضن منال سعود وسجى فيصل ، ركض لها تركي يحضنها وضحكت شروق : ياحياتي والله مو جايه من الدوام
ملاذ : حياتي يتعودون
فيصل : تبلشونا وتربون عيالنا وتتزوجون ويرجعون بحلوقنا
ناظرته شروق تضحك : ضريبة أنك متزوج حياتي تحمل
ضحكت سجى : ماتعود سيف كيف تركي؟
شروق : فراقنا صعب
ناظرت شروق منال وهيه بحضنها وأبتسمت بضيق : اي والله
ناظرتهم شروق وأبتسمت ترجع تحضن فيصل من يناظر فيها قاموا كلهم وتقدموا لعزام الي واقف برا : ناسيني وجايين الحين ؟
ضحك فيصل : والله المعذره
عزام : والله زعلت
أبتسم سيف يحضنه : لاتعتب علينا
تقدم عزام من يشوف سعود يسلم عليه ولف فيصل لسيف : وش صار ؟
ناظره سيف يضحك ولف سعود لهم ينطق : ليش ناسينه!
ضحك فيصل : أبوي حتى أنت ناسيه معنا
مارد سعود وضحك عزام غصب عنه : والله اني أمزح أبد خذوا راحتكم
سيف : لاتقول هالكلام كأنك غريب
فيصل : ناوي اتوطى ببطنه بالله تمادى بالكلام
ناظره فيصل وضحك عزام يناظر سيف وهمس له : يعني صحيت من نومي على صراخها تصحيني والحين جاي عند أهلها وسحبوا علي وش هالعقاب ياربي
ضحك سيف غصب عنه : الله يعينك
ناظره عزام يهز رأسه بأسف وضحك سيف يجلس بجانبه
~
بالصاله >
دخلت نوره ومشاعل وغلا وتقدموا يسلمون عليهم جلست ملاذ وسطهم تسمع سوالفهم وتشاركهم أبتسمت من ناظرتها نوره ونطقت : متى بترجعون ؟
ملاذ : اليوم خالتي
غلا : مالقيت أحد الساعه ٢ بالمطبخ وحشتوني صدق
ناظرتها ملاذ تضحك ونطقت سجى : طيب الحين لو تزوجتي مين يجلس مع ملاذ ؟
ملاذ : شدعوه سيف والأهم خالتي نوره موجوده
ضحكت نوره وناظرتهم مشاعل بطرف عين همست شروق لغلا : هذي تجلس بس وتناظر كذا ؟ ليش تجي
غلا : أستنشبت
شروق : مدري وش عاجبه خالد فيها
ناظرتها غلا : الحب أعمى
ناظرتهم منال ونطقت : أمي شروق شوفي زوجك يبي شيء ؟
هزت رأسها شروق تدق عليه ورد عزام من طلع عندهم : أشتقت لك حتى أنا بس تونا مع بعض مسرع
شروق : صح مسرع ، تبي شيء خاطرك بشيء أجيبه لك؟
عزام : أي بخاطري شيء
شروق : أوكيه طيب يعني أخمن ؟
ضحك عزام : خاطري إنتي وتعالي إنتي
عضت شفتها مُبتسمه تلعب بخصلة شعرها : اوف عزام صدق
ضحك عزام : والله صدق تعالي
قفلت منه تعدل شكلها وقفت بالسيب تناظره وأبتسم : خلاص
رفعت حاجبها تناظره : تستهبل معي؟
عزام : لا والله بس شفتك وخلاص
شروق : طاقه شمسيه أنا ؟
ضحك عزام : طاقتي أنا إيه نعم
تأففت تصد عنه تمشي وأبتسمت من أبتعدت عنه تناظرهم ولفت لها منال : طلب شيء ؟
هزت رأسها بالنفي : لا كل شيء موجود عندهم إذا يبي بيكلمني
ناظرتهم ملاذ تقوم لغرفتها ومشت وراها شروق لين وصلت الغرفه وقفلت الباب وناظرتها ملاذ : شفيك ؟
شروق : لو ماعلمتك بموت
ملاذ : بسم الله عليك وش صاير
ناظرتها شروق تبلع ريقها وعضت شفتها تنطق : عزام
عقدة حاجبينها تناظرها : وش فيه وش صاير ؟ لاتخوفيني
أبتسمت شروق : بس أقولك أحس إني أحبه
ناظرتها ملاذ كفها على قلبها بخوف : تحسين ؟ بس كذا
هزت رأسها وضحكت ملاذ : أتركيه يعترف لك
تأففت شروق تجلس : مو قادره حتى بأول ليلة زواجنا تهاوشنا
ناظرتها ملاذ وضحكت شروق : أحب علاقتنا كذا أحس لو أعترف لي بكون زيك إنتي وسيف
رفعت حاجبها ملاذ وتكتفت تناظرها : ليش وشفيها علاقتي مع سيف ؟
ضحكت شروق تناظرها : حلوه بس ماتتهاوشون زينا أحنا صبح مساء كُل الوقت
ضحكت ملاذ : علاقتنا أحلى
قامت شروق تناظرها : صح صح أحلى
ضحكت تنزل معاها من أخذت عبايتها ولفت لهم تشوفهم لابسين وناظرتهم : دق سيف ؟
غلا : يقول بياخذ غرض ويجي
هزت رأسها تجلس لدقايق وناظرتها شروق : أجلسي
ملاذ : وراي أشغال والله شروق وبروح المكتب
منال : حليتي القضيه ؟
تنهدت ملاذ تهز رأسها بالنفي : صراحه ما أعرف أحتمال كبير إني أخسرها
ناظرتها نوره : مايصعب عليك شيء إنتي تقدرين
أبتسمت ملاذ ونطقت غلا : صح بساعدك أنا
شروق : حتى لو خسرتي إنتي سويتي كل الي عليك وأكيد حتى بالقضايا في فوز وخساره
ملاذ : بس تعرفين ما أحب أخسر
أبتسمت منال : لاتخسرين أجل
ضحكت ملاذ تأشر على خشمها أخذت جوالها من تشوف أسم سيف : هلا
سيف : يلا أنا برا
قفلت منهم وناظرتهم تلبس عبايتها مشت تشوفه بالسياره وأبتسمت تركب ناظرها سيف وأبتسم يمد القهوه لها وضحكت ملاذ تهمس له : أعشقك
ناظرهم سيف : ماعرفت وش تشربين يامشاعل والله بس أبشري باخذ لك الي ودك
مشاعل : لا مشكور
أخذت القهوه غلا تشرب منها لين وصلوا البيت ونزلت ملاذ تمشي دخلت تشوف عمها وأبتسم : العروسه
ضحكت ملاذ تناظره : خلاص صارت العروسه شروق
أبتسم فهد ومشت ملاذ تطلع غرفتها ناظرت بسيف يجلس جلست لدقايق ترتب الغرفه تاخذ جوالها من أتصلت شروق : ملاذ وش أسوي
ملاذ : وش تسوين ؟
شروق : ما أعرف كيف أتصرف معاه ؟
ملاذ : شروق حياتي مافي أفضل من أنك تتصرفين مثل ماودك
سكتت شروق وأبتسمت ملاذ : على نفس تصرفاتك يعني بس لاتكثرين هواش
شروق : ما أقدر يعني أنا تمنيت علاقتي مع زوجي أحلى من كذا
ملاذ : طيب تصير ياشروق ليش تستعجلين ؟ بيعترف لك أنه يحبك ووقتها إنتي شخصياً تتغير تصرفاتك للأفضل
شروق : مستحيل أتوب عن الهواش
ضحكت ملاذ : سافري تكفين سافري لاتجلسين
شروق : مادري قلت له ناخذ أجازه أطول
ملاذ : أطول ؟ ليش بلعكس روحي ٥ أيام
ماردت شروق تفكر ونطقت ملاذ : أسمعي شوري حتى لو كانت مُمله روحي معاه بلعكس شيء حلو تكون أسرع ومع الأيام تروحون لأجازه وسفر طويل
ضحكت شروق : يعني نتذكر أيام شهر عسلنا ونضحك ؟
ضحكت ملاذ ونطقت شروق : بس هذا أسمه عسل مو نكد ، يعني أكيد بنكون مُملين
ملاذ : الحين إذا طلعتي معاه تملين ؟
شروق : لا
ملاذ : بالسفر كيف طيب ؟ سافري معاه يمكن يعترف لك هناك
ضحكت شروق : واو
ضحكت ملاذ وعقدة حاجبينها تسمع أصوات الصراخ تحت قفلت من شروق وأخذت عبايتها مُسرعه تنزل لتحت سمعت هواش سيف وفهد وعضت شفتها تمشي له : سيف وش صاير ؟
مارد سيف يتكلم : دامك تدري بالموضوع ليش ماكلمتني ؟
فهد : وشلون أكلمك وأنت الي قلت لي ماودك ؟
سيف : بس مالك أي حق أنك تسوي أي شيء عني أنا
فهد : وليش ؟ بالنهايه أنا عمك
صرخت ملاذ تناظرهم بأعلى صوتها : وش هالصراخ ؟
ناظرها سيف بعيون تنطق لَهب شرار وغضب تشوف تنفسه السريع وناظرت عمها : بتقولون ولالا ؟
مشاعل : لا تتدخلين إنتي مالك دخل
ناظرتها ملاذ : مالي دخل ؟ إنتي لا تتدخلين عاجبك هواش العائله صح ؟ الصراخ والفوضى الي صايره أسكتي بالله
غلا : صح مشاعل مالك دخل وناظرت بسيف : سيف مافي شيء ينحل بالصراخ
مسك ياقة ثوبه يتنفس يناظر فيهم : أفهموني دايماً وشرحت مليون وعشرين مره ليش ياعمي ليش ؟ تصلح بيننا وانا ماودي والله مادوي
رفعت حاجبها ملاذ تناظر عمها وصرخ سيف : أنا الي لازم تسالني أبي ولالا ماهو تتكلم وتسوي من هواك
تقدم خالد بينهم يمنع الصراخ والهواش والغضب يلين الوضع لين تقدم سيف يضربه بووجهه وجمد وجهه ملاذ بصدمه مشت نوره لهم تمسك خالد وناظرتهم ملاذ تمشي لسيف دفعها سيف بغضب وناظرت ملاذ بصدمه فيه تمسك بطنها بألم وناظرها سيف من لانت ملامحه ومشى لها : أسف وربي أسف ملاذ
ماردت ملاذ تسمع كلامهم أنفعالهم وردة فعلهم على سيف لين نطق فهد : أنا ربيتك وأعتبرتك واحد من عيالي هذي سواتك ؟
ناظره سيف ورجع يناظر بملاذ الي طلعت غرفتها ونطقت غلا : خير سيف ؟ وش هالأندفاع بالنهايه بتضر علاقتك مع ملاذ مو معانا
ناظرها سيف ورجع يناظر فهد : يعني تذلني ياعمي بيتمي ؟ وأنك ربيتني ؟
خالد : مايذلك مايذلك وهذا شيء بين الأخوان بس تقدر تحل الموضوع بالهداوه مافي أي شيء يمشي بالصراخ
تقدمت نوره له تضربه كف وجمدت وجيهمم بصدمه يناظرونها ونطقت بغضب : تدف زوجتك قدامنا ؟
لانت ملامح سيف ومشى مسرع للغرفه يشوفها تلّم أغراضها بالشنطه ومسكها من يدها : ملاذ تكفين
ماردت ملاذ وسحب الشنطه سيف يرميها وتناثرت ملابسها وأغراضها وناظرت فيه : كذا يعني ؟
سيف : تكفين ملاذ من أول هواش بتروحين وتلمين أغراضك ؟ وتتركيني هنا ؟
ناظرته ملاذ بعصبيه وعضت شفتها بألم من بطنها وناظرت فيه تتصنع القوه : أيه كذا ، أنا ما أتحمل أحد عنيف بحياتي كذا سيف
لانت ملامحه يناظرها ونطقت ملاذ : تهاوشت معاه طيب بس تضرب خالد ، خالد وش ذنبه إلا أنه ماوده أخوه من الرضاعه وأبوه يتهاوشون قدامه بالنهايه تضربه قدامنا كلنا وقدام زوجته ؟ ولا قدرتني إني أحاول ودفيتني وكملت صراخ وغضب ؟
مسكها سيف يناظرها : تكفين والله أسف الله يكسر يدي أسف أسف
ناظرت فيه ملاذ وعضت شفتها تمنع دموعها وناظرت بأغراضها : ما أتحمل
سيف : لاتروحين خليك لاتروحين خليك معي أنا أراضيك والله أراضيك ولا بتعب بس تكفين تعوذي من الشيطان
تتركيني بالوضع هذا لحالي ؟
ملاذ : ما أقدر أجلس ، أحبك مثل المجنونه وأعشقك بس ما اقدر حالياً أتركني الغضب والعنف الي أشوفه فيك يحطمني يعورني أنا بحياتي كلها ماشفت أحد كذا مثلك غضب أبوي وأخوي مني بس ماعمرهم ضربوني شفت هواشات فهد وفيصل ولا أحد ضرب الثاني تنحل بالهدوء والتفاهم ماتنحل بالصراخ والغضب الي شفته بعيونك وأنت تدفني أوجعني سيف
سيف : أنا أحبك وأبيك تكفين
ملاذ : مافي حل ، بروح لأهلي لين يهدا الوضع
سيف : خليك خليك خليك
ماردت ملاذ تلم أغراضها وصرخ سيف يناظرها جمد وجهه ملاذ من تشوفه يضرب يده بالجدار وعضت شفتها تدفه : تستهبل ؟؟
سيف : تعبت أقسم بالله تعبت
ملاذ : مو كذا تنحل سيف مو كذا
ناظرها سيف وبكت ملاذ من نزلت دموعها تشوف الدم وعض شفته سيف يحضنها بكت ملاذ بحضنه بعلو صوتها ونطق سيف : الله يكسر يدي الي دفتك أبغى أكسرها
ماردت ملاذ تبكي وبلع ريقه سيف : والله العظيم إني مادفيتك بقصد وأني أنوجعت مثل وجعتك ماهو أنا الي يمد يده على حبيبه
بكت ملاذ أكثر وأبتعد عنها سيف : لاتبعدين عني مسافات وأنا الي تعبت من بعدك عني ، لاتتركين أي شيء يدخل بيننا خليني أشوفك بعيوني تحت سقف بيتي وبيتك أحاولك وأراضيك والله أراضيك ولا تزعلين مني أنا أسف ملاذ أسف
مسحت دموعها ملاذ تناظره وعضت شفتها : بروح شوي وأرجع
ناظرها سيف وعضت شفتها ملاذ تلبس عبايتها ونطق سيف : لو رحتي بجي أخذك من بيتك لبيتي ولا بسمح تنامين بعيد عني وتتركيني
ناظرته بدون رد ومشت تمشي ناظرتهم جالسين وقامت نوره من تشوفها تنزل : ملاذ بنتي
ملاذ : بروح لأهلي
فز خالد وصد من شاف شعرها تقدموا غلا وفهد يناظرونها: صارت مشكله بينكم ؟
هزت رأسها بالنفي : حتى لو صارت تنحل بيننا ، بس أحتاج أروح لأهلي
غلا : أجي معاك ؟
ملاذ : بكيفك
غلا : أنتظريني
هزت رأسها وتنهدت بتعب تشوف مشاعل تناظر فيها : طيب البيت هذا مو لحالك عشان تطلعين وشعرك باين
عضت شفتها ملاذ تغطي شعرها ونطقت مشاعل : ثاني مره أنتبهي البيت مو بيتك
رفعت حاجبها ملاذ تتقدم لها : سكت لك بالبدايه من تدخلتي بيننا والحين بكل وقاحه تقولين البيت مو بيتي ؟ أذكرك إذا نسيتي هذا بيت عمي وبيت ولد عمي بيت أهل زوجي وزوجي يعني إنتي الي لاتتدخلين بيننا فهمتي ؟ مشكله بين عمي وزوجي أتدخل فيها
مشاعل : إنتي هنا مو محاميه ولا فهد وسيف موكلينك
رفعت سبابتها بتهديد تناظرها : لاتفكرين سكتت لك بالبدايه أسكت لك ياغبيه ، أكسر خشمك ورأسك الي يتطاول علي عاد ماندري ليش هالحقد والكره فيك ؟ شفتيهم يتهاوشون ليني الوضع كلمي خالد إذا ماتقدرين
ناظرتها مشاعل ساكته ورفعت حاجبها ملاذ : ولا عاجبك الهواش والصراخ الي صار ؟
ماردت مشاعل ونطقت ملاذ : تحذيري الأول والثاني والأخير لك ، أنتبهي مني مشاعل أنا مو أي أحد أنا ملاذ بنت سعود فهمتي ؟
ناظرتها بدون رد ونزلت غلا مشت ملاذ معاها ومسكت بطنها بوجع تناظرهم وعضت شفتها تركب ركبت بجانبها غلا تحرك سيارتها وأشتد وجعها وناظرتها غلا : شفيك ؟
ماردت ملاذ توقف السياره ومسكت بطنها تشد عليه بألم : بطني غلا ما أعرف أهخ
غلا : أنزلي أنزلي
نزلت ملاذ وركبت بجانبها وبكت من أشتد وجع بطنها أكثر ومشت غلا مسرعه للمستشفى نزلت معاها ووقفت لين جت المُمرضه تشوفها تبكي : تعبانه ؟
بكت ملاذ أكثر : بطني بطني
مسكتها من يدها وناظرتهم غلا من بعيد ومشت تركض لهم دخلت ملاذ الغرفه ووقفت غلا تشوف الدكتوره تدخل مسرعه : ملاذ ؟
ناظرتها ملاذ ووقفت بجانبها بشاير : وش صاير وشفيك ؟
ماردت ملاذ تتوجع ونطقت غلا : بطنها
عضت شفتها من تشوفهم يسألونها لين نطقت : متزوجه ؟
هزت رأسها وناظرت الدكتوره بشاير : تحليل دم 
غلا : يحتاج تنويم ؟
الدكتوره : أن شاءالله لا
ناظرت الدكتوره بملاذ وأنسدحت على السرير بالغرفه تناظرها : أرتاحي بعطيك مغذي ترتاحين وبشوفك إذا طلعت التحاليل
هزت رأسها ملاذ تمسح دموعها تشوفهم يسحبون منها الدم وعضت شفتها بألم تشد على بطنها وناظرتها غلا تسمي عليها : بسم الله عليك كويس جيت معاك
ناظرتها ملاذ وبكت : أتصلي على أمي أبيها بس لاتقول لأحد
عضت شفتها غلا تتصل عليها وبكت ملاذ من تسمع غلا : بخير بس تكفين لاحد يدري تعالي مع شروق وعزام ، لا لا ما يحتاج هيه تبيك وأحنا ننتظركم
قفلت غلا تناظر ملاذ تبكي بصمت ومشت تمسك بطنها : كيف بطنك ؟
ملاذ : يعورني
غلا : خير وش السبب ؟
ملاذ : من دفني سيف وبطني أوجعني
عضت شفتها غلا تناظرها : مو بقصده والله مو قصده حتى أمي ضربته
ناظرتها ملاذ تمسح دموعها : ليش ؟
غلا : لانه دفك
عضت شفتها تنسدح تتجاهل الم بطنها بعد دقايق دخلت منال تشوفها وبكت ملاذ : أمي
تقدمت منال لها : أسم الله عليك ياحبيبتي بسم الله عليك وش صاير وشفيك ؟
لانت ملامح شروق من دموعها ووجها ونطقت ملاذ : بطني يا أمي بطني
شروق : وش تحسين فيه كيف الألم ؟
ملاذ : غريب غريب
عضت شفتها منال تسمي عليها تمسح دموعها وناظرت بالدكتوره من دخلت : ملاذ
ناظرتها ملاذ تمسح دموعها ونطقت الدكتوره تناظر بالأوراق : إنتي حامل من ٧ أسابيع ملاذ
جمد وجهه ملاذ بصدمه وضحكت غلا : امانه !
شروق : وش سبب الوجع طيب ؟
الدكتوره : الوجع سببه تحذير إجهاض ، بس الحمدلله التحاليل كويسه ولا في أي أعراض بعطيك أبر تستمرين عليها لين قبل الولاده وتوقفينها بتحميك وتحمي الجنين
عضت شفتها شروق تناظرها ومسحت دموعها ملاذ : البيبي فيه شيء ؟
ناظرت الدكتوره بالسونار : نشوفه سوا ؟
هزت رأسها وضحكت منال بعدم تصديق : الحمدلله يابنتي الحمدلله
ماردت ملاذ تمسح دموعها الي تنزل وماسكه بطنها بألم تناظرها شافته بالشاشه وبكت وناظرتها الدكتوره : تبكين ليه ؟ بالعكس روح ببطنك
ماردت ملاذ تمسح دموعها لين سمعت نبض قلبه وعضت شفتها شروق تشد على يدها : نفس سجى وشوفي ملاذي كبيره الحين
تنهدت ملاذ بتعب تناظرهم وناظرت الدكتوره فيها : ضروري تتنومين اليوم ملاذ ، الأبر تستخدمينها
شروق : أستخدمتها زوجة أخوي
الدكتوره : حلو يعني عارفين ؟
ضحكت شروق : أنا دكتوره هِنا
أبتسمت الدكتوره : معليش أنا جديده تعينت هنا ، والحمدلله على سلامتك ملاذ وأن شاءالله البيبي يصير كويس بس لازم تنتبهين على نفسك
هزت رأسها وأنحنت منال تقبل جبينها : الحمدلله يابنتي الحمدلله الله يجيبه بالصحه والعافيه والسلامه
ماردت ملاذ تشد على يدها وتقدمت غلا تمسح دموعها : لاتبكين
منال : وين سيف ؟
عضت شفتها ملاذ من طاري سيف ونطقت غلا : طلعنا أنا وملاذ وصار الي صار
هزت رأسها وجلست بجانب ملاذ تسمي عليها طلعت شروق تشوف عزام واقف وضحكت من تقفل باب الغرفه تناظر فيه مغطيه كفوفها فمها وتضحك بعدم أستيعاب تقدم لها عزام : بنت وش فيها ؟
ضحكت شروق تناظره وتقدمت تحضنه : عزززام ملاذ ملاذ حامل
جمد وجهه عزام يبتعد عنها يناظرها : اسالك بالله
شروق : والله عزام حامل حامل من ٧ أسابيع
ضحك عزام بوأسع ثغره يحضنها : الله الحمدلله الحمدلله
سيف يدري ؟
شروق : لا شلون بيدري بالله
عزام : صح انا غبي
ضحكت شروق تبتعد عنه : الحمدلله على السلامه
ضحك عزام يناظرها بعدم تصديق : بصير عم
أبتسمت شروق تحمد ربها وناظرها عزام : طيب حامل ليش تتوجع ؟
شروق : تحذير إجهاض بس الحمدلله ربي حفظه لها
بلع ريقه عزام : يوه الحمدلله
ناظرته شروق تجلس بجانبه من طلعت غلا تناظرهم تجلس بجانب شروق وناظرتها : باقي تبكي ؟
هزت رأسها غلا وعضت شفتها شروق تناظر بعزام
~
ناظرت ملاذ فيها تمسح دموعها بعد ماحكت لها ملاذ الي صار تحت أنذهال وأندهاش منال من تصرف سيف مع ملاذ وخالد ونطقت : عارفه مو قصده أمي بس
منال : الله يهدي النفوس يابنتي
ماردت ملاذ تناظرها تمسك كفوفها ونطقت منال : يابنتي أنا وسعود ماوصلنا للأيام هذي بدون مشاكل وزعل وصلت يابنتي للطلاق ونورتني شروق وأحيت المشكله وجددت حُبي وحُب أبوك من جديد
ناظرتها ملاذ وأبتسمت تكمل : مثل الي ببطنك ، ماعرفتي إنك حامل إلا من صارت مشكله بينك وبين سيف حاولك وأعتذر منك وأنا أعرف سيف ربيته وأهتميت فيه وخليته بعيوني الثنتين وإنتي تعرفين ، ومتاكده مايضرك ولا يمسك الضرر وإنتي معاه بس تعرفين الغضب يعمي عين الأنسان وسيف أنعمت عيونه وتصرف بتصرفات ماهي بزينه أعذريه يابنتي
ملاذ : ما أعرف أمي
منال : تعرفين يا أمي أنتي بيتك موجود فكري وأرتاحي فكري بالروح الي ببطنك
ناظرتها بدون رد وأبتسمت منال تمسح على بطنها وضحكت ملاذ من نزلت دموعها : ماتوقعت
منال : الحمدلله الحمدلله
عضت شفتها ملاذ تمسح دمعتها : أخاف تروح مني
منال : ماتروح يابنتي تروح ليه
بلعت ريقها من قشعريرة بطنها المكشوف تستعشر كف أمها يتحسس بطنها عضت شفتها وتنهدت بتعب تفكر أنورت حياتها وأشرقت بيوم وليله مدت الشمس نورها تخفي ظلام ملاذ تنور حياة سيف ، صار الملجئ والأمان صارت روحها روحين ، روح مندمجه بروحها وروح سيف الفرج والأمان ناظرت بأمها تشوفها تسمي وتقرا عليها مسكت يدها وأبتسمت تغمض عيونها براحه تتذكر كلام أبوها عن شروق كيف أشرقت ونورت حياتهم مثل أسمها تفكر بالروح الي داخلها حصيلة حُبهم العميق بينهم ناظرت بسيف من دخل ولانت ملامحه من تشوفه واقف تشوف وجهه التعبان كانت تحس بالوصل بينهم ، تقرا كلامه وعتابهم من عيونهم يشوف دموعها وبكاها وتشوف تعب ملامحه وعيونه بعيونها
ناظرت فيه منال تمسح على كتفه تخرج من الغرفه تقدم سيف بخطواته لها يناظرها وجلس على ركبه بتعب فزت ملاذ تناظره ودمعت عيون سيف بتعب ناظرته ملاذ لثواني وبكت بتعب تتقدم تحضنه بلعو صوتها من مشاعرها مشاعر الفرح والسعاده الي تحس فيها أبتعدت عنه تناظره ونطق سيف : أسف ملاذ أسف
ناظرته ملاذ تبوس عيونه وضحكت تناظره : سيف
ناظرها سيف وضحكت ملاذ بإستيعاب بوعي تستوعب الي حصل والروح الي ببطنها إندماج روحه بروحها داخلها ونطقت : أنا حامل سيف
رمش سيف بصدمه يناظرها وضحكت ملاذ تشوف إندهاشه وصدمته : بنتنا حياه ، حياه الي بتعطي حياتنا حياه وتنورنا
ناظرها سيف بصدمه جامد الوجهه مصدوم مذهول مُندهش ونطقت : من أول مُشكله صارت أنورت حياتي بحياه ، ويارب تكون بنت عشان أكون فخوره بأني أكون أم حياه ، حياه لحياتي وحياتك
ضحك سيف يغطي وجهه يضحك بعلوم صوته تشوفه قام يدور بالغرفه وضحكت ملاذ من تشوفه تمسح دموعها تقدم لها بعدم إستيعاب وتصديق يحضنها يشد بحضنه عليها ويلمها له ، حلمه تحقق وصار واقع صارت زوجته حامل ببطنها روح من روحه وروحها بجسدها بتنور حياته حياه ، يحضنها يشد عليها وبكل ضحكه وأبتسامه يبتسمها سببها ملاذ كله هم وزعل وحزن وبثواني أشرقت حياته محت ظلام تفكيره وعتمة سنينه بقدوم أول مولود لهم
أبتعدت عنه ملاذ تناظره : بس حملي بيكون صعب ، بس أتعب وأتحمل عشان حياتي حياه
لانت ملامحه يناظرها : صعب ؟
ملاذ : نفس سجى ، أبر
عقد حاجبينه سيف : حبوب تثبيت الحمل ؟ ليش الأبر
ملاذ : تحذير إجهاض والألم مو سهل الي عشته
عض شفته سيف يناظرها وأبتسمت ملاذ : أحبك سيف
ضحك سيف وتقدم يحضنها : أقسم بالله إنك عطيتيني الدنيا ومافيها ، أخترت عائلتي منك إنتي والحين أعيش شعور فرحتي وإنتصاري فيك أعيشها الحين ملاذ أحبك والله أحبك وأسف أسف
أبتسمت ملاذ من حضنها ونطق سيف : أسف
مسحت على شعره وأبتعدت عنه تناظره بدون رد لثواني تقدم سيف يقبل جبينها وعضت شفتها تغمض عيونها
دق الباب وناظرت ملاذ بشروق الي دخلت وأبتسمت : سيف بتكون موجود ؟
سيف : مستحيل أتركها
دخلت منال تتطمن عليها وأبتسمت ملاذ لها ناظرت بسيف الي نطق : لاتشيلين هم والله بعيوني
أبتسمت منال له وخرجت تمشي من شافت سعود متقدم لهم وناظرها بعتاب : ليش ماكلموتني ؟
شروق : أسفه أبوي بس عشان مانسبب قروشه
تنهد سعود وضحكت منال : أدخل عندها خلها تبشرك
ناظرها سعود بعدم فهم يدخل وأبتسمت ملاذ من تشوفه متقدم لها قبل جبينها وناظرها : شلونك ؟ صرتي بخير؟
ملاذ : حمدلله أبوي تعب خفيف
هز رأسه سعود براحه يتذكر كلام منال وناظرهم : تبشريني ؟
ضحكت ملاذ من فهمت قصده وضحك سيف من ضحكتها : أبشرك إني بصير أب
ناظرهم سعود بصدمه يرمش بصدمه وضحكت ملاذ من ردة فعله : والله أبوي بتصير جد لأول مره من ملاذك
ضحك سيف يحضنها وعضت شفتها بألم من بطنها وناظرت أبوها : الحمدلله اللهم لك الحمد الحمدلله
أبتسمت ملاذ من باس رأسها تمسك يده : أحبك أبوي
سعود : الله يجيبه بالخير والسلامه
سيف : اللهم أمين
سعود : عشان كذا تعبانه ؟
هزت رأسها ملاذ وأبتسم سعود : الحمدلله
دخلت منال من الباب وناظرتهم ونطقت ملاذ : مارجعتي ؟
منال : أرجع مع سعود
هز رأسه وناظرها : تحتاجين شيء ؟ حفيدتي أشتهت الدنيا نجيبها لها ؟
ضحكت ملاذ تهز رأسها بالنفي وأبتسمت منال من تشوف فرحة سعود بعيونها لأول مره
ناظرهم سعود يقوم : بيننا أتصال ياملاذ
ملاذ : من عيوني
أبتسم يخرج من عندها وناظرت ملاذ بسيف الي يناظرها
~