~
~
بعد ساعات طويله من السوالف والأغاني والرقص خرجت شروق بملل تتمشى بالحوش وأخذت جوالها تتصل على ملاذ : ملاذ
ملاذ : هلا شروق
شروق : أش صار مع سيوفي شلونه ؟
ملاذ : حمدلله الحين كويس نايم ونا مع ملاذ
شروق : أوكيه أنا دقايق وبكون عندك
ملاذ : لا شروق ، خليك معاهم بكل لحظه حتى لاتمشون إلا إذا كلهم راحوا
شروق : طفش وملل وعندي لك موضوع بتنصرعين منه
ملاذ : ايش هوه؟
ضحكت شروق : تذكرين حفلة الأستقبال الي سوتها لك أمي؟
ملاذ : أيوه
شروق : تخيلي أن يالصدفه بنفس حفلة الأستقبال لمشاعل لابسه نفس فستان ملاذ الي بيوم أستقبالها
شهقت ملاذ بصدمه : أسالك بالله
ضحكت شروق : والله ملاذ ، وبكل وقاحه تسألني وين ملاذ؟ الخاطر وده يشوفها
ملاذ : بسم الله أيش تبغى هذي؟
شروق : تحاول تكون أنها أنتي
ملاذ : يابنتي وش تحاول ؟ هيه فعلاً تبغى تكون أنا
شروق : ماعليك منها أضحكي عليها وبوسيلي سيف
قفلت ملاذ ورجعت تناظر الفراغ من جديد لدقايق طويله تتأمل ملاذ النايمه وسيف
رفعت جوالها تشوف أسم سيف ينور شاشة جوالها وتنهدت ترد : هلا
سيف : أنزليلي تحت
توسعت عيونها بصدمه : تستهبل سيف اش جابك
سيف : أنزلي بسرعه لأني بمشي
أخذت حجابها وعبايتها تنزل لتحت شافته عند الباب واقف وعضت شفتها تناظر بالكاميرا الي فوق رأسه وأشرت عليها : هذي ايش
ضحك سيف : أكيد أني ذكي وبحذفها
ملاذ : وشلون ؟
مارد سيف ومدّ القهوه لها أبتسمت بخفوت ملاذ تناظر فيه : ليش ؟ مالها داعي
سيف : المقصد شوفتك والعذر قهوه
أبتسمت ملاذ وأبتسم سيف من أبتسامتها : شلون سيف؟
ملاذ : الحمدلله كويس
هز رأسه سيف ب طيب ومشى يمشي وأستوقفه صوت ملاذ : بتمشي ؟
ضحك سيف : ودك أقعد ؟
هزت رأسها بالنفي ومشى سيف تاركها تناظره عند الباب ركب سيارته يحرك خارج من البيت وأبتسمت تبعد حجابها عنها تشرب من القهوه وتتذكر كلامه " المقصد شوفتك والعذر قهوه " عضت شفتها بأبتسامه تمشي بيدها قهوتها تشرب منها بكل هدوء تشوف سيف نايم وملاذ بجانبه سمعت صوت الباب ينفتح وعقدت حاجبينها : في احد؟
أبتسمت تشوف فيصل قدامها : ياهلا
فيصل : مارحتي ؟
ملاذ : لا ، سيوفي كان تعبان
توسعت عيونه فيصل بصدمه : وينه؟
مسكت يده ملاذ : شفيك فيصل ؟ الولد طيب وصار كويس والحين نايم بغرفته
فيصل : وسجى وين؟
ملاذ : أنا طلبت منها تروح وصراحه ماكان لي خلق أروح وسيوفي تعبان
فيصل : بشوفه وأجيك
هزت رأسها ب طيب تمشي وراه تشوفه يدخل الغرفه بخطوات هادئه ، تقدم يبوسه وتنهد براحه : الحمدلله
ملاذ بهمس : قلت لك كويس
ناظرها فيصل لثواني ومشت ملاذ قبله يستوقفها صوته : ملاذ
ناظرته ملاذ وأبتسم فيصل : أنتظريني بالبلكونه بتكلم معاك
هزت رأسها ومشت تجلس بالبلكونه وقهوتها بيدها تشرب منها بعد دقايق أخذتها تتأمل الفراغ ناظرت بفيصل الي جاي لعندها وأبتسمت : كيف دوامك؟
فيصل : أمور سهله الحمدلله
هزت رأسها بدون رد تشرب من قهوتها ناظرت بفيصل الي يتقدم لها : ملاذ
ناظرته ملاذ لثواني : قلت بتتكلم معاي
فيصل : ليش رفضتي سيف؟
بلعت ريقها تناظر فيه لثواني : أيش السبب؟
فيصل : أنتوا تلعبون لعب أطفال؟
ناظرته ملاذ بعدم فهم عاقده حاجبينها وتنهد فيصل : أول شي تقدم لك قدامنا ورفضتيه قدامنا بعدين فجاءه أنتي جايه مع البنات تبتسمين وسيف يبتسم؟
ملاذ : حرام نبتسم يعني ؟
فيصل : أنا قايل ماهو لعب أطفال ياملاذ ، خابره بصغري يعشق ملاذ سيف والمسأله مو مسأله ليش تبتسمون
جمد وجهه ملاذ بصدمه تناظر فيه وأبتسم فيصل : ليش ملاذ ؟ ليش من جا تقدم لك رفضتيه قدامنا كلنا ولا قدرتي حُبه لك
ملاذ : أحرجني
فيصل : وتردين له الأحراج بنفس الطريقه وترفضينه قدام الكل ؟ انا معاك بكل خطوه تاخذينها وتاخذيني سند لك صحيح بزمني ماكنت حولكم كثر فهد ، وأعرف أنك تحبين فهد أخ وحبيب وكل دنيتك
مسكت يده ملاذ : وأحبك انت ، مستحيل أفعالك بالماضي تخليني أكرهك بلعكس أشوفك تحاول تتغير وتغيرت للأجمل وصدقني مستحيل بيوم أنزرع الكره داخل قلبي بسبب أفعالك ، وكنت عارفه بسبب الي تعاشرهم وعشانهم
فيصل : ماهو كذا ياملاذ
ملاذ : كنت تشوفنا على غلط ؟
هز رأسه بالنفي : لا ، أغلطي نمحي الغلط مليون مليون مره ولو أنعاد مستحيل أعتب عليك ، بس هالمره ملاذ بعتب عليك لأنك غلطتي قدامنا كلنا وأحرجتيه لأن كانت أبتسامته تسابق خطواته ووقت تكلم كلهم عتبو عليه أحنا بحسبة أبوك وأمك
ماردت ملاذ تتذكر كلام سيف " تحبيني ملاذ ليش ترفضيني لأن ماعندي بيت ماعندي أم ولا أب او أخت" بلعت ريقها تناظر فيصل الي ساكت يناظر فيها وتنهدت ترجع رأسها لورا : مستحيل أني أرفض شخص عشان أهله ، وأعرف سيف الشخص الي فقد أهله بيكون مشتاق لهم مشتاق لحس العائله ووجود أشخاص حوله
فيصل : كلامك حلو وزين أجل وراه ترفضينه ؟
ماردت ملاذ وتنهد فيصل : ودك بنصيحتي وأنا أخوك؟
هزت رأسه ب اي بدون تنطق بحرف : أسمعي شوري وأستخيري
ملاذ : رفضته
فيصل : تنحل ، أنزفض قدام أهله ماهو قدام الغريب
ملاذ : لا تحسسني بأي شيء إلا إني أغلط وتدلني للطريق الصح
فيصل : هذا الي أسويه ملاذ ، أنتي غلطتي وممكن تخسرين شخص يحبك من صغره لجل وشو؟
ماردت ملاذ وأبتسم فيصل يمسك يدها : أنا معاك إذا رجعتي تفكرين بالموضوع تعلنين موافقتك أو رفضك أنا معاك بس أسمعيها مني ، سيف رجال والرجال مايتعوض ياملاذ فكري بالموضوع تفكير دقيق مهما كان أختيارك مستحيل إني أوقف ضدك ولو حصل ووافقتي وبيوم جيتي منه تشكين صدقيني أخليه يندم على دموع نزلها من عيون أخت فيصل ولا زعل زرعه بقلبها ، معاك مهما كانت الظروف والشروط أنا وراك بالقرارات الي تاخذيها وإن غلطتي أنا موجود عشان أعلمك بالغلط وتندّلين على الطريق الصح ياملاذ
بللت شفايفها تناظر فيه وأبتسمت تتقدم تحضنه : أحبك
أبتسم فيصل يمسح على ظهرها : إنتي لو كنتي مبسوطه أنا مبسوط وسعيد ، أنتبهي لك ملاذ ولا تخافين من شيء ووراك فيصل وسعود
ملاذ : ما أخاف ، لأني أعرف بتقبلوني بأغلاطي وزلاتي وتدولني للطريق الصح
أبتسم فيصل ودمعت عيون ملاذ تمسحها ورفع أنظاره فيصل لها : أفا تبكين ؟
ملاذ : ما أعرف أيش بسوي لو ما كنتو معاي ، لو ماكنتو أهلي لو صار لكم شيء أنا بموت وراكم
فيصل : مابيصير شيء تعوذبي من إبليس
ملاذ : خسرت روحي خسرت فهد ، لو خسرتك بكون خسرت فيصل فيصل الي مايتعوض صدقني بموت
ضحك فيصل بحب يناظرها : يابنتي مابتلبسين أسود تعوذي من إبليس
ضربته ملاذ ترجع تحضنه : حيوان
لفت بعيونها تشوف سيف جاي لهم وأبتسمت : صرت طيب ؟
ناظرها وبكى : أبي ايثكريم
ضحكت ملاذ : ياعيوني أنت من عيوني بس أول شيء طيب وصير كويس أجيب لك أحلى وأكبر ايثكريم
فيصل : تعال تعال كله من هالدلع تنام تبكي وتصحى تبكي
ملاذ : خله عنك
حضنه فيصل يبوسه : أوه رجال رجال طيب مافيه شيء
ملاذ : ريد كار أوكيه ؟
هز رأسه سيف وأبتسمت ملاذ تتقدم له تمسك خشمه : ياويلك تتعب مره ثانيه وتتعبني معاك
ضحك سيف يبعد يدها عنه وناظرها فيصل : أفا تتعب أمك الثانيه يورع ؟
ملاذ : تعبه عافيه ، أهم شيء يصير كويس ولا أبي شيء
فيصل : الحمدلله صار كويس ولد أبوه
ناظرت ملاذ بسيف : يلا ناكل ؟
فيصل : وش بتاكلون أكلوني معكم
ملاذ : توست ونوتيلا تبغى؟
فيصل : لا لا وشهو ذا !
ملاذ : وجبة سيف المُفضله ماتعرفها يالأب المُزيف؟
ضحك فيصل : كل شيء مفضل عنده ماصرت أعرف وشهو يحب
ضحكت ملاذ تاخذه بحضنها : أنتبه على ملاذ
هز رأسه فيصل ب طيب ومشت ملاذ مع سيف للمطبخ يجلس على الطاوله بدأت تجهز كل شيء وناظرت بسيف الي يلعب بجوالها وتقدمت تبوسه : أعشقك
جلست على الطاوله تاكل بهدوء معاه يسولف معاها ويضحك وأبتسمت ملاذ تناظر فيه وترد عليه لحد مادخلوا أهلها من الباب وأبتسمت ملاذ : أخيراً
ناظرتهم وتقدمت سجى لسيف : صار كويس
ملاذ : حصان حصان
منال : وشفيه سيف ؟
ملاذ : تعب شوي بس الحمدلله صار أحسن
توسعت عيونها بصدمه : أسم الله على حفيدي وشلونه؟
سعود : علامه وراه ماتكلمتوا ؟ يحتاج مستشفى؟
ملاذ : لا أبوي وديته والحمدلله كويس
منال : ليش يابنتي ماتكلمتي من أول
ملاذ : مو شيء كبير أمي بالعكس شوفيه كويس
فيصل : أعداداته أشتغلت أمي والحمدلله صار يركض بكل مكان
ضحكت ملاذ : أسم الله عليه صدق
ناظرهم سيف ياكل وتقدمت تبوسه سجى : الحمدلله
ملاذ : يلا يلا روحوا ناموا هاليوم ليلتي أنا وسيف
شروق : وأنا ؟
ناظرت ملاذ بسيف : معانا ؟
هز رأسه ب اي وضحكت سجى : أحبكم
ملاذ : نعشقك
ركضت للولي للمطبخ ياخذها سيف بحضنه وأبتسمت ملاذ تصورهم رفع القطوه وضحكت ملاذ : تهبل
سيف : اثوف
ضحكت ملاذ : ثوف
صرخ سيف يصفق : واو
ملاذ : حلوه علمتك
هز رأسه سيف يلعب معاها : سيوف باقي تبغى ؟
هز رأسه بالنفي يلعب معاها وأبتسمت ملاذ تجلس بالصاله ، شغلت الشاشه وناظرت بفيصل وشروق الي جايين : لنا مكان ؟
ملاذ : تعالوا
شروق : وش تسوون؟
ناظرتهم ملاذ : بشغل فيلم لسيوف تتابعون؟
شروق : أوكيه اجلسوا الفشار علي
ملاذ : طفي الأنوار بليز
ضحكت شروق تطفيها جلست ملاذ تدور الفيلم المُناسب للسيف ناظرت فيه تاشر له : هذا ؟
هز رأسه بالنفي وضحكت ملاذ تأشر له : هذا حيوانات وكذا
سيف : أثد؟
ضحكت ملاذ : أيه أوكيه أجل هوه
فيصل : وش قررتوا فيلم
ملاذ : هذا مدغشقر أختياره
فيصل : ياملاذ واضح خايس
ملاذ : إذا ودك تجلس معانا تتابع على شور سيف
ناظر فيصل بسيف : وأنا أبوك عندك أفلام كثير حلوه شوري تحط الأكشن والغمووض
ملاذ : تستهبل سيف صغير تراه الفيلم على سنه
فيصل : مجبورين الله المستعان
ضحكت ملاذ تقوم تساعد شروق من رجعت جلست بيدها الفشار وسيف بجانبها جالسين يتابعون نزلت سجى : في مكان ؟
فيصل : تكفيك عيوني تعالي
أبتسمت سجى بأحراج وضحكت شروق : معليش ماقدرت أحبسها
فيصل : نشوفك مع عزام بعدين
كشرت شروق بوجهه ترجع تتابع تاكل بهدوء ميلت رأسها ملاذ على كتف فيصل تتابع وتاكل وسيف الي منسدح عليها ناظروا سجى : لو تستمرون كذا بتنامون
ضحكت ملاذ : وش أسوي الفيلم مُمل
فيصل : قلت لك بس ماتسمعين
ملاذ : وش نسوي هاليوم لسيوف
سجى : أنتبهي لايسوي نفسه ميت كل يوم عشان هالدلع
ضحكت ملاذ : ماعليك ، رجعت تناظر بفيصل : يوم الجمعه عندك إجازه صح ؟
هز رأسه فيصل وأبتسمت ملاذ : أوكيه حلو
فيصل : وش السالفه
ملاذ : ميلاد سيوفي
سجى : وش ناويه عليه هالمره ؟
ملاذ : بتعرفين جهزوا هداياكم بس
ضحك فيصل : تابعي وأنتي ساكته
ناظروا بشروق الي تاكل وتتابع وتضحك معاهم وضحكوا عليها : مندمجه
ناظرتهم شروق : ممكن تسكتون؟ خلاص إنتي وياها
هزت رأسها ملاذ ب طيب بدون رد تأكل بهدوء وتتابع
~
أخذت عبايتها بيدها تدور بعيونها أبوها لحد مالمحته واقف عند المسبح وأبتسمت تتقدم له : أبوي
ناظرها سعود ومد ذراعه وأبتسمت ملاذ تحضنه : شلونك أبوي؟
سعود : حمدلله كويس
تنهدت ملاذ وناظرها سعود : هاه يأبوي أنتي تكلمي
جلست ملاذ وأبتسمت : ماعرف صراحه فكرت بموضوع وصراحه جيت بشاورك
ناظرها سعود بإنصات يستمع لها : أبوي تعرف ولد الشيخ محمد ؟
سعود : أعرفه أعرفه بس إشبه؟
ملاذ : ولده متعب المحامي المعروف بكل الدنيا
سعود : أعرفه حل لي قضيه قبل سنوات
ملاذ : يطلبني أبوي نشتغل سوا ، وصراحه الموضوع ماجاز لي لأن ماحب أفوز بمساعدة أحد
سعود : وش قايل لك ؟
ملاذ : عنده الشركه العائليه الكبيره طلبني أكون شريكه معاه ونكون محامين للشركه سوا ، طلب إني أجيهم وتكلم أننا نشتغل سوا ونحل القضايا سوا
ناظرها سعود يهز رأسه : وشورك ؟
ملاذ : رفضت ، ماجاز لي أبوي ما أحب أفوز بقضيه بمساعدة أحد بلعكس أكون أنا الفايزه ومكتبي معاي وعندي قضايا كثيره أحلها يعني مو محتاجه قوه عشان أفوز بكم قضايا
سعود : الي سويتيه صح ، وماهو زين متعب هوه صحيح فنان بشغله
قاطعته ملاذ : فنان صح ، وأنا فنانه وأعرف أفوز بالقضايا بنفسي بدون تداخلات وحتى إني أحتاج قوته وسمعته
سعود : خليك على مكتبك وشغلك وتاخذين قضايا كبيره وبيصير أسمك معروف بين العالم والدنيا الفنانه المحاميه ملاذ بنت سعود فلا تشيلي هم إتركيه وأعطيه رفضك وأن أزعجك الموضوع إتركيه علي أتفاهم معاه
أبتسمت ملاذ : أوكيه أنا بداوم
مشت تركب سيارتها تشوف سيف واقف قدام البيت ووقفت سيارتها : قهوه جديده ؟
ناظرها سيف وأبتسم : لا يابنت سعود ، جاي لعمي
عقدت حاجبينها من كلمة بنت سعود وصدت عنه تحرك سيارتها أبتسم سيف من عقدة حاجبينها وصدمتها وضحك يمشي لعمه : عَمي
أبتسم سعود : تعال أقلط
سيف : أكلت والله
سعود : زين أنك قريب ياسيف وجيتني بسرعه
سيف : وش هوه الموضوع ؟
سعود : متعب ، ولد الشيخ محمد المحامي
سيف : علامه؟
سعود : وده بالشراكه مع ملاذ
عقد حاجبينه سيف يناظر بعمه وناظره سعود : رافضه البنت بس يتصل عليها يقول وده بالشراكه معاها
سيف : ماتحتاج ملاذ
سعود : ماتحتاج عشان كذا ملاذ رافضه وترفضه بس الرجال مو راضي يفهم
سيف : مافهمت وش بسوي أنا ؟
سعود : شورك ؟ بتصير شريك مع هتان كونك مُصمم شركته
سيف : والله ياعَمي ملاذ ماتحتاج تكون شريكته ومكتبها موجود وتاخذ قضايا كبيره والأهم أنها تساعد الي يتعرضون للعنف ويحتاجون الطلاق وقضاياها تمشي بسرعه
أبتسم سعود يناظر فيه وأبتسم سيف من أبتسامته : قول لها تكمل بالرفض وأن أزعجها كثير ياعمي نتفاهم معه
هز رأسه سعود ومشى سيف خارج من البيت شد على قبضة يده : أجل يامتعب لازلت تدور حولها ؟
ركب سيارته يمشي لين وصل مكتب ملاذ ونزل يمشي : ملاذ بنت سعود
ناظرته ملاذ بدون رد وتقدم سيف : وش سالفة هالمتعب
عقدت حاجبينها بصدمه : أيش عرفك يا أبليس ؟
عض شفته يناظرها : دامني أبليس وصلني العلم يعني
ملاذ : وش تبي مافهمت ؟
سيف : بتقبلين شراكته
ملاذ : الي وصل لك العلم ما قال لك أني رفضت؟
سيف : ومع أصراره
ناظرته ملاذ تحط يدها على طاولتها تحرك القلم بأصبعها : أحب أفوز وأخسر بنفسي ، ما أحتاج محامي قوي مشهور عشان أنشهر بقوة فوزي اوكيه؟
أبتسم سيف يناظرها : هذا الصح يابنت سعود
ملاذ : أسمي ملاذ
سيف : مانتي فخوره بأسم بنت سعود ؟
ملاذ : فخوره
سيف : أجل مافيه مشكله يابنت سعود
خرج سيف وناظرته ملاذ تشوفه يطلع : غبي
سيف : سمعتك ترا
عضت شفتها تشوفه يناظرها وصد يفتح الباب يركب سيارته وأبتسم يدق على عزام : عزام
عزام : حيّ الله من أتصل
سيف : تعرف ولد الشيخ متعب ؟
عزام : الله وصلت أشبه ؟
سيف : هالغبي طلع يبي ملاذ بالشراكه بنفس الشركه
عزام : اي ؟
سيف : رافضه بس لازال يتصل ويطلب أنهم يكونون يد وحده
عزام : علامه ذا !
سيف : مادري وش بيوصل له والموضوع بدأ يزعجني
عزام : بشوف العلم وأرد لك
~
رجعت من دوامها وأبتسمت تشوفهم يركضون لها : حياتي
أنحنت تبوسهم وضحكت تاخذ لين بحضنها : أيش سويتي اليوم ؟
لين : ولا شيء
أبتسمت ملاذ وتقدم سعود لها : تعالي أبيك
هزت رأسها تنزل لين وتقدمت تبوس أمها أبتسمت منال لها تشوفها تمشي بأتجاه أبوها : أبوي
سعود : ماتكلمت معك بسالفة سيف
بلعت ريقها بتوتر : صاير شيء ؟
سعود : تعالي وعلميني وش صايـ
قاطعته ملاذ : أبوي صراحه أنا أستعجلت شوي وفكرت بالموضوع ، كلمني فيصل والحين بتكلمني وأنا أشوف أن السالفه مابتوصل لحل كذا
سعود : أستعجلتي شوي ؟ يابنتي أنتي رفضتيه قدامنا كلنا
ملاذ : أستعجلت ، وأنا موافقه عليه أبوي
سعود : وش أقول للرجال بنتي وأفقت بعد مارفضتك؟
شدة على قبضة يدها بتوتر وأبتسم سعود بهدوء : عساه بداية خير لك يابنتي
ملاذ : أيش يعني ؟
سعود : يعني الله يوفقكم ويبني طريقكم بالسعاده
أبتسمت ملاذ بخفوت وتقدم يحضنها سعود : مابتلاقين مثل سيف وبتتذكرين كلامي
عضت شفتها تبتعد عن حضنه وأخذ جواله سعود يتصل على سيف لين رد : سم ياعمي
سعود : بتكلم معك عن خطبتك لملاذ
عقد حاجبينه سيف : رفضت ياعمي
سعود : والبنت موافقه ياسيف
توسعت عيونه بصدمه وضحك : كيف ؟
سعود : يعني حددوا موعد ملكتكم
قفل منه سعود وناظر سيف جواله لثواني بصدمه ونزل من الدرج يضحك : أمي
عدلت حجابها مشاعل وضحك سيف : أمي ملاذ ملاذ موافقه
عقدة حاجبنيها نوره : وشلون موافقه ؟
سيف : أتصل علي عمي الحين يقول موافقه
ضحك خالد : أسالك بالله
ناظره سيف وضحك : والله ياخالد والله
ضحكت نوره تحضنه وتقدمت غلا : يوننس بتكون معاي بنفس البيت
كشرت مشاعل وضحكت غلا : متى ؟
سيف : مادري مادري
ضحكت نوره من فرحته : عساها دايم الدوم الفرحه ياسيف
نزل فهد من الدرج وضحك سيف : عمي
فهد : هلا سيف
سيف : عمي ملاذ وافقت
ضحك فهد يهز رأسه : حمدلله وافقت وشفنا سعادتك
ضحك سيف ياخذ جواله يتصل على عزام : عزااااام
عزام : وش سر هالفرحه
سيف : يمكن لان ملاذ وافقت ؟
شهق عزام بصدمه وضحك سيف : والله وافقت
عزام : بسم الله كيف وافقت وهيه رافضه ؟ رجعت تتقدم لها يالخايس وأنا معطيك تعليمات
قاطعه سيف : لا مارجعت تقدمت لها فجاءه جاني أتصال عمي يقول بنتي موافقه وحددوا موعد الملكه
ضحك عزام : الحمدلله الحمدلله
سيف : اقسم بالله مبسووططط
عزام : حدد موعد كتب الكتاب يوم الجمعه هذي وبعدها بفتره موعد ملكتكم
ضحك سيف : الأن بكلم عمي وأشوف
أبتسم سيف وتنهد عزام براحه : مابغينا ياعين أخوك نشوف فرحتك وأنتصار حب الطفوله
سيف : والله أحس الشرقيه كلها تحس بفرحتي اليوم
ضحك عزام : الحمدلله الحمدلله
سيف : توكل بتصل على عمي
ضحك عزام : وش بتسوي ؟
قفل منه سيف بدون رد وضحك عزام بهدوء
أبتسم سيف يسمع صوته : عَمي
سعود : هلا أبوي هلا سيف
توسع ثغره بأبتسامه : ودي نفحص يوم الأحد ياعمي والجمعه كتب كتابنا وبعدها بفتره الملكه
سعود : تعال عندي البيت ونتفق
قفل سيف يرجع يدق على عزام وضحك : والله ماني مصدق أني اتكلم عن خطبتي مع البنت الي أبيها
عزام : حلم سنين متحقق قدامك
سيف : الحمدلله
ضحك عزام : تعال والله إني مبسوط
أبتسم سيف من ضحكته : والله وانا ماني مصدق
~
ناظرها سيف بيده عصير وناظره سعود : وشهو ذا
سيف : عشان لو تدوخ
عضت شفتها وهز رأسه سعود بدون رد ، دخلت ملاذ تسحب دم بعد دقايق طلعت وناظرها سيف بأهتمام من بعيد ، سعود : دختي ؟ تحسين بشيء؟
ملاذ : لا أبوي كويسه
سيف : بس أشربي العصير
أخذته ملاذ تشرب منه ودخل سيف يسحب دم ناظرها سعود تشرب منه : نمشي؟
ملاذ : ماننتظره؟ أحس عيب
هز رأسه سعود ينتظر خروج سيف لحد ماخرج يناظر فيها وعقدت حاجبينها ملاذ : الظاهر أنت الي تحتاج العصير
ضحك سعود : خذه خذه
أخذه سيف يشرب ماسك راسه : دوخههه
سعود : ماتتحمل الواضح
عضت شفتها ملاذ تكتم ضحكتها : صرت كويس ؟
سيف : بقدر أسوق ماعليك
سعود : متاكد ياسيف؟
سيف : أيه أيه
هز رأسه ب طيب ومشى ماسك يد ملاذ وأبتسمت ملاذ تناظر بأبوها تمشي معاه ، فلتت يده تركب بجانبه وناظرها سعود : أكل ؟
ملاذ : مالي نفس صراحه
سعود : تجهزي ، بكره كتب كتابك
شدة على قبضة يدها بتوتر وتنهدت بألم : آهخ
سعود : لاتشدين على يدك الحين ساحبه دم وراه تتعبين نفسك؟
غضت عيونها بوجع ترجع ظهرهاا وناظرته : أبي عصير
سعود : وش ودك ؟
ملاذ : طبيعي ، أفكادو
هز رأسه سعود يدور بعيونه لحد مالقى ونزل ياخذ لها واحد وجا بيده ٣ وناظرته ملاذ بصدمه : وش هذا ٣ لمين؟
سعود : الثالث لأمك ، تحبه مثل ماتحبينه
أبتسمت ملاذ تاخذ عصيرها تشرب منه وفتحت عيونها تحس بشعور غريب ، شعور بكره ملكتها على الشخص الي بكت عليه وتعبت عليه وأنهارت عليه ، ذاقت حضنه وملمس يده شافته بمواقفها معاه وكأنه يقول لها أنتي أمشي وأنا ورأك ولا تخافين
عضت شفتها لحد ماوصلت البيت وأبتسمت منال : كلمت الشيخ ياسعود ؟
سعود : كلمته كلمته بكره بيكون موجود
ملاذ : يعني بتعب اليوم ؟
منال : وراه تتعبين يابنتي ؟ العاملات بينظمون كل شيء
شروق : طيب أمي الأستقبال كيف ؟
فيصل : أبوي ماتحس بالعجله ؟ ننتظر لين يطلع الفحص
سعود : بتطلع بكره الظهر يافيصل
ناظره فيصل بصدمه : وشلون ؟
ضحكت ملاذ : أكيد بنتنا شروق تعرف الي بالمستشفى وبيخرجونه بدري وصراحه مالي نيه أنتظر
أبتسمت شروق تناظر فيه وضحك فيصل : العب وأسطتها أقوى مني
ضحكت شروق بغرور : مو سهل تكون بنت سعود
فيصل : ليش أنا ولد مين ؟
ناظره سعود بطرف عين وضحك فيصل : أشبك أبوي
مارد فيصل وناظرت منال بملاذ : خذي البنات وأخرجوا تسوقو
شروق : يلا ملاذ مافي وقت
ناظرت منال بفيصل وسعود : وأنتوا لا أشوف أحد منكم بيجون يرتبون البيت وأستقبال مامثله أستقبال
فيصل : طيب خطبة عزام لشروق ؟ أشبكم سحبتوا
شروق : الحين ملاذ الأكبر وبعدها أنا
فيصل : أبوي ليش مايملكون مره وحده ؟
شروق : خير فيصل !
ناظرها فيصل : أنتي موافقه صح ؟
سعود : ماهو وقت العجله
منال : أترك كل وحده بيومها
ملاذ : أستناك بالسياره
مشت تركب سيارتها وأخذت جوالها تسمعه وردت بدون تشوف مين : هلا
سيف : ملاذ
ناظرت ملاذ بالأسم وعقدت حاجبينها : سيف؟
سيف : هلا
ملاذ : أنت شلون تعرف أني خارجه وتتصل ؟
سيف : تخطرين على بالي وأتصل
أبتسمت بخفوت : هلا وش بغيت؟
سيف : ملاذ إذا أنتي مو مستوعبه ترا فحصنا للزواج ، يعني بكره وأنتي زوجتي قدام الكُل فهمتي ؟
ملاذ : فهمت
سيف : تعودي على أتصالاتي ووجودي حولك
ملاذ : متعوده اصلاً
أستوعبت كلمتها بعد ماضحك سيف وقفلت بوجهه : حيوان يستدرجني بالكلام !
شافته يتصل مره ثانيه وضحكت بدون ماترد تناظر بشروق الي جايه : يلا
حركت ملاذ تمشي لبيت غلا لين وقفت تنتظر طلوعها وأبتسمت تشوفها تغني وتركض : واخيراً
ضحكت ملاذ : يلا ورانا مشاوير كثيره
حركت ملاذ خارجه من البيت تمشي وأبتسمت شروق : منجد الحين بنتزوج ؟
ملاذ : فعلاً ، أحس ماعرف كيف شعوري ملخبط
غلا : حياتي أنتي الحين فكري تسكنين معانا ولا بيت لحالك ؟
ملاذ : ماعرف
غلا : تكفين ملاذ
أبتسمت ملاذ تناظرها بالمرايه : لاتقولين تكفين ، خلاص حاضر
صفقت غلا تضحك : أعشقك
أبتسمت ملاذ توقف تدخل المحل الكبير تدور بعيونها وضحكت غلا : ملاذ
ناظرتها ملاذ وتقدمت لها : تكفين
ملاذ : لبست نفس اللون بخاطري أغير
شروق : بس ستايله واو !
ملاذ : خلاص ألبسيه أنتي
شروق : بيجي عليك أحلا
غلا : حلو مره ، نوعي بالألوان وأصدميهم هيفين
ضحكت ملاذ : خلاص أوكيه بجربه
بعد ثواني طلعت تشوفه عليها وعلى جسمها وأبتسمت غلا : يهبل
شروق : مع الميكب وشعرك بيطلع بيرفكت
أبتسمت ملاذ : أوكيه يعني خلاص ؟ أحس بسرعه
شروق : طيب نخلص بسرعه أجمل
ملاذ : يلا أنتي وهيه دورو فستان باقي بناخذ أشياء كثيره
قامت غلا تدور بعيونها الفستان تمشي وهيه تناظر فيها وشهقت بصدمه من صدمت بشخص : ماتشوف
ناظرها وهز رأسه بأسف وكشرت غلا : وجع
أخذت الفستان الهادي الي قدامها وناظرت بالبنات : شرايكم ؟
شروق : لونه يهبل
ملاذ : صيفي ، أروع وأجمل وأحلى
غلا : يلا بجربه
هزت رأسها ب طيب ملاذ تجلس من أخذت القهوه تناظر بالفساتين حولها ، تتخيل شكلها بالفستان الأبيض الي قدامها تنزف لسيف بعد مشاعر ومعارك ، خرجت تتسوق لكتب كتابهم بأنتصارها بمعارك خاضوها وعاشتها قاطعت حبل أفكارها غلا : كيف
ملاذ : خيال
شروق : مره حبيته شرايك نطقم ؟
غلا : أوكيه يلا خذي مقاسك وشوفي
أبتسمت ملاذ : خلصنا ؟
هزت رأسها شروق من أخذته تطلع صرافتها ملاذ تحاسب ركبت سيارتها تترك الأكياس : يلا بنات هنا
دخلت ملاذ وأبتسمت تدور بعيونها عقد يناسب فستانها بهداوته لمحت واحد لفتها وتقدمت له تأشر له لفت للبنات : شرايكم ؟ أحس ينفع
شروق : عقد فضي ؟ مره خيال وهادي
غلا : مانعرف وش بنسوي بالملكه
ضحكت ملاذ : أنا بموت وهوه كتب كتاب بس !
شروق : بتموتين بالزواج حتى
عضت شفتها ملاذ تناظر بغلا : هذا يناسبكم
شهقت شروق من جماله : يهبل
ملاذ : خذو أثنين أو ودكم تغيرون بالعقود كل وحده شكل ؟
ناظرت شروق بغلا : لا أحس أجمل كذا
هزت رأسها ملاذ تاخذه بعد ماحاسبت ومشت تركب سيارتها : خلصنا بسرعه
شروق : الحظ معانا
غلا : يلا أكل ؟ وباقي الأستقبال نشوف أيش صاير
شروق : بتسوين ميكبك لنفسك ؟
ملاذ : أكيد صراحه أبي أكون هاديه بالنهايه كتب كتاب
غلا : بس كتب كتاب على شخص حارب الدنيا عشانك
أبتسمت بخفوت ملاذ : مو مصدقه ، مو مصدقه إني أخطيت خطوه عشانه ماعرف بنات شعور غريب بس مبسوطه حيل
أبتسمت غلا : الحمدلله بنشوف أيام أحلى وأحلى
شروق : ناكل ؟ صراحه جعت
ناظرتها غلا بتساؤل : فكك مايعورك ؟
ناظرتها شروق ولفت لها تضحك : من العلك ؟ بلعكس أتونس
ضحكت ملاذ تناظرهم : ناكل وأيش نسوي بعدها صراحه تعبت
شروق : نكمل الباقي
تنهدت تحرك السياره خارجه لين وقفت عند المطعم : هذا ، مره يمدحونه بخاطري أذوقه
شروق : مابقدر أخاطر بالأكل
وقفت ملاذ : أنزلي بس
تأففت شروق تمشي معاها وجلست ملاذ تناظر المنيو تختار وقفت تناظرهم : شروق إنتي وش صاير مع عزام ؟
شروق : حتى ما أكلمه
غلا : صح وشلون بتتزوجون وأنتوا كذا ؟
هزت أكتافها بعدم المعرفه وتنهدت ملاذ : زواجكم غلط
شروق : أعرف ، بس بيكون تقليدي وشخص عادي وصراحه مالي نيه حتى أنام معاه بنفس السرير
غلا : وشلون بتكملون حياتكم كذا ؟
شروق : الله يحلها لاتشيلي هم
من جا الأكل أكلت بهدوء تسمع نقاشهم عن حياة شروق وعزام وتنهدت بتعب تمسك رأسها من صداعها تاكل
~
KAMU SEDANG MEMBACA
هالعيون السّود عاشقه لك يامغتره
Fiksi Ilmiahفي داخلي حب واحساس وشعور للي سكن جوفي من ايام الطفوله - حسابي استقرام : oiiu.80
