Taludtod ng tula

Pangako

Nakakapagod mangako
ayaw ko na makarinig ng pangako,
Masakit sa tainga ang mga salitang ito
na hindi pinapanindigan ng tao

Anong silbi ng pangako?
sarili'y iyo lamang binibilanggo,
Bilanggo sa katotohanan
na 'di kayang panindigan

Mga salitang masarap sa pakiramdam
ngunit iba ang dating sa agam-agam,
Bakit ba kailang pang pangakuan?
kung pwede namang sabihan ng deretsahan

Sarili'y inyo lamang niloloko
dahil sa pangakong napapako,
Mga salita'y 'di dapat nilalaro
lalo na ang mga pangako.