Taludtod ng tula

Ala-ala

Mga simpleng kasiyahan
na napalitan ng kalungkutan,
Nanatili sa nakaraan
na hindi babalik kailanman

Mga ala-alang napaglipasan
mga nangyaring kinasasabikan,
Sa ala-ala'y bumabalik
ala-alang patuloy na tinatangkilik

Nangyari noong lumipas
sana'y hindi kumukupas,
Sana'y'di makalimutan
kasabay ng mga pinagsamahan

'Wag sanang mabura sa ala-ala
mga simpleng biruan na dulot ay saya,
Mga ala-alang kayo ang kasama
na naghahati sa problema at saya

Ang sarap babalik balikan
pagkakaibigang walang hangganan,
Simpleng samahan
na kapatid ang turingan

Ano pa nga ba?
lahat ay parte lang ng ala-ala,
Katotohanang wala na ang lima
dahil ang dalawa'y lumisan na.