Taludtod ng tula

Buwan

Nakakabinging katahimikan
bumabalot sa kapaligiran,
Niyayakap ng kalungkutan
ngunit siya ay nandiyan

Sa madilim na kalangitan
doon siya'y matatagpuan,
Kay sarap pagmasdan
kaniyang kagandahan

Pinaliligiran ng mga bituin
sinasabayan ng malamig na hangin,
Liwanag niya'y kay sarap damhin
nagpapakalma sa aking damdamin

Gandang 'di mapantayan
liwanag na walang katapusan
Si luna na nag iisang buwan
siya ang aking kasiyahan.