Taludtod ng tula

Ikaw at ako

Ikaw at ako
imposibleng maging tayo,
Ako nga ba'y ginugusto
o, pinapaasa lang ako

Kahit na 'di ko aminin
alam mo ang aking damdamin,
Paano nga ba aaminin
kung malabong ako'y gustuhin

Sa simpleng pagtawa
ika'y ginugusto na,
Ginugusto kita
ay hindi, minamahal na pala

Humihiling ng lubos
oras sana'y hindi muna matapos,
Luhang hindi na uubos
sana'y hindi muna bumuhos

Kahit pinapaasa
ako'y napapasaya,
Sana'y makita
aking lihim na paghanga

Ito'y pekeng mundo
lahat ay 'di totoo,
Isa lang ang may katotohanan
na ika'y aking nagustuhan

Kung panaginip man ito
nais na lang matulog hanggang dulo,
Mananatiling ikaw at ako
hanggang sa susunod na kwento.