ပေါ်လျန်က ဦးခေါင်းကို ပေါ်ယွီ့ဘက် လှည့်လျက် အရေးမထားဟန်ဖြင့် ပြောလိုက်သည်။
" မင်း ပျော်သရွေ့ ရတယ် "ကားအတွင်း ၀န်းရံနေသော ထူးဆန်းသည့် လေထုအခြေအနေကြီးကို ပေါ်ယွီ ရုတ်တရက် သတိပြုလိုက်မိသော်ငြား ဤမူမမှန်သော လေထုကြီးက ဘာကို ဆိုလိုမှန်း သူ မဖော်နိုင်သေးမီ ပေါ်လျန်က တစ်ဖန် စကားစလာပြန်သည်။
" အရင်ဆုံး အိမ်ပြန် တစ်ခုခု စားကြစို့ ၊ နောက်မှ ကောတို့ ပြောကြမယ် "___________________
ပေါ်လျန်တစ်ယောက် ကားတံခါးဖွင့်ပြီး အောက်ဆင်းမည်အပြု ပေါ်ယွီက ဆိုင်းမဆင့်ဗုံမဆင့် ဆိုလိုက်၏။
" စောစောတုန်းက ယောကျ်ားက ကောဖို့ဆို တကယ် မသင့်တော်ဘူး။ ကော တကယ်ကြီး အမျိုးသားတွေကို ကြိုက်တယ်ဆိုရင်တောင် ကောင်းမွန်တဲ့သူမျိုးကိုပဲ ရှာသင့်တယ် "စကားဆုံးသည်နှင့် ပေါ်လျန် တုံ့ပြန်သည်ကိုပင် မစောင့်ဘဲ ပေါ်ယွီဟာ တန်းပြေးထွက်သွားခဲ့သည်။ပေါ်ယွီ့လှုပ်ရှားမှုတွေက မြန်ဆန်လွန်းကာ နည်းနည်းမျှ တွန့်ဆုတ်မနေ။
{ T/N : အစ်ကိုကို သြဇာသီးရောင်းပြီးတာနဲ့ ကြောက်လို့ တန်းပြေးတာပဲ 🤣🤣🤣 }
ပေါ်လျန် : ...............
ထမင်းစားခန်းထဲတွင် ဖရဲသီးလေးက ဒူးပေါ် လက်လေးနှစ်ဖက် တင်ထိုင်၍ စားပွဲထက်က အစားအသောက်တွေကို စူးစမ်းနေသည်။ကလေးလေး၏ ခြေတံပုစိလေးနှစ်ချောင်းကလည်း လေဟာနယ်၌ လှုပ်ယမ်းနေသည်။
ပါးပါး ပြန်လာပြီ !!!
ပေါ်ယွီက ဖရဲသီးလေးအား အနမ်းလေးတစ်ပွင့် ပေးလိုက်သည်။
" အိမ်တော်ထိန်းရှန် ၊ အိမ်မှာ ကလေးထိုင်ခုံလေး ပြင်မထားဘူးလား ??? "ဖရဲသီးလေးက အနှီအနမ်းလေးကြောင့် ပျော်ရွှင်မြူးထူးနေသည်မို့ ပေါ်ယွီ မေးမြန်းနေတာတွေကို မကြားချေ။
အမြဲတစေ ဂရုတစိုက်နှင့် သတိရှိတဲ့ အိမ်တော်ထိန်းရှန်က ပေါ်ယွီ မေးမေးချင်း အံ့အားသင့်သွားကာ ထမင်းစားပွဲထိုင်ခုံတွင် ထိုင်နေသည့် ဖရဲသီးလေးအား အလိုအလျောက် လှမ်းကြည့်လိုက်သည်။သူ ကပျာကယာ ဝန်ခံလိုက်၏။
" ကျွန်တော် တာ၀န်ပေါ့ဆမိတာပါ "
YOU ARE READING
လမ်းခွဲပြီးပြီ၊မနှောင့်ယှက်နဲ့တော့(မြန်မာဘာသာပြန်)
RomantikOriginal Title ; 分手了, 别闹 English Title ; Breaking Up , No Joke Author ; 香芋奶茶 (Taro Milk Tea) English Translator ; PurpleLove666 Status in OOC ; 190 Chapters + 10 Extras ဖန်းရှိုလျယ် ၊ ပျယ်နောင့် (မြန်မာပြန်) THIS IS A PURE FAN TRANSLATION. I got p...
အခန်း-၁၀၆(အစွဲအလမ်း)
Start from the beginning