حين يعصف العشق 💕

الجزء الثامن و الثلاثون

الجزء الثامن و الثلاثون

يوم السبت 26 مارس
الساعة 10:00 صباحا

في مكتب صالح العابد

عياطه و دوشته كانت واصلة للشارع
: أني مخدم معاي كمشة حمير
كمشة حيوانات..
أولاد ستين 🤬🤬🤬
حيوانات أولاد 🤬🤬🤬🤬🤬🤬
يا عن..🤬🤬🤬🤬🤬
هما سيارتين .. سيارتين مش قادرين تحموهم و تغطوا عليهم كويس
خسارة السلاح و الذخيرة إلي عاطيهالكم
أني نبي نفهم مش قلت اطلعوا سيارتين قبل
مش قلنا لازم من التمويه
معقولة بضاعة حقها ثلاثة مليون تريح
تأكلها النار قدام عيونكم و أنتم تتفرجوا
تي كان تبيعوا نساوينكم و خواتكم متخلصوش ربع حقها يا 🤬🤬🤬🤬🤬 يا أولاد ال🤬🤬🤬🤬🤬
لكن الحق مش فيكم الحق فيا أني إلي نحسابكم تريس و ينعبا عليكم و عاطيكم كلاشنات
منحاسبش روحي نوكل في كمشة 🤬🤬🤬🤬🤬
لكن أني نعرف نربيهم أني
فتحي تتحرك طول تاخدهم كلهم و تحبسهم
ضي الشمس نبيهم ينسوه
لا تليفونات و لا زيارات و لا شي
خبزة يابسة و معفنة و امية بس تحطولهم لن أني نفكر في وسيلة نعذبهم و نبرد على روحي بيها
حطهم و تعالالي حسابك معاي بروحه انت
فتحي : أوامرك يا باشا
تحرك قدامي أنت وياه تحركووووا
و بعد شوية رجع فتحي اليد اليمين لصالح العابد
: أوامرك يا باشا
صالح : فهمني مش قلت طلعوا سيارتين نظاف نفس الموديل قبل السيارتين المعبيات بأقل من خمسة دقائق
كيف صار ؟؟ نبي نفهم بالضبط؟؟
فتحي : و الله يا باشا درت زي ما أمرتني
و نفذت كلامك بالحرف الواحد
صالح : و مادام نفذته كيف ينحرقوا السيارات كيف ؟؟
اسمع يا فتحي أنت شكلك تبيني نحط عيني عليك و يضربني الخنس
و أني إلي نخنس منه تعرف شن ندير فيه
و كيف يكون مصيره
و فتحي مات بالخوف :
و الله يا باشا ما ليا علاقة و لا تخاف مني
أني أصلا إلي قلت لك على شكي في جهاز التسجيل
إلي لقيناه و بعدين اختفى و قلت لك خلينا نغيروا الخطة بش نريحوهم
و الله العظيم ما ليا علاقة بلي صار كله
صالح رفع سبابته في وجه فتحي :
أنت إلي المفروض تخاف مني أنت
و توا قبل لا يتم النهار نبيه ال🤬🤬🤬🤬🤬
الخاين إلي في وسطهم
نبيه يدفع حق البضاعة إلي انحرقت من دم قلبه هوا و عيلته
نبيك بعد لا تعرفه تجيب عيلته قدام الكل هني
و أني نقوللكم كيف تتصرفوا معاهم
نبيه يكون عبرة لغيره و ما عاش حد فيهم يتجرأ يفكر بس يلعب بذيله
و الأهم يا فتحي الأهم نعرف من وراه
و من مقريه ضروري
و إن شاء الله يكون إلي في بالي صح
تحرك يا فتحي عندك لآخر النهار تسمع فيا
فتحي : أوامرك يا باشا
و طلع من المكتب مخلي صالح العابد يفور ويغلي
و هو شبحات جد رعد ليه لما تلاقى معاه في ثاني يوم عزي الحاجة وردة و إلي آثرت الرهبة و الخوف في نفسه مش قادر ينساها و لا يمررها مرور الكرام

🌿🌿🌿🌿🌿🌿🌿🌿🌿🌿

الساعة 10:20 صباحا