لقاء القلوب

البارت الخامس عشر

كان يقف مع الطبيبة ويحاول الثبات لانه كان يعرف ان اباه واخيه يراقبونه ولكن بداخله نار تحترق وهو يراها هكذا نائمه على الفراش ولا تعي لأى شئ ، بعد ما تم فحصها
علي : خير يا دكتور مالها
الطبيبة : هى كويسة بس هى اتعرضت لضغط كبير ، بس هى كلها شويه وهتفوق واضح كمان انها ضعيفه لازم تأخد بالك منها وتهتم بأكلها واهم حاجه بلاش تتعرض لضغط نفسى تمام
علي : تمام ، وتنهد بصوت عالى ، وبعد خروجها
والده : انت قولتلها ايه خليتها تقع كده
علي : ولا حاجه ، عن اذنكم عشان ترتاح شويه
خرج والده واخيه ، وهو جلس على طرف الفراش ونظر اليها وتحدث بكل ضعف
علي : سامحينى يا نور ، انا عارف انك بتحبينى ، بس غصب عنى كان لازم اقولك الحقيقة عشان اقطع اى امل فى قلبك انا منفعكيش يا نور انا انسان مريض مهوس بحد مش موجود وللاسف لما شوفتك لقيتك هتشاركينى فى قلبى معاها وانا مش هسمح انه يحصل حتى لو كان من جوايا بتقطع وانا شايف فى عينك الحزن ، نار جوايا مشتعلة ومحدش قادر يساعدنى وانتِ سبب النار دى ، لا قادر اشوفك مرمية كده ولا قادر على دموعك وحزنك ولا قادر ابعد عنك ولا ابعدك عنى ولا قادر اقرب منك ولا اقربك منى ودوامة كبيره بقيت فيها بسببك ، عشان كده لازم اقوى نفسى لازم ابطل افكر فيكِ لازم افضل كده قلبى ليها لوحدها اول مره اتمنى انى كنت شوفتك انتِ الاول او اتقابلنا فى وقت غير ده اكيد كنا هنكون حكايه تتحكى للناس ويتقال فيها اللى محدش عمله قبل كده، سامحينى يا نور ، وربنا يعدى الايام الجايه دى على خير بس وعد منى هأمن ليكِ مستقبلك وهعوضك عن كل حاجه حصلتلك بسببى ، كفف دموعه التى انسابت بدون وعيه ولا ارادته وخرج وتركها وهى فتحت عيونها وكانت تسمع كل كلمه منه وكان مع كل حرف ينطقه يكسر حته بداخلها
نور : ياريت يا علي كنا فى وقت غير الوقت بس خلاص يا علي مش هقبل انك تعيش فى الدوامه دى بسببى ، ومادام بتحبها اقوى كده يبقى لازم انساك وهوعدك انى هقوى نفسى زيك لحد لما الموضوع ينتهى وساعتها هبعد عنك للابد ، خلاص يا علي كل حاجه خلصت وللنهايه
اغمضت عيونها وتركت دموعها تنساب على وجهها وهى تتذكر كل حاجه حصلت بينهم ووضعن ايدها على قلبها لعله يهدى من وجعه ، اما هو خرج من الفيلا كلها ولم يركب عربيته وظل يمشى وهو يتذكرها ويتذكر من اول يوم شافها وكل الاحداث اللى مروا بيها ويحاول التماسك وكانت تلمع عيونه بالدموع ووضع يده هو الاخر على قلبه يحاول ان يجعله يخمد من ناره المشتعله وآلامه
مفيش اصعب من انك تحب حد وكل العالم والظروف ضد الحب ده
__________^^____________
كان حسام يجلس هو ووالده فى الحديقه
الاب : ليه بيحصل كده مع ابنى ، وليه بيعمل فى نفسه كده
حسام : معقول يا بابا بيحبها كل الحب ده وهى مش موجوده
الاب : يمكن يكون بيحبها ، بس الاقوى انه حاسس بالذنب لانه كان السبب فى فقدنها ، انت مكنتش موجود يوم الحادثه
حسام : ساعات بندم واقول ياريت كنت فضلت معاكم هنا ومبعتش عنكم ، مكنش كل ده حصل ، من يوم وفاه امى وانا كنت لسه طفل عندى خمس سنين وشوفتها وهى بتضرب بالنار من واحد حقير لحد النهارده بتمنى اعرف مين اللى عمل كده فيها وساعتها كرهت كل حاجه بتفكرنى باليوم ده وده كان اليوم اللى اتولدت فيه هديل ساعتها انا صمتت انى سافر مع خالى واعيش برا وبعد مرور خمس سنين عرفت باللى حصل وساعتها قررت انى ارجع تانى عشان علي وخصوصا بعد التعب والحاله النفسيه اللى بقى فيها
الاب : ماضى آليم ، مش قادرين نخلص منه، وحتى لما جتلنا الفرصه اهو بيضيعها
حسام : المشكله انى مش عاوز يعترف ، يعنى حضرتك شوفت بنفسك لبسها الحجاب ، ولما اغم عليها صمم ان اللى تيجى تكشف عليها تكون ست ، غير ان منع حد فينا يدخل اثناء الكشف عليها ومسمحش لحد فينا يقرب منها غير بعد الكشف ده غير خوفه وقلقه اللى حاول يبين عكس كده ، كل ده وعادى
الاب : يا ترى هيكون فى امل تانى ، صحيح خالك جاى هو وسالى بنته بعد يومين
حسام بإرتباك : طب كويس
الاب : بقالك وشك اتقلب ليه
حسام : لا عادى مفيش حاجه
الاب : ااه عرفت ، سامحها يا حسام دى مهما كان بنت خالك و
حسام مقاطعا لابيه : وبس يا بابا هى بنت خالى وبس ومش هتكون غير كده
الاب : يا بنى ليه بتعذبها وتعذب نفسك ، كل انسان ممكن يغلط ، واللى بيحب بيسامح
حسام : بس فى حاجات مينفعش نسامح فيها ، عالعموم الموضوع ده قديم وبقاله خمس سنين وخلاص احنا اتقبلنا الوضع الجديد
الاب : متأكد
حسام : ايوه ، عن اذنك يا بابا هطلع ارتاح شويه
الاب : اتفضل يا حبيبى ، وبعد ذهابه تنهد الاب وهو يحزن على حال اولاده
__________^^_________
كانت دينا تنتظر محمود وهى قلقانه من النتيجه وبعد شويه الباب خبط وراحت تفتح وهى متوتره
محمود : عامله ايه يا حبيبتى
دينا : مالك يا محمود شكلك زعلان ، هى النتيجه فيها حاجه
محمود : طب ممكن نقعد ونتكلم
كانت دينا تموت قلقا ، جلسوا سويا وهى كادت ان تفقد اعصابها
دينا : خير يا محمود
محمود : بصى يا حبيبتى ، انا جبت التحاليل والاشاعات وعرفت من الدكتور ان اااااه
دينا : ايه يا محمود طمنى عشان خاطرى
محمود : يا حبيبتى مفيش حاجه بس مل الموضوع ان طلع عندك شويه مشاكل بسيطه فى القلب ، لكن الدكتور طمنى وقالى مع شويه علاج ومفيش مجهود كتير هتبقى ذى الفل
دينا : يعنى الموضوع خطير
محمود : لا ابدا والله ، انا مش هكدب عليكِ وممكن تتأكدى بنفسك
دينا : امال فى ايه
محمود : لازم تنزلى البيبى يا دينا
دينا  قامت وقفت وهى تنظر اليه بصدمه : انزل ايه البيبى ، ليه مش قولت الموضوع بسيط
محمود : بسيط لو لوحدك ، لكن مينفعش تحملى يا دينا على الاقل دلوقتى ، وبعدين حتى لو مخلفناش انا مش فارق معايا غيرك انتِ
دينا ببكاء وانهيار : لكن فارق معايا انا يا محمود ، انا طول عمرى بتمنى اكون ام ويكون منك انت جاى دلوقتى تقولى مينفعش ، طب ازاى
محمود : عشان انا مش عاوز اخسرك انتِ اهم من اى حاجه حتى منى انا ، وانا مش مستعد اخسرك ، افهمى لو كملتِ الحمل ده هتموتى
دينا بصوت عالى وانهيار : مش مهم ، لكن هكون سبتلك حته منى
محمود : انتِ اتجننتى ، وهنعيش ازاى من غيرك ، مفكرتيش فيا ، بقولك انا مش عاوز ، مش عاوز اكون اب انا عاوزك انتِ
دينا : طب طب جايز ميحصلش حاجه
محمود : وانا مش مستعد اغامر
دينا : يعنى ايه
محمود : يعنى انا خلاص اتفقت معاهم وهنروح النهارده عشان تنزلى البيبى ده ، وخلاص الموضوع اتقفل ومفيش كلام تانى
جلست دينا بكل انهيار وهى مش مصدقه اللى بيحصل ده ، كأنه كابوس وعاوزه تصحى منه لكن مستحيل انها تنزل الطفل ده حتى لو كان خطر على حياتها مستحيل
محمود جلس بجانبها وحاوطها بيده وقبل راسها : طب يا حبيبتى ممكن تهدى عشان صحتك وتعالى نتكلم مع بعض بهدوء ممكن ، دينا امأت براسها بمعنى انها موافقه
محمود : طب انا هدخل اعمل كوبايتين عصير ، وبعدين نقعد ونتفاهم مع بعض ماشى
قام محمود واحضر العصير وظلوا يتحدثوا عن الموضوع حتى انتهوا من شرب العصير
دينا : انا مش عارفه مالى ، دايخه ليه
محمود : انا اسف يا دينا ، انا حطتلك منوم فى العصير عشان اقدر اوديكى المستشفى وانزل البيبى ، مكنش قدامى حل غير كده ، انتِ اغلى من روحى وانا مستعد اخسر كل حاجه الا انتِ
دينا حاولت الوقوف لكن لم تستطيع وصرخت بإنهيار : لا يا محمود مستحيل تعمل فيا كده لو عملت كده هتخسرنى لا يا مح.......... وفقدت الوعى وهو حملها وهو يبكى ويعتذر لها لانه مكنش قدامه حل غير كده
______________^^^________
البارت ليه تكمله عاوزه دعمكم والتصويت ليا تمام
اشوفكم على خير

                                         يُتبع