اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
معقوله ... هاي آخر مره احچي وياك ..؟! معقوله ... !! شو ما جاي تدخل بالى 😩 معقوله ... بعد ما تسأل عليه...؟وما تعرف أخباري..! معقوله ... ما عندي حق أشتاك چي مو مالي 🤔 چا والسهر ...؟ والغيره ... ؟والمشتاقين ...؟ والوينك اتأخرت وانه متانى ...؟! معقوله ... باجر تحب واحد ثاني ............🥹 +++++++++++++++++++++++
بسمة .... نضال
أي يا دولاب الدنيا أفتريت بحياة العراقيين أسرع من دولاب الحظ
غربت وتد خيمة ال الكليط ( باجي فوزية ) بسبب وباء الكورونا ،
أرواحنا غابت وراها ،، والحزن خيم علينا ،، و الزاد قهرنا على فراكها ما كدرنا نسويلها فاتحه وننصب الها سرداق العزاء ،، كل أهلنا مصابين بالوباء ، السبع البيهم كاعد على حيله وقناع الأوكسجين لازك على وجهه .
الحزن نهش روحي و أذاني لان ما كدرت أودعها بالساعات الأخيرة من حياتها ،خفت أوصل لدار أهلنا أي خفت لا أنصاب وأجيب العدوى ل يابه عارف وبعد هو رجال جبير بالعمر ،، وعافيته على كده ، خطية الانفلونزا تلعب بي طوبه مو أنوب الكورونا.
وخلف الله على الموبايل افتح الاتصال فيديو واعاين على مصيبة أهلنا واعرف أخبارهم من بعيد ،
الله لا يعاودها هذيج الايام على ألبشريه خوف وقلق وتفكير ، ايام أعوذ بالله منها
عائلتي ( بيت معن ) حجرتهم ما نوصل لباب الشارع نخاف على يابه عارف ،، وحت أبرار ما وصلتنا أبددد الحمد لله والشكر لله ما وصلنا الفايروس
يونس باليوم يتصل عليه الف مره قليل يخاف على يابه عارف ، كل شويه يتصل :-بسمه ديري بالج على يابه عارف -جبتلج التعقيم وصلته لباب الشارع اطلعوا أخذوه -عصير البرتقال والليمون ما وصيج بيهن -بسمه البصل والثوم تنطي بكل وجبه -الفيتامينات الوصلنج تنطي على الوقت أني مأشرلج على كل علبه -بسمه شوربة العدس تصير وجبة ريوكه اليومي
