#فراقد
#قوقعة-جمر
#ح- ١٣ -
*********************
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
اه يـا وكـت صـرنـة احـنـة اهـل الـعـوز
وصـرنـة اكـثـر بـلـد مـعـروف بـالـفـقـرة
( لـو كـان الـفـقـر رجـلاً لـقـتـلـهُ )
الـفـكـر لـو زلـمـة هـسـة اطـفـالـنـة اتـكتله
++++++++++++++++++++++++
كفاح /....
إني مو غشيمة أم وأعرف طينة بزري شنهي
فرحة تخبلت وخبصتنه وياها
شكالت الحباله
ويا أريد أفرح بشوفة البزره
بسمه وغيده وذيب و يونس إخوان
و أولاد عارف و مريم
هاي المخبله طره على فكرها
هي بعد ما تخلف
و عمتي (عمشه) تعرس الذيب
وما تحب تجيب عروس غريبه للدار
و راح يجبرون ذيب يتزوج بسمه
حجيت لحد ما مليت،،،ريكي نشف
واني أعيد و أزيد
-يمه لا ذيب يتقبل بسمه عروس اله
ولا هي البنيه تقبل بذيب
لو مو يجبروهم
يمه هم اخووووه تعرفين شنو اخوووه
-يمه هذا فكرج بدلي
و اذا بيوم من الايام ذيب اخذ بسمه
صووجج،،،،أنتي الزرعتي البذرة
وانتي النثرتي صيتها
-ردي الباب عن هذا فكرج
و تركي البنيه بحالها
سطرات جدتج كافي عليها
هسه غير تكون بنيه جبيره وتسمع الكلام
وتكول أمي حجت ونصحت و وعتني
بس ما يفيد بيها لا نصح ولا كلام
و المفروض هي تنلصم وما تضل تبثول
وبالاخص بفكرة الزوجة الثانيه
رجلها يحبها ومدوهن عليها
وما أتوقع يكسر بخاطرها للموت
بس هي وين تصد وين ترد
شدت حراب ويه بسمه
على ساعة الساعة وتلازمن
وتصير هذيج اللغوة التغمت الروح
عمتي كعتها،،،و لزمتها حدها
و هددتها بس تندك بعد بسمه
تنفذ فكرتها التبثول بيها و من صدك تزوجها لذيب
وتحرك كلبها.
كعدت يمي وشبعت بجي
-يطبج حريشي جم مره نصحتج
كتلج بسمه و ذيب اخوان
ردي الباب عن هذا فكرج
