حكاية 📖 #قوقعةجمر
📝 - ح - ٢٦ - ( ٢٦- ج الثالث ) هديه للحبايب 💕
✍️#فراقد
%%%%%%%%%%%%%%%%%%%
ﺭﻗﻴﻘﻪ ﺍﻣﻲ ... ﻭﻳﻔﺰﺯﻫﺎ ﺍﻟﻨﺪﻩ ﻣﻦ ﻳﻄﻴﺢ
ﻣﻜﺘﻮﺏ ﺍﻟﺼﻨﻒ ... (ﻭﺭﺩﻩ ...🌹) ﺑﻬﻮﻳﺘﻬﺎ
ﻣﻮ ﻋﻠﻮﻳﻪ ... ومو من ﺍﻟﺴﺎﺩﻩ ﺍﻟﻴﺸﻮﺭﻭﻥ
ﻣﻦ ﺷﺎﻓﻮﻫﺎ ... ﺣﺴﺪﻭﻫﺎ ﻋﻠﻪ ﺷﺎﺭﺗﻬﺎ
ﻛﺪ ﻣﺎ ﻃﺎﻫﺮﻩ ﺑﻮﻛﺖ ﺍﻟﺼﻼﻩ ﻣﺮﺍﺕ
ﺍﺫﺍ ﻣﺎﻧﻠﻜﻪ السجادة ﻧﺨﻠﻲ شيلتها ..
++++++++++++++++++++++++++++بسمة .... نضال .....
الف الحمد لله والشكر لله مرتاحين
وكلشي بحياتنا مستقر ...أستلمت أسمي من المشروع ( السلفة )
ومن أيدي للنجار ، أشتريت غرفة اخشاب ل أوس
خطية متبهذل ، وينام بالكاع ، وملابسه معلكتها على الشماعه ...بهاي الفتره هو كلش تعب ، بين الوظيفة والدراسه
قدم على الدراسه المسائية كلية الأدارة
يخلص الصبح بالوظيفة ، والظهر يطلع للكليه
وبليل هجي هو مغمض يكلب الكتب ...أبرار قدملها أبوها على الامتحانات الخارجية
سادس أعداي ... وتخبلت بين الملازم والدفاتر والكتبمسره وحمودي نفس وقت دوامي بالمدرسة
ودنيا رهمتها ويانه دخلتها مستمعه أحسن ما تشلع قلبي من أسجلها ..
وقت دوامي قليل،،اداره غير مدرسه اشتركت ويانه بالبنايه ، بين ما يكمل بناء مدرستهم ،،
واحنا أصلا جان وقت دوامنا شفتين صباحي،وظهري ، هسه صار الدوام ثلاث أوقات
فصار دوامي بالشفت الصباحي من ٨ لل ١١
جهالي ويايه أخذهم وارجعهم