#فراقد
#قوقعة-جمر
#ح-٣-
*********************
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
لك فـي قلبـي
" سبعة إبـواب "
أولها الحب..وآخـرها العتـااب..
والخمس الباقيات
شوق.. جنون..عشـ ـق..وحنيـ ـن..وأمنياات
وعيون لا ترى سواك.... 💘💘💘
ذياب // أنقهر وتحز بروحي من أبوي يضربني.
إني ثاني واحد بخلفته...
غيداء هي الجبيره
وإني على حدها
وبعدي المرحوم محمد توفى ويه عمي فيصل
وبعده يونس
وباقي أخواني الصغار
ماعندي أب عندي جلاد
أبسط ماعنده لو جنزني من الكتل
يعني لو شرب ماي وما عجبه يشربه
يرجع عليه ويضربني
ما أعرف شنو سبب كرهه اليه ولباقي أخواني غيده و يونس
بعد هذاك اليوم العايني ألعب مطرار ويه صحباني برأس العكد وبيس بيه بالضرب والكتل
ومن صارت الهوسه
واتكفلني يابه عارف
ويمه مريم
وأصبحت أني و اخواني برعايتهم
يلا عاينت لرحمة الله و هلت علينه
يمه مريم تفدينه بروحها
عكس أمي وسن
من تعاينه ننكتل تكعد تبجي وتنكل ويانه
شلت حقد بكبر هاي الدنيا على أبوي عثمان.
وكل أمنياتي بس أريد أكبر وأصير قوي
وأكتله كتله معدله أرد بيها اله كل الظلم الشفته من عنده.
كبرت وتحولت بالمتوسطه وشواربي خطت.
و عثمان عنده جدا عادي يكفخني كدام اليسوه والما يسوه
جدتي عمشه مرأه آميه
بس سبعه وشخصيتها قويه
و تشجعنه أنكمل دراسه أني وأخواني.
وبالعطله تدفعني أروح للمصنع أشتغل بالجلود والدباغه ويه عمامي.
رجعت من الشغل
ومن سياج الجيران طالعة شجرة الطرنج على الشارع،،،،كطفت طرنجة
وهم عادي يقبلون ويعرفون أحنه لو باقي البيوت نكطف من يمهم
