حكاية 📖 #قوقعةجمر
📝 - تكملة ٧ - ( ٧ - ج الثالث )
✍️#فراقد
%%%%%%%%%%%%%%%%%%%%
مثل سـن العقل ويهيج تالي الليل
هيچ تهيج روحي وانتظر جيتك.....
+++++++++++++++++++++++++بسمه ... نضال //
بعد ما صارحت معن بسري المدفون بيني وبين روحي
وبس الله وهيثم يعرفون بي ...
أخير كلمة سمعتها من لسانه :- فلا ابريج ذمةومن هاي الساعه هجرني ...
اثاري طلع هجر الموامنه يختلف عن الزلم الباقين ..
اني واعية وافتهم واعرف شنو الموضوع الهجر ...
واتذكر مثلا من جان عمي شبيب يتعارك ويه جوهره
لو ذيب ويه المرحومة
يعزلون فراشهم يعني ما يتقربون عليهن
( يزعلون بس بليل ) ...بس النهار يخلصون الوقت يصيحون عليهن ...
وهن خطية يقومن بكل الواجبات من أكل وشرب
وملابس جاهزه ونظيفه ...انوب هم الما راضين وخلقهم مكلوبه ويتعاركون وياهن وحت أهلنا الباقي يتأثرون بزعلهم
معن زعل هذيج الزعله
هي زعله ،، وهي عزلهبيده يغسل ملابسه
بيده يجهز أكله
بيده يخدر جايه
بيده يمد فراشه ينام يم الجهال واني بكبتي
لو أني أنام يمهم ( يم أبرار و أوس ) وهو بكبتنالسانه بعد ما نطق بااسمي
ولا طلب من عندي أي شغله
وحت من أمد سماط النعمه ما ياكل من أيدي
هو يطبخ لروحه ...وحت الخبز يجيب من دور إخوانه
أبددد ما ياكل من أيدي .واذا عاينته يطبخ لروحه لو يغسل ملابسه بيده
أستحي من روحي أروح اساعده
يدفعني بكل هدوء ،، ويأشرلي روحي ...حك الله ينكال ،،،
راتبي عندي ما يوم كالي وين راتبجوراتبه قليل يادوب يسد الحاجات الضروريه بالمسواك