✍️ #فراقد
📝 #الخامسة ( ٥ - ج ألثاني)
من 👈 حكاية 📖 #قوقعةجمر
٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪الصـافي گلـبـــه 💗
يـعيش وي ربعـــه عـزيـز😇
+++++++++++++++++++++بسمة /نضال.....
طبكت سماعة التلفون ويه باجي سماح
خطية شكد بقت تدعيلي بالخير والسعادةكمت لحيلي ونزعت إحرامي
ولفلفت سجادتي وطلعت من الصاله
صار بوجهي هيثم
-مساء الخير
-مساء النورتعدني وراح للصحيات
إني بوجهي طلعت للمطبخ وبلشت اجهز الأكل
دخل بوجهه كعد على ميز الطعام
سألني ضايجة لو زين وضعج
جاوبتة - الحمد لله والشكر لله زينة-أحنا شنريد بس تكونين زينة و مرتاحة
واني ما قصر معاك
وأصير حباب نفس عمك ثائر هو هم حباب موو......-اي والله حباب
اتمنى تتعرف علية انسان طيب ومحترم-أتمنى أحصل على فرصة لقاء سعيدة تجمعنا مع بعض،،،متشوق للحديث معاه
جهزت الغدة وكعدت كباله وبلشنا ناكل
لا هو يحجي ولا أني
بس كل ما إرفع عيني علية أصيدة يراقبنيبس خلصت الغده شلت المواعين وغسلتهن
ومسحت ميز الطعام
بين ما خدرت الجاي
هذا طبع أهلي متعوده يعنيهو بس غسل ورجع كعد بمكانة يراقبني
أخذتنه السوالف
هو يسألني....وأني اجاوبة
ماعندي شي أضمة لو أخاف من عنده أحجي الصدكهو وكل أهله كلامهم بهدوء
و من يحجون كأنهم يلقون نشرة أخبار
وأكثر شي يحجون فصيح
قليل يستخدمون الكلمات العامية
مثلا يكولون :- لو سمحتي // من فضلك
مو مثلنا نكول من رخصتجويختلفون عن طبع أهلنا بكلشي
بالحجي باللبس بالاطباع
هم عائلة عريقة ومعروفة من عهد العثمانيين
هم باشوات ومثقفين وأصحاب سلطة ونفوذوالهذا السبب نسائهم الخواتين (جمع خاتون)
يعاينن علينا من جوة خشومهن
يحسبونه أحنا ناس بابة عرب
ولا معتبرات مكانة أبوي الكليط
ولا حاسبات مكان لمكانة عشيرتنا وأهلنا