اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
لگينا الدنيا ما تنحب حزن ودروب ما تنطب درب مكتوب بي نبچي ودرب مكتوب بي نتعب ++++++++++++++++++++++++
سماح /......
مساجن الله بالخير والعافية ياحبايب
الحمد لله الدنيا صفت وياي من بعد هذيج السنين الشدت بيهن عكدات حبالها عليه
بناتي رؤى وأمنه بحظني
عيالي يحبوهن وبالاخص عمتي ما تفرقهن عن بنات ولدها كلش تحبهن وتحب اخوهن علاوي
علاوي قائد وملك عد عيالي وثائر يموت عليه
والف الحمد لله ربي منزل المحبة بكلب ثائر على بناتي
يكول - على كصتهن الله سهل أمري ورجعت للوظيفة أيتام واني متكفلهن وإن شاء الله ما اقصر وياهن واكون الهن نعم الأب
الحمد لله رجع يشتغل بس بغير مكان هذاك الاورزدي القديم ألحصل من وراه التهمه الكيديه ونسجن بسبب أخو المرحومه ومدير قسمه
صح مكان هذا الاورزدي الجديد شويه بعيد عن مكان سكنه،،،بس مرتاح بالشغل بي ويكول المدير والموظفين خوش أوادم
وهن البنات كلش مرتاحات بالعيشة بحظني
وينادن عمي (أبو ثائر) جدي وهو زين وياهن ما يفرقهن عن باقي احفاده
وعمتي (أم ثائر) ينادنها بيبي هي علمتهن يكولن بيبي بدل كلمة جده
بس رؤى تنادي ثائر عمو بس آمنه لا تنادي بابا
وهو يقنع ب رؤى تنادي بابا
صح خيرات الدنيا كبلت عليه بس ما نسيت أوليدي سلطان كلبي كلب أم وأحس بي هو عايش اسم الله علية ما متوفي وعندي أمل بشوفته ادعيله ليل ونهار كون ربي يجمعني بي ويدزله ولد الحلال اليحمونه من شر التايهات
بهذاك اليوم فرحني ثائر بخبر تقديمه على الشركة الوطنيه وبلش بحجز مواد البناء لحت يبني قطعه الكاع ومن يخلص البناء بسلامة نطلع من دار عيالي
