حكاية 📖 #قوقعةجمر
📝 - ح - ٢٠ - ( ٢٠ - ج الثالث )
✍️#فراقد
%%%%%%%%%%%%%%%%%%%%
مسافر ___بس فارغة الجنطة !!!! الحمل بالروح ....
++++++++++++++++++++++++++++++
بهجت ....
اتصل يونس على شوقية
كاللها :- بس خليها تسمع صوتيأجاني صوته :- أبتهاج يا بنت كفاح ونائل
أنتي طالق ،، طالق ،، طالقواني أعلمج يا ساقطة ،، الا أسحب الجهال منج
وخليج دايحة بالبيوت .......عطت بوجهه ،، بس شنو هجي انفض من قهري
- ياااا يونس يبن عمي ،، وأبو جهالي
للموت راح تظل مثل تفال السمه
أظل بنت عمك ،،، وعاااارنا راجع عليكوكل تصرف وكل كلمة منك ترجع عليك
خليني دايحه بالبيوت و تشيم بشواربكوجهااالي لووو تلطع السمه بلسانك ما تلزم اظفر منهم
واكلك شي
أاااني كح...به ،،، اااي أعترف أني كح...به لان حبيتك ولاااا أنت شنو بيك ينحب ...؟!شوقية سحبت الموبايل من أيدي وسدت الخط
طول ما أني احجي هي تعتعت بيه وتصم بحلكي
بس اني من ناااار كلبي ،، فطت بي .وعدت هل أيام وموبايل شوقية ماسكت
من واحد لواحد ...اتمنيت واحد منهم يوصلني ،،بس محد جي عليه
شوقية وصلت الخبر لباجي فوزية
وكالتلها :-وضع الديره يخوف والعلس بفلس ونص
ممنوع تخلين واحد من اهلنا يوصل هنا خاااف لا ينطكون بالدهن ....وتعدي عليه الساعات والايام بتعب
نفسيتي انهارت ...بسمه خابرتني ادك وتلطم
ما تحجي بس تبجي ...