حكاية 📖 #قوقعةجمر
📝 - ٥ - ( ٥ - ج الثالث )
✍️#فراقد
👈لا تنسوها 💫
حبايب ما عندي موعد محدد للنشر
%%%%%%%%%%%%%%%%%%%%
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
ولنثق دائماً بأنّ الله كله خير وبأنّ مشيئته كلها رحمة.
+++++++++++++++++++++++++++
بسمة .... نضال
بهذاك الليل الاظلم طلعت ويه معن
وصلت لشارع أهلنا ...
شو عمامي الكبار والولد مجمعين بالباب ...
وصوت باجي فوزيه تصرخ
وصوتها واصل للديوان...
يمه هذا صوت عمي شبيب يصرخ :- يا ياااابه
أسم الله الرحمن الرحيم على أهلي وناسي
ما أدري اسابق الزمن لو اسابق روحي
ركضت ... ما أدري مشيت بهمه
اريد اعاين وافتهم شكو .. وشبيهم أهلنا
يمه عساني لا وصلت ...
هذا أبوي الكليط شكول وشحجي عنه
استغفر الله رب العالمين أهجسة بس هو الشخص
الوحيد الي ربي خلقه هجي طيب
وخلوق
وصاحب كلفه
وماكو بعد رجل يحمل نفس صفاته
ورب العزة ... أبوي طيب
أبوي خيير
أبوي توكفله الدواوين
أبوي زلم مشوربة يدنجون كباله وينفذون كلامة
يعني شكول عنه قليل بحقه
أي شخص مضيوم
لو تايه
لو محتاج كفاله
لو محتاج فزعه
بس يجي ينخاه يركض كباله
أبوي صيته معروف بالدواوين
وبس يذكرون أسمه ويكولون فلان
الكل يترحم على روحه...ويكولون والنعم منه
رجال خيير
وصاحب كلفه ..
بعد شبيدي على أمر ألله
بس أكول لا اله الا الله ... أنا لله وإنا أليه راجعون
وربي يحفظ جميع الأباء الباقين
ويرحم السابقين منهم لدار الحق
مرت علينا ايام العزاء بقهر بهضم
نقلع وتد خيمتنا
و غرب سندنا
وضاع أماننا
تعبت جداً تعبت
ما معترضه استغفر الله العظيم على آمره
بس لوعة جمرة الفراك توجع
جنت يمهم من الصبح لليل وهو كلشي مابي
هجي فجأه يجيني خبر موته ...!!
