اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
حال العراق والعراقيين بعد سنة ٢٠٠٣ الصوره ☝️
👈عشرة عمر وياه ،،،، واصبحنه عدوان ذاك الحسبته حزام حية تبن بان 😔 ------------------------------------------------------
بسمة...نضال //
ساعة السوووووودة بهذاك اليوم العلنوا بي سقوط النظام الرئاسي ...
سبحان الله انقلب وضع بلدنا رأسا على عقب
لا إله إلا الله هسه يلا عرفنا معني كلمة (بلا بوش) الجنا نسمعها من حلوك اهلنا من جنا صغار ونلعب ونصير وكاح يزمخون علينه بكلمة (بلا بوش ما تكعدون شويه خلونا نرتاح )
وهسه صدك مرت علينا سنوات ( بلاء بوش ) سنوات فكر وظلم وجور وحقد ونزاعات طائفية وتهجير قسري للعوائل ونهب خيرات البلد وسفك دماء الأبرياء وانعدم الأمن والأمان وخوف ورعب ومصير مجهول ومستقبل ما إله اي خطوط واضحه ادلي عليه
اذا بزغ علينا الصبح بخير وسلامة واحدنا يصلي ركعة شكر لرب السموات لان كرمنا بحفظه ورعايته وعده علينا الليل با أمان وما داهموا دورنا ألامريكان واعتقلوا واحد من زلمنا
واذا مر علينا النهار بخير وسلامة واحدنا بداية الليل يرجع يصلي صلاة شكر لرب العالمين الحماه بهذا اليوم من شر الخطف والقتل على الهويه،، لو على الاسم ،، لو على اللقلب،، لو على منطقة السكن .
بليل يأخذنا الرعب والخوف بسبب المداهمات
وبالنهار نعدل ونموت الف مره اذا واحد من زلمنا طلع بره الديره علمود شغلة لو فد شي مهم يكمله
