✍️ #فراقد
📝 #التاسعة ( ٩ - ج ألثاني)
من 👈 حكاية 📖 #قوقعةجمر
٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪تتنسه روحي عليك حيل أشتهيتك
تختلف عن ألناس أنهجم بيتك
++++++++++++++++++++++++ابتهاج /.... بهجت .
نار الغيرة شعلت بروحي
من يوم ما لكيت رسايل الدايحة ضامهن يونسأعرف هو جان عنده وياها علاقة حب ومشاعر
بس ما اعرف عنده وياها علاقة جسديةأكول الروحي :-شلون أكدر بعد اعيش وياه؟؟؟
وأني جنت اعاينله بعين العزوه والسند والأمان
وفجأه اكتشفت خرابيطة
وهجسته صار قذر....زاني...نكس ...
شفرقة هسه عن نايل السكط (أبوها) ؟؟؟
هم جان سكير وأبو نسوان والدروب المكسره.ورب البيت أصعب شعور يمر على المرأه
هو هذا الشعور الحقير (شعور الخذلان)و علواه لو جان شعور كسرة القلب عظم وينجبر
ألف مره ومره فكرت
و كلت الروحي:- الواحد اذا ما يخاف الله
ما يعرف حقوق عبد الله..... *وهو لان أتقبل الحرام ونكاسة الزنا بشبابة
يصير الموضوع عنده عادي وره الزواج
بحجة مليت... زهكت...ما أريدها
ويطلع الف عذر وعذر ليرجع ل هذا الدرب
لان ضاك حلاة حرامة.......ولذة نكاستهوبعد اهلنا يكولون كل ممنوع مرغوب*
ف راح تصير حياتي نفس حياة أمي (كفاح)
هي عانت ويه نائل العار وإحنا (البنات) الضحية
واني راح اعاني ويه يونس
ولو صاروا عندي جهال هم راح يعيشون بنفس إطار حياتي....شكد حاولت انفصل من عنده
بس محد من أهلي ساندني
بعد هذا هو صارت قسمتي من عنده طمغةولا هو يصير سبع ويكعد يصارحني
ولا يصارح أهلنا ويوضحلهم على شنو تخبلت عليةأعترف واكول :- قلبي و مشاعري هو مالكهن
بس عقلي رافضه وما متقبل ماضيه
حقي أخاف من عيشة المستقبل وياه
أخاف لا يغدرني بخيانة أو يشرد
اخاف من باجر لا ييتم جهالي
اخاف أعيش بنفس إطار عيشة أمي