بهذاك الليل دزلي يونس رسالة :- اليوم عندي خفاره من أخلص واجبي أتصل ،،خلي الموبايل قرب عليج عندي موضوع خاص أريد نسولف بي ...........
يا أمه الإسلام غير أريد عيوني تاخذ نوم غير أركد بفراشي وأنام غير أكول الروحي :- ترى أنتي مرأه جبيرة وأم ولازم تصرفاتج تكون موزونه اعقلي ونامي بفراشج بس بعد كبال الشوك ماكو لا عقل يفهم ولا قلب اليبطل عن نبضات الخبال
كمت سويتلي فنجان كهوه .. كعدت باب المطبخ بيدي الموبايل اقرأ واركز بكل حرف من الرسايل
الله اكبر غزاني هذاك الشعور الغريب الحقير ..
يمكن هو شعور الشوك الما يرحم لان ماله وقت أو مكان !!!
يمكن هذا شعور يعصر قلب كل إنسان ويمر على كل واحد فاكدله عزيز !!!!
الله أكبر كل ما صار تالي الليل هذا الشعور يأذيني
تمنيت يونس يملك نفس هذا شعوري و هجي بس شويه يحس بيه
بعد ششوف ،، وشتحمل من دولاب الدنيا غصب عني حملني ذنب غيري وغصب عني حملني هم وقهر فوك طاقتي
