#فراقد
#قوقعة-جمر
#ح - ٢٧ -
********************
ي مُدري منيّن ماعاين
أشوفك تگبر بعَيني ❤️
++++++++++++++++++بسمة.....
والله كل قهري من وره ذيب
هو بلغ أمي عمشه عن المعهد
واخذني بالقوه وراح سجلنيشبعت بجي ما أريد أداوم
ما أكدر أواجه البنات
وحدتهن تخبل باللبس والمكياج وتسريحة الشعر
واني مكفنه بالنقابورب العزة هل بخت ما أريده
ولا أريد الدوام
ولا أريد التعليم
ولا أريد الوظيفه
أريد بس أخلص من مسخره ومزق البناتورب العزه الطالبات حقيرات
طلعن روحي بس يضحكن عليه ويمزقن
ويخلصن وقت المحاضره ضحك وتبشبش وكركره
ومن وحده الوحده يعبرن الورقه يقرن ويضحكنوحتى بوقت الاستراحه
ما يستقبلني وابقى كاعده وحديأني ما أكدر إرفع النقاب عن وجهي
لان أكو اساتذه يدرسونه بكم مادهواحد من الاساتذه سألني بكل احترام
-بابا شنو سبب لبسك للنقاب؟؟جاوبته - أستاذ عندي بخت وكرامه من رب العالمين
وأهلي لبسوني النقاب من أني طفلهرجع سألني - باباتي أنتي ملتزمه بالدين؟؟
جاوبته - الحمد لله
صلاتي مضبوطه أصلي على الوقت
واصوم رمضان
وعدنه سنه الصيام الاثنين والخميس
أني واغلب أهلي نصوم
واختم القرآن ما يقارب خمسه إلى ست مرات بالسنه.-ما شاء الله
تبارك الله
ربي يزيدج من حلاوة الإيمان وبركة الإسلامشو بعد هذه المحاضره
بلشن البنات يمزقن عليه
هاي التكول - هااا سحاره عرفنه لغزجوهاي التكول- اذا عندج بخت اخذيلي خيره
وهاي التكول - اكلج انطيج قطعة ذهب وتكشفيلي
مو تكولين عندج بخت بس شوفي يجي حبيبي يخطبني.طكت روحي من عدهن
اعوفهن بالقاعه
واطلع ألبد بفد مكان وانهزم من عدهن
واشبع بجي،،،ما أكدر أتحمل مزقهن ومسخرتهن