حكاية 📖 #قوقعة-الجمر
📝 - ح - ٣٤- ( ج الثالث )
✍️#فراقد
%%%%%%%%%%%%%%%%%%%
الصفنة تكتل لو يمر بيها عزيز ......
وهي هاي السالفة الما تنحجي ......
+++++++++++++++++++++++++++اليوم السابع للمرحومة حنينة ال الكليط سماح أم سلطان...🥀
صوت القران الكريم عالي ومسموع بسورة يوسف بصوت الشيخ عبد الباسط عبد الصمد يرحمه ألله
والهدوء مخيم على جميع الحاضرين بربعة دار الكليط
باجي فوزية هنا كاعده وايدها على خدها
ودموعها تجري على الوجنات
ومتشحه بهذاك الثوب النيلي الغامق
وتمتم بصوت ناصي:- يا دنيا شخليتي من أهلناباجي كفاح كاعده هنا وصافنه هذيج الصفنه
وعيونها شابحه ، ومدري وين تايه فكرها
ولو فزت كالت :- الشفاعه يا أبو إبراهيم الشفاعهوهنا كاعده ياجي وسن أم حميد وحايره بنات إبنها حميد
بنت خنساء
وبنت بيداء
بعدهن أطفال رضع ،من غبشه دخلو علينا أهل البصره
شوقيه ، وباجي كفاح ، وأحليمه ، وياهن مصيفيوهنا كاعده أحليمه ومتشحه بالسواد ، جت تواسينه وتحضر عزانه.