ပေါ်ယွီ သူ့အခန်းထဲ တံခါးတွန်းဖွင့်ဝင်လိုက်သည်။အခန်းအတွင်းရှိ ပရိဘောဂခန်းစီးအပြင်အဆင်နှင့် ပစ္စည်းပစ္စယာသေးသေးလေးတွေရဲ့ အခင်းအကျင်းတို့အစ သူ အိမ်မှထွက်သွားစဉ်အချိန်ကနှင့် ကွဲပြားခြင်းနတ္ထိ။အိပ်ရာထက်က အိပ်ရာခင်းပင်လျှင် လွန်ခဲ့တဲ့ဆယ်နှစ်က သူ အကြိုက်ဆုံးကာတွန်းဇာတ်ကောင်ရုပ်ပုံဖြစ်၏။ စုံထောက်ကိုနန် !!!
ဖရဲသီးလေးကပါ ပေါ်ယွီ့အခန်းထဲ တောက်တောက်တောက်တောက် ပြေး၀င်လာပြီး အိပ်ရာခင်းပေါ်က ကိုနန်အား လက်ညှိုးလေးထိုးမေးသည်။
" ပါးပါး ၊ သူက ဘယ်သူလဲ ??? "" ထာ၀ရလူသတ်သူရဲကောင်း ကိုနန် "
ပေါ်ယွီ့မျက်နှာက လေးလံနက်ရှိုင်းနေသည်။ဖရဲသီးလေးက " အွန်း " ဟု လေသံဖျော့ဖျော့မျှ နားလည်ကြောင်း အသံပြုလိုက်သည်။ကလေးလေးက ပေါ်ယွီ့ဘောင်းဘီစလေးကို ဆွဲလှုပ်၍ စိတ်အားထက်သန်စွာ မေးမြန်းလိုက်၏။
" ပါးပါး ၊ ဒက်ဒီရောဟင် ??? "" မင်းရဲ့ဒက်ဒီက အလုပ်များနေတုန်း။ သူ အလုပ်တွေအားရင် ပါးပါးတို့နောက် လိုက်လာလိမ့်မယ် "
ပေါ်ယွီက စာအုပ်စင်ထံ လမ်းလျှောက်လိုက်သည်။စင်ထောင့်တစ်နေရာက ဖုန်အလိမ်းလိမ်းပေနေသော မီးခိုးရောင်မှတ်စုစာအုပ်ကို လက်လှမ်းယူလျက် ဖုန်မှုန့်များအား မှုတ်ထုတ်လိုက်သောအခါ မျက်နှာကို ဖုန်တွေနှင့် ပက်ဖျန်းလိုက်သည့်အလား။
ဖရဲသီးလေးရဲ့မျက်နှာလေးက ရုတ်တရက် ပြောင်းလဲသွားကာ ပေါ်ယွီဆီ လုံးတုံးလုံးတုံးလေး ပြေးလာသည်။ဖရဲသီးလေးက သူ့ပါးပါးကို စိုးရိမ်တကြီး မော့ကြည့်ရင်း အော်ပြောလိုက်သည်။
" ပါးပါး ၊ ဖူး ... ဖူး ... ၊ သား မှုတ်ပေးမယ် "ပေါ်ယွီက မျက်လုံးများကို ဖွင့်ချည်ပိတ်ချည် တဖြတ်ဖြတ်ခတ်ပြီး လက်ညှိုးနှင့် ပွတ်သပ်လိုက်သည်။ထို့နောက် ရေချိုးခန်းသို့ နံရံကို စမ်းလျှောက်၍ မျက်နှာထက်က ဖုန်မှုန့်များအား ဆေးကြောလိုက်၏။ယင်းဖုန်မှုန့်များ ဝင်သွားသဖြင့် ပေါ်ယွီ့မျက်ဝန်းတွေက နီရဲနေလေသည်။
![](https://img.wattpad.com/cover/277358084-288-k588843.jpg)
YOU ARE READING
လမ်းခွဲပြီးပြီ၊မနှောင့်ယှက်နဲ့တော့(မြန်မာဘာသာပြန်)
RomanceOriginal Title ; 分手了, 别闹 English Title ; Breaking Up , No Joke Author ; 香芋奶茶 (Taro Milk Tea) English Translator ; PurpleLove666 Status in OOC ; 190 Chapters + 10 Extras ဖန်းရှိုလျယ် ၊ ပျယ်နောင့် (မြန်မာပြန်) THIS IS A PURE FAN TRANSLATION. I got p...
အခန်း-၁၀၄(အိမ်အပြန်)
Start from the beginning