နောက်ဆုံးတော့ ထယ်နဲ့အရာရှိJeonဟာ မျဥ်းပြိုင်နှစ်ကြောင်းရဲ့ စမှတ်တစ်ခုစီမှာ ခြေစုံရပ်ခဲ့ကြပြီး... ရှောင်လွဲလို့မရတော့တဲ့ ထိပ်တိုက်ရင်ဆိုင်ရမယ့် အချိန်တစ်ခုဆီ ရောက်လာခဲ့ပြီ။
" ဒေါက်တာက ဘယ်လိုဖြစ်တာလဲ"
" မြင်တဲ့အတိုင်းပဲလေ"
" မင်းခေါ်လာခဲ့တာဆို! "
" ဆရာဝန်တစ်ယောက် ဒဏ်ရာရနေတာမြင်လို့ ခေါ်လာခဲ့တာ အကြောင်းပြချက်ပေးစရာလိုသေးလား"
" မင်းနဲ့အတူရှိခဲ့တာ မဟုတ်ဘူးလား"
" အတူရှိတော့ရော ဘာဖြစ်လို့လဲ"
ထယ်နဲ့တွေ့တွေ့ချင်းမှာ အရာရှိJeonက ခပ်တည်တည်နဲ့ အကြောကိုစတင်းထားသလို ထယ်ကလည်း တစ်စက်မှအချိုးပြေမပြခဲ့ပဲ ခပ်ရွဲ့ရွဲ့နဲ့ ပြတ်ပြတ်သားသားပဲပြန်ဖြေသည်။
" မင်းကဘယ်သူမို့လို့ ဒေါက်တာနဲ့အတူရှိနေတာလဲ"
" ခုနကဆေးရုံကလူတွေ ငါ့ကိုခေါ် လိုက်တာကို မကြားလိုက်လို့လား "
"ဘာ ! "
မျက်နှာချင်းဆိုင်နေရာကနေ Jeonကထယ့်ရှေ့ကို ခြေတစ်လှမ်းထပ်လှမ်းဖို့ ပြင်လိုက်ရုံနဲ့ ဦးညွှတ်အရိုအသေပေးနေတဲ့ ဆေးရုံကလူတစ်ချို့ဟာ သူဘာမှတောင်မလုပ်ရသေးတာကို ထယ့်ရှေ့မှာ ပြေးကာလိုက်ကြတာ ဝုန်းကနဲပဲ...။
အရာရှိJeonကို ထိန်းမနိုင်သိမ်းမနိုင်ရတဲ့ကြားထဲ... ဆေးရုံတစ်ခုလုံးဗြောင်းဆန်နေရတဲ့အထဲ ဥက္ကဌထဖြစ်သူ ထယ်ကပါထပ်ပေါ်လာတော့ အကုန်လုံးဟာအလန့်တကြားနဲ့ ပြာပြာသလဲ...။
" ဒါ... ဒါက ဆေးရုံမှာ shareအများဆုံးပိုင်တဲ့ ဥက္ကဌKimပါ အရာရှိJeonစကားပြောတာ လေးစားပေးပါ "
" ဆေးရုံဥက္ကဌဖြစ်တော့ ဘာလုပ်ရမှာလဲ "
ဥက္ကဌKimလို့ ဆိုနေကြပေမယ့် Jeonဟာ ဒီအသံဒီအရိပ်အယောင်ကို တနေရာရာကနေ အသေအချာမှတ်မိနေတာ...။
ထယ်နဲ့ မျက်နှာချင်းဆိုင်လိုက်ရတဲ့ စက္ကန့်ပိုင်းလေးအတွင်းမှာပဲ
ဒေါက်တာ့ကိုအကြိမ်အကြိမ်အခါခါ အန္တာရာယ်တွေပေးခဲ့သူလား... ဒေါက်တာသိပ်ကြောက်နေရတဲ့သူလားဆိုတဲ့ အတွေးတွေများစွာက အရာရှိJeonရဲ့ခေါင်းထဲမှာ သတိကြီးကြီးထားနေရတာ...။
YOU ARE READING
House Of Cards 🔥
Fanfictionတချို့ဆုံတွေ့ခြင်းတွေက ဝဠ်ကြွေးတွေသာဆိုရင် မျှော်လင့်စရာ တစ်စုံတစ်ရာမှ မရှိခဲ့ပေမယ့်လည်း မဆုံနိုင်တဲ့လမ်းတွေရဲ့ အဆုံးသတ်တဲ့အထိ အသွေးအသားထဲကနေ ရူးနေအောင်ချစ်ရတယ် ...။