မစ်ရှင်၏ အခက်အခဲကြောင့် စုပင်း မကျေမနပ် ဖြစ်သော်လည်း စိန်ခေါ်ရန် စိတ်ဓာတ် မကျသေးပေ ။
နယ်မြေမှာ ပုံရိပ်သာ ဖြစ်၍ အတွေ့အကြုံမှ လွဲကာ အခြားအရာများ ယူ၍ မရနိုင်သဖြင့် နဂါးဝိညဥ် ပြောသော အမွေအနှစ်အကြောင်းလည်း စုပင်း စိတ်မဝင်စားပေ ။
"လုပ်ကွာ" စုပင်း ပြင်ဆင်ပြီး သားရဲများနှင့် မျှော်စင်ခြေရင်းရှိ ဝင်ပေါက်သို့ သွားလိုက်၏ ။
အရိုးခြောက်ကလေးသာ နဂါးမျိုးနွယ်စု၏ ခွန်အားကို ဂရုစိုက်ခြင်း မရှိပေ။ အခြေအနေ အဆိုးဆုံးဖြစ်သော လစန္ဒာခွေးမှာ ကြောက်ရွံ့ခြင်းကြောင့် နေရာတွင်ပင် တုန်ရီနေပြီး ငရဲမီးနဂါးမှာလည်း ထူးမခြားနား ဖြစ်သည်။၎င်းကလည်း နဂါးမျိုးနွယ်၏ ကြပ်မတ်သော အဆင့်အတန်း ခွဲခြားမှုကြောင့် ကြောက်နေရှာ၏ ။
ခရမ်းရောင်မြွေမှာမှု စုပင်း၏ ခြေရင်းတွင် စိတ်သက်သာရလိုငြား ခွေခွေကလေး နေနေ၏ ။
မျှော်စင်အထဲသို့ ရောက်လေလေ စိတ်ဝိဥာဏ်အပေါ်သို့ သက်ရောက်နေသည့် ဖိအားမှာ ပို၍တိုးလာလေလေဖြစ်ပြီး နေရာအနှံ့ အန္တရာယ် ရှိနေသည့်အလား ထင်ရကာ တော်ရုံလူဆိုပါက ဖနှောင့်နဲ့တင် တစ်သားတည်းကျအောင် ထွက်ပြေးသွားနိုင်၏ ။
စုပင်း အသက်ပြင်းပြင်း ရှူသွင်းကာ မသေမျိုးများ၏ ကစဥ့်ကလျား နယ်မြေမှ အတွေ့အကြုံကြောင့် အမှုမထားပဲ ဝင်သွားလိုက်သည်။
ထိုစဥ် ရွှေရောင်နဂါးတစ်ကောင် ထွက်ပေါ်လာပြီး သူ့အား စိုက်ကြည့်ကာ တုနှိုင်းမရသော ခွန်အားကို ပြနေခဲ့သည် ။
အခြားသားရဲများရှေ့တွင် အလွန် မာနကြီးသော ငရဲမီးနဂါးမှာ မျက်နှာအား အတောင်တစ်ဖက်နှင့် ဖုံးကာ ကြောက်နေပြီး လစန္ဒာခွေးမှာ ကြမ်းပေါ် လဲကျကာ သတိလစ်နေ၍ ခရမ်းရောင်မြွေမှာ ခွေပြီး ခေါင်းဝှက်ကာ မမြင်ရအောင် ကြိုးစားနေ၏ ။
အရိုးခြောက်ကလေးကတော့ တုန်လှုပ်ခြင်းမရှိ ရပ်နေ၏ ။
စုပင်း သူ၏ကြောက်နေသော သားရဲများကိုကြည့်ကာ စိတ်ပျက်စွာဖြင့် ခေါင်းခါယမ်းမိလိုက်သည်။
![](https://img.wattpad.com/cover/334254713-288-k135810.jpg)
YOU ARE READING
ကြယ်တာရာသားရဲများ၏ကမ္ဘာ(အတွဲ ၁)ၾကယ္တာရာသားရဲမ်ား၏ကမ႓ာ
Fantasyစုပင်းတစ်ယောက် အိပ်နေရင်း သူနေထိုင်တဲ့ ကမ္ဘာထက်ပိုအဆင့်မြင့်တဲ့ အခြားကမ္ဘာတစ်ခုကို ကူးပြောင်းရောက်ရှိသွားပြီး ထိုကမ္ဘာသည် နည်းပညာမြင့်သော်လည်း ကြယ်တာရာသားရဲများကို အဓိကအားထားကြောင်းသိလိုက်ရပြီး သူရောက်ရှိနေသောခန္ဓာကိုယ်ပိုင်ရှင်မှာ သားရဲများနှင့်ဆက...
အခန်း ၁၁၅ နဂါးမျှော်စင်
Start from the beginning