အခန်း ၄၀ နေ့စဥ်ဘဝ
ဘာသာပြန်.Soul
စုလင်းယွဲ့ထံသို့ သွားနေသော ကြယ်တာရာ စွမ်းအင် အမျှင်များအား ကြည့်ကာ စုပင်း သူများ၏ ကျင့်ကြံနှုန်းအား မြန်ဆန်စေနိုင်ကာ သူ၏ စမ်းသပ်ချက် အောင်မြင်၍ ဝမ်းသာသွား၏ ။
"အကျိုးသက်ရောက်မှုက ထင်တဲ့အတိုင်းပဲ ။ ဒါပေမဲ့ ကိုယ့်ကိုယ်ကိုတောင် လိုတာ မဖြည့်စည်းနိုင်သေးတာ သူများအတွက် ကူညီနိုင်တာက အသုံးမဝင်ဘူး" စုပင်း ေခါင်းရမ်းကာ ရင်ဘတ်ပေါ်ရှိ လေပွေအား ရပ်တန့်လိုက်၏ ။
ထိုအချိန် စုလင်းယွဲ့မှာ မတ်တပ်ရပ်ကာ အခြေအနေ အကဲခတ်ကြည့်ရန် ပြင်လိုက်စဥ် စွမ်းအင်များ ထူထပ်နေရာမှ ပုံမှန် ပြန်ဖြစ်သွားရန် မမျှော်လင့်ထားပေ ။
"တအား အစွမ်းထက်တဲ့ သူတွေအနားမှာ စွမ်းအင်တွေက ထူထပ်တယ်လို့ ဆရာကပြောတယ် ။ အဲ့လိုလူ ဖြတ်သွားတာလား" ကာတွန်း ဝက်ဝံရုပ်နှင့် လိုက်ကာအား မကာ အပြင်သို့ စုလင်းယွဲ့ လှမ်းကြည့်လိုက်၏ ။
သူတို့အိမ်မှာ လမ်းဘေးတွင် ရှိကာ လမ်းတစ်လျှောက်တွင် လူတစ်ယောက်မှ မရှိကြောင်း စုလင်းယွဲ့ တွေ့လိုက်ရ၏ ။
"သွားလိုက်ပြီ နေမှာ" စုလင်းယွဲ့ စိတ်ပျက်သွား၏ ။
စုလင်းယွဲ့စိတ်ထဲ ထိုသို့ စွမ်းအင်များ ထူထပ်အောင် ပြုလုပ်နိုင်သူမှာ အကောင်းဆုံး သားရဲစစ်သည် ဖြစ်ကာ အခြားသူများ၏ လေးစား အားကျရသူ ဖြစ်ပြီး မတွေ့လိုက်ရသည်မှာ သူမအတွက် စိတ်မကောင်းစရာ ဖြစ်သည်ဟု တွေးလိုက်၏ ။
"တစ်ရက်တော့ ငါလဲ အကောင်းဆုံး သားရဲစစ်သည်ထဲက တစ်ယောက် ဖြစ်ရမယ်" စုလင်းယွဲ့ ခေါင်းမော့ကာ သူမကိုယ်သူမ ဂတိပေးလိုက်ပြီး လိုက်ကာအား ပြန်ဆွဲချကာ ခုတင်ပေါ် ခုန်တက်၍ စာအုပ် ပြန်ဖတ်နေလိုက်သည် ။
"လေပွေကို တခါတည်း လှည့်ကြည့်ရအောင်" စုပင်းမှာ ကျင့်ကြံမှုအတွက် အမျိုးမျိုး စမ်းသပ်နေကာ စိတ်ဝင်စားစွာနှင့် ကျေနပ်နေ၏ ။
အတိုင်းအတာ တစ်ခု အကြာတွင် စုလင်းယွဲ့အခန်းမှ စွမ်းအင်များ ညိမ်သက်သွားကြောင်း တွေ့လိုက်ရ၍ သူမ အိပ်လောက်ပြီဟု စုပင်း တွက်လိုက်မိ၍ အချိန်အား ကြည့်လိုက်ရာ ၂ နာရီ ရှိနေပြီဖြစ်ကြောင်း တွေ့လိုက်ရ၏ ။
![](https://img.wattpad.com/cover/334254713-288-k135810.jpg)
YOU ARE READING
ကြယ်တာရာသားရဲများ၏ကမ္ဘာ(အတွဲ ၁)ၾကယ္တာရာသားရဲမ်ား၏ကမ႓ာ
Fantasyစုပင်းတစ်ယောက် အိပ်နေရင်း သူနေထိုင်တဲ့ ကမ္ဘာထက်ပိုအဆင့်မြင့်တဲ့ အခြားကမ္ဘာတစ်ခုကို ကူးပြောင်းရောက်ရှိသွားပြီး ထိုကမ္ဘာသည် နည်းပညာမြင့်သော်လည်း ကြယ်တာရာသားရဲများကို အဓိကအားထားကြောင်းသိလိုက်ရပြီး သူရောက်ရှိနေသောခန္ဓာကိုယ်ပိုင်ရှင်မှာ သားရဲများနှင့်ဆက...