အခန်း ၇၀ သင်တန်းကျောင်းအတွက် ဖိတ်ကြားခြင်း
ဘာသာပြန်.Soul
အခြေစိုက် စခန်းမှ ဒုံးကျည် ၊ လေဆာအမြှောက်များ မှော်အလောင်း သားရဲအား ချိန်ရွယ်နေကြ၏။ အစောင့်များမှ သားရဲပေါ်ရှိ ရင်းနှီးသော မျက်နှာများ တွေ့မှ ချိန်ထားသည်အား အောက်ချခိုင်းပြီး စိတ်ထိန်းချုပ်သော သားရဲများ၏ စပိုင်များ မဖြစ်စေရန် စူးစမ်းသူ တံဆိပ်များ စစ်ဆေးလိုက်သည်။ ယခင်က သားရဲဘုရင် သို့မဟုတ် ကပ်ပါးသားရဲများ စိမ့်ဝင်ခဲ့ခြင်း ရှိခဒဲ့ဖူးကာ အခြေစိုက်စခန်းသည် မြို့များအတွက် အကာအကွယ် ဖြစ်ခြင်းကြောင့် သေချာ စီစစ်ရခြင်း ဖြစ်သည် ။
စစ်ဆေးပြီး ပုံမှန်အတိုင်း သေချာလျှင် ထိုသို့ ခွန်အားကြီး သားရဲ ပိုင်ရှင် အခြေချသူများ သိပ်မရှိသဖြင့် အစောင့်များ စုပင်း နာမည်အား မမေ့စေရန် မှတ်ထားလိုက်၏ ။
"တောင်းပန်ပါတယ် ။ ဒါပေမဲ့ သားရဲကို သားရဲနေရာ ပြန်ထည့်ထားပေးပါ ။ သားရဲ အကြီးတွေ စခန်းထဲ ခေါ်ခွင့် မရှိလို့ပါ" အစောင့်တစ်ယောက်မှ ယီချန်းရှန်အား မှော်အလောင်း သားရဲ ပိုင်ရှင်ထင်ကာ ယဥ်ကျေးစွာ ပြောလိုက်၏ ။
"အဟမ်း...မစ္စတာစု ၊ သူပြောသလိုပဲ မစ္စတာစုရဲ့ ရုပ်သေး သားရဲကို အပြင်မှာ ထားခဲ့မှ ရမယ် ထင်တယ်" ယီချန်းရှန် ချောင်းဟန့်ကာ ပြောလိုက်လျှင် မူလ လူချမ်းသာ သားမီးသာ ထင်ထားခဲ့သော စုပင်းအား အစောင့်များ အံ့ဩစိတ်နှင့် လှမ်းကြည့်လိုက်၏ ။
"မလိုပါဘူး ။ ဒါကို အကျိုးအမြတ်အမှတ် ပြောင်းဖို့ စဥ်းစားနေတာ" မှော်အလောင်း သားရဲမှာ အရိုးခြောက်ကလေး၏ ရုပ်သေးသားရဲ ဖြစ်ကာ သားရဲနေရာသို့ ထည့်၍ မရခြင်းကြောင့် ရှင်းထုတ်ရန် စဥ်းစားပြီး စုပင်း ပြောလိုက်၏ ။
ထို့အပြင် သူ့တွင် အရိုးခြောက်ကလေး ရှိထားပြီး ဖြစ်ကာ အာကာသ အက်ကြောင်း နယ်မြေများ သွားရန် အစီအစဥ် မရှိခြင်းကြောင့် နောက်တစ်ခါ လာရလျှင် နောက်ထပ် သေဆုံးပြီး သားရဲ ရှာနိုင်၍ စုပင်းအတွက် မလိုအပ်ပေ ။
သို့သော် အခြားသူများ ထိုသိူ့ စီစရာ သားရဲမျိုးအား အစိုးရ လက်ထဲ အပ်ရန် သဘော မတူနိုင်ကာ ဖန်ကန်းလီပင် စုပင်းအား နားချကြည့်သေးသည် ။
YOU ARE READING
ကြယ်တာရာသားရဲများ၏ကမ္ဘာ(အတွဲ ၁)ၾကယ္တာရာသားရဲမ်ား၏ကမ႓ာ
Fantasyစုပင်းတစ်ယောက် အိပ်နေရင်း သူနေထိုင်တဲ့ ကမ္ဘာထက်ပိုအဆင့်မြင့်တဲ့ အခြားကမ္ဘာတစ်ခုကို ကူးပြောင်းရောက်ရှိသွားပြီး ထိုကမ္ဘာသည် နည်းပညာမြင့်သော်လည်း ကြယ်တာရာသားရဲများကို အဓိကအားထားကြောင်းသိလိုက်ရပြီး သူရောက်ရှိနေသောခန္ဓာကိုယ်ပိုင်ရှင်မှာ သားရဲများနှင့်ဆက...
