" ဆယ်နှစ်ရှိပြီ။ မင်းအလုပ် အောင်မြင်လာတဲ့အပြင် ကလေးတစ်ယောက်လည်း ရလာပေမယ့် ငါ့ကို လာလည်ဖို့ အစီအစဉ်မရှိပုံပဲ "
ပေါ်လျန် လက်ဖက်ရည်တစ်ခွက် ကောက်ငှဲ့လိုက်သည်။လက်ဖက်နံ့သင်းသင်းက လေနှင့်အတူ ပျံ့နှံ့သွား၏။" ကော ၊ ကျွန်တော် ............ "
ပုံမှန်ဆို ရွှန်းရွှန်းဝေအောင် စကားပြောကောင်းတဲ့ ပေါ်ယွီက နှုတ်ဆိတ်နေသည်။သူ့ကလေးဘဝကစလို့ လေးစားသဘောကျရတဲ့ အစ်ကိုကြီးဖြစ်သူနှင့် မျက်နှာချင်းဆိုင်ရတိုင်း သူ့ရဲ့စကားပြောစွမ်းရည်တွေအားလုံး အလုပ်မလုပ်ပေ။
စီးပွားရေးသမား ပေါ်လျန်က ဝေ့လည်ကြောင်ပတ်အချိန်ဖြုန်းရတာကို မကြိုက်။သူ လိုရင်းဆီ တည့်တန်းပြောလိုက်သည်။
" ပစ္စည်းတွေသိမ်း ၊ ကောနဲ့ အိမ်ပြန်မယ်။ မင်း သရုပ်ဆောင်အလုပ် ဆက်လုပ်ချင်ရင်လည်း ကော မပိတ်ပင်ဘူး "ပေါ်ယွီဟာ ရဲရဲနီနေသည့် မျက်လုံးများဖြင့် ပေါ်လျန်ကို ဆတ်ခနဲ ခေါင်းမော့ကြည့်လာသည်။သူ မျက်ဝန်းများကို ဖြည်းညင်းစွာ မှိတ်လိုက်၏။
" ဟင့်အင်း "ပေါ်လျန် လက်ဖက်ရည်ခွက်အား ကြမ်းပြင်ဆီ ပစ်ပေါက်လိုက်ရာ လက်ဖက်ရည်ခွက်က အစိတ်စိတ်အမွှာမွှာ ကွဲကြေသွားသည်။
အပြင်က စားပွဲထိုးလေးက အခန်းထဲ ကမန်းကတန်းပြေးဝင်ကြည့်ရှူရန် ပြင်လိုက်သော်ငြား ပေါ်လျန်၏ bodyguard များက ဟန့်တားထားကြသည်။
" မင်းက အပျော်လွန်ပြီး အိမ်ပြန်လာဖို့ မေ့နေတယ်လေ ??? "
ဣန္ဒြေပြန်ဆည်လိုက်တဲ့ ပေါ်လျန်က တစ်ရှူးတစ်ရွက်နှင့် သူ့လက်တွေကို သုတ်လိုက်သည်။" ကျွန်တော် ဒီမှာ မိသားစုရှိနေပြီ "
ပေါ်ယွီကား ခေါင်းငုံ့နေသည်။သူ သူ့အစ်ကိုနှင့် မျက်လုံးချင်းဆုံရန် သတ္တိမရှိပါချေ။နှစ်တွေအများကြီး ကုန်ဆုံးသွားသည့်တိုင် ပေါ်ယွီ သူ့အစ်ကိုကြီးအား ကြောက်ရွံ့မြဲ။
စီးပွားရေးလောက၏ ရန်သူများကို ဖြေရှင်းရာတွင်ဖြစ်စေ ၊ ဒုတိယသခင်လေးပေါ်ယွီကို ကိုင်တွယ်ရာတွင်ဖြစ်စေ ၊ ပေါ်လျန်က အကြင်နာမဲ့သွေးအေးသည်။
YOU ARE READING
လမ်းခွဲပြီးပြီ၊မနှောင့်ယှက်နဲ့တော့(မြန်မာဘာသာပြန်)
RomanceOriginal Title ; 分手了, 别闹 English Title ; Breaking Up , No Joke Author ; 香芋奶茶 (Taro Milk Tea) English Translator ; PurpleLove666 Status in OOC ; 190 Chapters + 10 Extras ဖန်းရှိုလျယ် ၊ ပျယ်နောင့် (မြန်မာပြန်) THIS IS A PURE FAN TRANSLATION. I got p...
အခန်း-၁၀၀(ရောက်လာသူ)
Start from the beginning