" သတင်းစာရှင်းလင်းပွဲလုပ်ပြီး တစ်ဖက်က မင်းသမီးကို ဆက်သွယ်လိုက်။ ကောလဟာလတွေကို ပညာသားပါပါ ရပ်တန့်ပစ်ရမယ် "
စုန့်ရှီလင် ချက်ချင်း ဆုံးဖြတ်ပေးလိုက်သည်။ပေါ်ယွီ ခေါင်းညိတ်ပြလျက် စုန့်ရှီလင် အကြံပေးသည့်အတိုင်း လီကျဲထံ message ပို့လိုက်သည်။လီကျဲဆီကနေ ပြန်စာရမှ ပေါ်ယွီခမျာ မျက်မှောင်ကြုတ်နေခြင်းအား ဖြည်လျော့လိုက်နိုင်လေသည်။
" အွန်လိုင်းရေတပ်ငါးသိန်းလောက် ၀ယ်ရမယ်။ သတင်းစာရှင်းလင်းပွဲပြီးတာနဲ့ သူတို့တွေကို comment တွေ ရေးတင်ခိုင်းလိုက်ပါ "
စုန့်ရှီလင် ကား၏သားရေထိုင်ခုံတွင် ကျောမှီလိုက်သည်။ပေါ်ယွီ ခေါင်းထပ်ညိတ်ပြလိုက်ရင်း ထိုကိစ္စကို အတွေးမချဲ့ဘဲ မနေနိုင်တော့ချေ။
မနေ့ညက KTV ၀င်ပေါက်တွင် သူ့အား ဖွင့်ပြောရန် ရှန်ယန်သည် သူ့ကို တားဆီးခဲ့သည်။ဒီနေ့မနက်ကျ ၎င်းဗီဒီယိုဟာ အင်တာနက်ပေါ်၌ တက်လာခဲ့သည်။ အဲဒီလောက်တောင် မြန်ဆန်နေတာလား ???
စုန့်ရှီလင် ပေါ်ယွီ့နဖူးကို လက်လှမ်းထိလိုက်၏။
" ဘာတွေများ စဉ်းစားနေပြန်တာလဲကွာ ??? "" ဒါက လုံးလုံး တိုက်ဆိုင်နေတာပါလို့တော့ ငါ မထင်ဘူး "
ပေါ်ယွီ တွေးတွေးဆဆ ပြောလိုက်သည်။
" တစ်ခုခုထပ်ရှိလိမ့်ဦးမယ်ဆိုတဲ့ အာရုံမျိုးရနေတယ် "စုန့်ရှီလင် အလေးအနက် ချင့်ချိန်မှန်းဆကြည့်လိုက်၏။
" မင်း အမှုဆင်ခံရတာ ??? "ပေါ်ယွီ သက်ပြင်းချလိုက်သည်။
" အမှန်မဟုတ်ဖို့ပဲ မျှော်လင့်ပါတယ် "
တိုက်ဆိုင်လွန်းနေလို့ သူ သံသယ၀င်နေခြင်းပေ။လီကျဲက ရှန်ယန့်မန်နေဂျာဆီ ဆက်သွယ်ခဲ့သည်။နှစ်ဦးနှစ်ဖက် ဆွေးနွေးပြီးနောက် ကြီးသည့်အမှု ငယ်အောင် ၊ ငယ်သည့်အမှု ပပျောက်အောင် ကိုင်တွယ်ကြရန် ညှိုနှိုင်းလိုက်ကြသည်။အတင်းအဖျင်းတွင် ပါ၀င်နေကြသော ပုဂ္ဂိုလ်နှစ်ဦးလုံးက လတ်တလော အခြေအနေကို ဖြေရှင်းရန် ကိုယ်စီ သတင်းစာရှင်းလင်းပွဲ ကျင်းပကြမည်ဟု။
YOU ARE READING
လမ်းခွဲပြီးပြီ၊မနှောင့်ယှက်နဲ့တော့(မြန်မာဘာသာပြန်)
RomanceOriginal Title ; 分手了, 别闹 English Title ; Breaking Up , No Joke Author ; 香芋奶茶 (Taro Milk Tea) English Translator ; PurpleLove666 Status in OOC ; 190 Chapters + 10 Extras ဖန်းရှိုလျယ် ၊ ပျယ်နောင့် (မြန်မာပြန်) THIS IS A PURE FAN TRANSLATION. I got p...
အခန်း-၉၇(ဒေါသထွက်ဖွယ်)
Start from the beginning