Unicode
" မင်း စိုးရိမ်နေတာ ငါသိပါတယ်ကွာ"
ကျန်းကွမ်းရှန်က စကားဖြတ်ပြောလိုက်သည်။
" ကျောင်းသားတစ်ယောက်အနေနဲ့ စာကို အာရုံစိုက်ရမှာပေါ့.. အဲ့ဒါကြောင့်မို့ ပိုစတာရိုက်ကွင်းကို အလောတကြီး မလုပ်ထားဘူး.. ကျောင်းကိုပြန်ပြီး မင်းရဲ့ဆရာနဲ့ သေချာစကားပြောပြီးတော့ အချိန်ညှိပြီးရိုက်လဲ ဖြစ်တာပဲ"
ထိုအခါမှ ဟောပိုင်တစ်ယောက် စိတ်ပေါ့သွားသလို သက်ပြင်းချရင်း ဆရာနဲ့သေချာတိုင်ပင်ပါ့မည်ဟု ကတိပေးလိုက်သည်။
တုံ့နီ၏ ရိုက်ကွင်းက ပြဿနာတက်နေသည်ဟု လက်ထောက်ဒါရိုက်တာက ဖုန်းဆက်ခေါ်သောကြောင့် ဒါရိုက်တာကျန်း ချက်ချင်းထွက်သွားရသည်။
ဟောပိုင်က စိတ်လှုပ်ရှားနေသောကြောင့် တိချိုးဟယ်လက်မောင်းကို သူ့လက်သီးသေးသေးလေးများနှင့် အကြိမ်ကြိမ်ထိုးနေသည်။ ပါးစပ်နားရွက်တပ်ချိတ်မတတ် ပြုံးနေကာ ပြောလိုက်၏။
" ချိုးဟယ်.. ကျွန်တော် ရုပ်ရှင်ပိုစတာ ရိုက်ရမှာဗျ. တရားဝင် ပိုစတာ ရိုက်ရမှာ.."
" ကိုယ့်ရဲ့ခွေးပေါက်လေးက အရမ်းတော်တာကိုး"
တိချိုးဟယ်လဲ ပြုံးနေသည်။ တစ်ဖက်က လက်သီးနှင့် ထိုးတာရပ်သွားတော့ ခေါင်းလေးကို ဖွဖွပုတ်ပေးရင်း ဖက်ထားသည်။ သူကိုယ်တိုင်လဲ စိတ်လှုပ်ရှားနေသည့်အတွက် ထိုကောင်လေးကို တစ်ကိုယ်လုံးဖက်နမ်းလိုက်ချင်သည်။ သို့သော် သူ့ခွေးပေါက်လေးက စိတ်ကြီးသူဖြစ်သည့်အတွက် အိမ်တွင်းအကြမ်းဖက်မှု ဖြစ်ကုန်မည်စိုး၍ ငြိမ်နေရ၏။
" ရိုက်ကူးရေးအဖွဲ့သားတွေနဲ့အတူ ကိုယ်မင်းကို စောင့်နေမယ်.. မြန်မြန်သာ လာခဲ့"
သူ့ခွေးပေါက်လေးကို မိနစ်တိုင်း စက္ကန့်တိုင်း တွေ့ရတော့မည်။ ဒါရိုက်တာကျန်းရဲ့ တောင်းဆိုမှုက သူ့အတွက်တော့ တကယ်အကျိုးရှိသည်လေ။
အားလုံးနောက်တွင် ရပ်နေသည့် ဝမ်ပေါ်ရီမှာ တစ်ချိန်လုံး အတွေးဝင်နေ၏။
" သခင်လေးတိက သူ့လက်ထောက်တစ်ယောက်လုံးကိုများ မေ့သွားတာလား.. အခုလဲကြည့် ခွေးလေးတစ်ကောင်လို ပြုံးနေလိုက်တာ.. တော်ကြာမင်းသားသိက္ခာတွေ ကျကုန်မှဖြင့်...."
YOU ARE READING
OUR❤️ ( One Useless Rebirth) 1
Fantasyဟောပိုင်က ထီဆုကြီးပေါက်ကာ ချမ်းသာလာပြီး သူ့ဘဝရဲ့အကောင်းဆုံးအချိန်တွေကို အေးဆေးစွာ ဖြတ်သန်းနေချိန် .. မမျှော်လင့်စွာနှင့် တိုက်ပေါ်မှ အတွန်းချခံရကာ မတရားအသတ်ခံလိုက်ရသည့် ရုပ်ရှင်ဧကရာဇ် တိချိုးဟယ်ကို ဓာတ်ပုံရိုက်မိသွားလေ၏။ ရဲစခန်းကို ဓာတ်ပုံသက်သေ သွား...
