Unicode
" မြှောက်ပင့်မနေနဲ့"
ရွှီရင်ရုန်က ထိုကောင်လေးကြောင့် ရယ်လိုက်ကာ အံဆွဲထဲမှ နာမည်ကတ်တစ်ခုကို ထုတ်ပေးလိုက်သည်။
" တိုက်ဆိုင်လိုက်တာ မင်းရဲ့ အလုပ်အသစ်ကလဲ ဒုတိယစီနီယာနဲ့ ပတ်သက်နေတာဆိုတော့.. မေးချင်တာရှိရင် သူ့ကိုသာ သွားမေးလိုက်.. ငါ သူ့ကိုပြောပေးထားလိုက်မယ် မင်းကို ကောင်းကောင်းဂရုစိုက်ပါလို့"
ဒုတိယစီနီယာနဲ့ ပတ်သက်နေတာ?? .. ကျွင်းချန်စတူရီယို မှာ အလုပ်လုပ်နေတဲ့သူများလား...
ဟောပိုင်က နာမည်ကတ်ကို စိတ်ဝင်စားစွာ ငုံ့ကြည့်လိုက်၏။ ကတ်ပြားပေါ်မှ နာမည်ကိုမြင်တော့ လန့်သွားကာ လွှတ်ချမိမလိုပင် ဖြစ်သွားလေသည်။
" ရွှီ... ရွှီရင်း... သူက ဟို.. ဟိုပုံတွေကို အဓိကထားရိုက်တာ.."
" အင်း ဟုတ်တယ်.. ခန္ဓာကိုယ်ရဲ့ အနုပညာကို အဓိကရိုက်တဲ့ ဓာတ်ပုံဆရာပဲ"
သူ့တပည့်အကြောင်းပြောရင်းနှင့် ရွှီရင်ရုန်က မျက်နှာအနေအထားတစ်မျိုးပြောင်းသွားရှာသည်။ ခေါင်းခါရင်း ဆက်ပြောနေသည်။
" ဒီကောင်လေးက အလုပ်တော့ တော်တော်ကြိုးစားသား.. လူပုံတွေ ရိုက်တာလဲ တကယ်ပါရမီပါတယ်.. ဒါပေမဲ့.. ထားလိုက်ပါတော့လေ.. အနည်းဆုံးတော့ ဓာတ်ပုံကို ဝါသနာပါပြီးတော့ အာရုံစိုက်စရာ လမ်းကြောင်းအမှန်ကို ရောက်နေတာပဲ.. စိတ်မပူပါနဲ့... သူက နည်းနည်းအရိုင်းဆန်ပေမဲ့ လူဆိုးတော့ မဟုတ်ပါဘူး.. လူကောင်းလေးပါ"
" ဟုတ်.. ဟုတ်ကဲ့ပါ.. ကျွန်တော် စိတ်မပူပါဘူး.. လုံးဝ စိတ်မပူပါဘူး"
ဟောပိုင်က နာမည်ကတ်ကို ကျစ်ကျစ်ပါအောင်ဆုပ်ရင်း ပြုံးချင်ယောင်ဆောင်နေသော်လဲ စိတ်ညစ်သွားသည်။
ရွှီရင်း... ဒီလူကို အရင်ဘဝက သူ ကောင်းကောင်းသိတာပေါ့.. ဒီလူဆီကနေ ထွက်ပြေးခဲ့ရတာ ဘယ်လောက်တောင် ဒုက္ခရောက်ခဲ့ရသလဲ....
အနုပညာမျက်လုံးသက်သက်နှင့် ကြည့်ရင်တော့ ရွှီရင်းရိုက်သည့် ခန္ဓာကိုယ်အသားပေး ဓာတ်ပုံပညာက လှပပြောင်မြောက်ကာ အရိုင်းမဆန်ပေ။ သို့သော် ဒီလူက လူ့ခန္ဓာကိုယ်ကောက်ကြောင်းကို အရမ်းစွဲလန်းနေသူဖြစ်၏။ အရင်ဘဝက သူ့ကိုတွေ့တော့ ဒီလိုခန္ဓာကိုယ်မျိုးကို လိုက်ရှာနေတာကြာပြီဖြစ်ကြောင်း သူ့ကို မော်ဒယ်လုပ်ပေးပါလားလို့ ပြောခဲ့သည်။ သူ့ကို ဓာတ်ပုံရိုက်ပါရစေဟု တောင်းတောင်းပန်ပန် ပြောနေသည့်အတွက် သူ ဘယ်လိုရှောင်ရမှန်းပင် မသိခဲ့။
DU LIEST GERADE
OUR❤️ ( One Useless Rebirth) 1
Fantasyဟောပိုင်က ထီဆုကြီးပေါက်ကာ ချမ်းသာလာပြီး သူ့ဘဝရဲ့အကောင်းဆုံးအချိန်တွေကို အေးဆေးစွာ ဖြတ်သန်းနေချိန် .. မမျှော်လင့်စွာနှင့် တိုက်ပေါ်မှ အတွန်းချခံရကာ မတရားအသတ်ခံလိုက်ရသည့် ရုပ်ရှင်ဧကရာဇ် တိချိုးဟယ်ကို ဓာတ်ပုံရိုက်မိသွားလေ၏။ ရဲစခန်းကို ဓာတ်ပုံသက်သေ သွား...
