Unicode
လင်းရှကဲ့သို့ တည်ငြိမ်ရင့်ကျက်သော အမျိုးသမီးသည်ပင် တိုးတိုးလေးပြောနေသည့်အတွက် ဟောပိုင်အံ့အားသင့်ရသည်။
" ကျွန်တော်လဲ ဒီလောက်ကြီးကျယ်မှန်းမထင်ခဲ့ဘူး.. ကျွန်တော်တို့ တကယ်ကြိုးကြိုးစားစားလုပ်ရမှာပဲ"
တိချိုးဟယ်၏ အဆက်အသွယ်ဆိုသည်က တကယ်ခမ်းနားတာပဲ...
လင်းရှက ခေါင်းညိတ်သည်။
" ဟုတ်တယ်.. ကိုယ်တို့ကြိုးစားရမယ်"
သူတို့စကားပြောပြီးရုံရှိသေး။ ကားက ဧည့်ရိပ်သာ၏ ပင်မအဆောက်အဦးရှေ့သို့ရောက်လာသည်။ ကျားကျန်နှင့် သူ့လူတို့က ကားထဲမှထွက်ကာ ဟောပိုင်နှင့်အဖွဲ့ကို အထဲခေါ်သည်။ ကျားပေလေ့ကို ကူညီပေးရန် အမျိုးသမီးလက်ထောက်နှစ်ယောက်ကို မှာသည်။ ထို့နောက် သူရှိနေပါက အနေရကြပ်မည်စိုး၍ ကျားကျန်က အပြင်ပြန်ထွက်သွားသည်။
ဟောပိုင်က လမ်းတစ်လျှောက်ကားစီးလာကတည်းက သဘောကျသည့်နေရာတချို့တွေ့ခဲ့သည်။ ထို့ကြောင့် ကျားကျန်ထွက်သွားသည်နှင့် တစ်ပြိုင်နက်ထဲ သူ့အဖွဲ့ကို လုပ်ငန်းစရန် ပြောသည်။ ဓာတ်ပုံရိုက်သည့်နေရာကို ပြင်ဆင်သည့်အဖွဲ့ ထွက်သွားသောအခါ ဟောပိုင်က မင်းသမီးဝတ်စုံစီးရီးအတွက် အစမ်းရိုက်ထားသောပုံများအား ကျားပေလေ့ကိုပြရင်း ဓာတ်ပုံရိုက်မည့်အစီအစဥ်ကို ရှင်းပြ၏။
" မိန်းကလေး ကျား.. ခဏနေကျရင် ကင်မရာကို တည့်တည်ကြည့်ပြီး ပို့စ်ပေးစရာမလိုဘူး.. ကျွန်တော်ရွေးထားတဲ့နေရာတွေက အသီးမှည့်တွေပြည့်နေတဲ့ အပင်တွေအများကြီးရှိတယ်.. မိန်းကလေးက ခြင်းတောင်းလေးတစ်လုံးနဲ့ အသီးခူးမယ်.လမ်းလျှောက်မယ်.. ပန်းလေးတွေလျှောက်ခူးမယ်.. မီးထိုးပေးမဲ့ဆရာက ကြည့်လုပ်ပေးပါလိမ့်မယ် ကင်မရာကို စိတ်ထဲမထားနဲ့"
ကျားပေလေ့မှာ အရပ်မြင့်မား၍ လှပသောမိန်းမပျိုလေးတစ်ယောက်ဖြစ်ရာ မင်းသမီးဝတ်စုံစီးရီးနှင့် အတော်လေးလိုက်ဖက်သည်။ ဟောပိုင်စကားကို နားထောင်ရင်း ဝတ်စုံများကို လှန်လှောကြည့်ကာ အံ့သြမှင်သက်မိနေသည်။
" ဒါတွေကို ပထမဆုံး ဝတ်ရမှာက တကယ်ပဲ ညီမလား"
YOU ARE READING
OUR❤️ ( One Useless Rebirth) 1
Fantasyဟောပိုင်က ထီဆုကြီးပေါက်ကာ ချမ်းသာလာပြီး သူ့ဘဝရဲ့အကောင်းဆုံးအချိန်တွေကို အေးဆေးစွာ ဖြတ်သန်းနေချိန် .. မမျှော်လင့်စွာနှင့် တိုက်ပေါ်မှ အတွန်းချခံရကာ မတရားအသတ်ခံလိုက်ရသည့် ရုပ်ရှင်ဧကရာဇ် တိချိုးဟယ်ကို ဓာတ်ပုံရိုက်မိသွားလေ၏။ ရဲစခန်းကို ဓာတ်ပုံသက်သေ သွား...
