Unicode
ထိုအမျိုးသမီးက တိုးတိတ်စွာရှိုက်၍ ငိုနေသည်။ တစ်ခုခုပြောလိုက်သလိုနှင့် အသံကို သေချာစွာမကြားလိုက်ရ။ ရုတ်တရက် လေးလံစွာနှင့် သူ နိုးတော့မလို ဖြစ်လာသည်။ နောက်ဆုံးမြင်လိုက်ရသည်က အရောင်စုံပါသည့်ရှပ်အင်္ကျီဝတ်ထားသည့် ပိန်ရှည်ရှည်လူတစ်ဦးနှင့် သူ့လက်ထဲက ဆေးထိုးအပ်.. အစိမ်းရောင်သုတ်ထားသည့် စတိုးဆိုင်အရှေ့တွင် ရပ်နေသည့် အရပ်ရှည်ရှည်ကောင်လေးဆီကို ထိုဆေးထိုးအပ်နှင့် ပြေးအထိုး..
" တိချိုးဟယ်!!!"
ဟောပိုင် လန့်နိုးလာကာ ထထိုင်လိုက်သည်။ ခေါင်းတစ်ခုလုံး ထူပူကာ မူးနောက်နေသည်။ တစ်ချက်မျက်လုံးတွေ ပြာဝေလာပြီး ခေါင်းအုံးအောက်က ဖုန်းကို အသည်းအသန် လိုက်ရှာသည်။ ထို့နောက် တိချိုးဟယ်နံပါတ်ကို ခေါ်လိုက်သည်။
ချက်ချင်း ဖုန်းကိုင်လိုက်ကာ တစ်ဖက်မှ တိချိုးဟယ်၏ ရွှင်ပျသော အသံဝင်လာသည်။
" ဘာလို့ ဒီလောက်အစောကြီး ဖုန်းခေါ်တာလဲ.. ကိုယ့်ကို လွမ်းလို့လား.. မင်း အိပ်နေပြီလို့တောင် ထင်ထားတာ"
" တိချိုးဟယ်"
ဟောပိုင်က နဖူးကို တင်းကြပ်စွာကိုင်ရင်း အိပ်မက်ထဲက မြင်ကွင်းက ပေါ်လာနေသည့်အတွက် အသံက တိမ်ဝင်သွားသည်။
" ... ကျွန်တော့်ကို .. အသီးဝယ်ပေးတဲ့.. ဆိုင်က ဘယ်မှာလဲ"
" အသီးစားချင်လို့လား"
တိချိုးဟယ်က မျက်ခုံးပင့်ကာ ဖုန်းကို လက်ပြောင်းကိုင်လိုက်သည်။ သူ့ဘေးက ဝမ်ပေါ်ရီကို နောက်ဆုတ်ရန် လက်ပြလိုက်၏။
" ဒီနေ့တော့ ကိုယ် လေ့ကျင့်ရေးဆင်းစရာမရှိဘူး.. မင်း စားချင်ရင် အခုပဲ သွားဝယ်ပေးမယ်လေ"
" ဟင့်အင်း မစားချင်ဘူး..."
ဟောပိုင်က တံတွေးကို ခက်ခက်ခဲခဲ မြိုချရင်း နဖူးပေါ်မှ ချွေးအေးများကို သုတ်လိုက်တော့ သူ့ကိုယ်တွေ ပူနေတာ သတိထားမိလိုက်သည်။ တစ်ချိန်လုံး အေးစက်စက် ပတ်ဝန်းကျင်မှာ အကြာကြီး အလုပ်လုပ်ရလို့လားတော့မသိ သူ ဖျားနေပေပြီ။
" ခင်ဗျား ကျွန်တော်ပြောတာ မှတ်မိသေးလား.. ကျွန်တော် အနာဂတ်မြင်ရတယ်ဆိုတာလေ.. ခုနက ခင်ဗျားကို အိပ်မက်မက်တယ်"
YOU ARE READING
OUR❤️ ( One Useless Rebirth) 1
Fantasyဟောပိုင်က ထီဆုကြီးပေါက်ကာ ချမ်းသာလာပြီး သူ့ဘဝရဲ့အကောင်းဆုံးအချိန်တွေကို အေးဆေးစွာ ဖြတ်သန်းနေချိန် .. မမျှော်လင့်စွာနှင့် တိုက်ပေါ်မှ အတွန်းချခံရကာ မတရားအသတ်ခံလိုက်ရသည့် ရုပ်ရှင်ဧကရာဇ် တိချိုးဟယ်ကို ဓာတ်ပုံရိုက်မိသွားလေ၏။ ရဲစခန်းကို ဓာတ်ပုံသက်သေ သွား...
