" သားလေး ၊ မင်း သေချာ မသိပါဘူးကွာ။ ယောကျ်ားလေးတစ်ယောက် ပိုက်ဆံရှာဖို့ အလုပ်လုပ်တဲ့ နာရီအရေအတွက်က အဲဒီလူရဲ့ အချစ်ရေး ၊ အိမ်ထောင်ရေး ၊ ဂုဏ်သိက္ခာ အဲဒီလိုအရာမျိုးတွေကို ကိုယ်စားပြုဖော်ပြတယ် "
ပေါ်ယွီက ဖရဲသီးလေးကို ဆန်ပြုတ်အားလုံး ဂရုတစိုက် ခွံ့ကျွေးခဲ့သည်။ထို့နောက် ဖရဲသီးလေးကို ရေချိုးသန့်စင်ပေးပြီး အိပ်ရာဆီ ပွေ့ချီသွားလိုက်သည်။
" အိပ်တော့ ၊ ပါးပါး ဒီမှာ အမြဲရှိတယ် "ဖရဲသီးလေးရဲ့မျက်လုံးတောက်တောက်လေးတွေက ပေါ်ယွီထံပါးမှ မခွာပေ။ကလေးလေးက မပျော်မရွှင် နှုတ်ခမ်းလေးစူပုတ်လိုက်၏။
" ဖရဲသီးလေး နိုးလာတဲ့အချိန် ပါးပါးကို တန်းမြင်ရမှာလား ??? "" ဒါပေါ့ "
" ဖရဲသီးလေး နိုးလာတဲ့အချိန် ပါးပါး ဖုတ်ပေးတဲ့ ပန်ကိတ်တွေကိုရော စားရမှာလား ??? "
" ဒါပေါ့ "
" ဖရဲသီးလေး နိုးလာတဲ့အချိန် သား . . . . . . . . "
" တော်ပြီ " ပေါ်ယွီက နတ်သမီးပုံပြင်စာအုပ်တစ်အုပ်ကို လှပ်လိုက်သည်။သူ လည်ချောင်းရှင်း၍ ဖရဲသီးလေးအား ချော့မော့လိုက်လေသည်။
" စကားတွေမများနဲ့တော့။ ပါးပါး ပုံပြင်ဖတ်ပြမယ် "" ကောင်းပါပြီ ၊ ကောင်းပါပြီ။ ပါးပါးက ဘယ်လိုပြသာနာရှာရမယ်မှန်းသိတဲ့ ကလေးဆိုးလေးပဲ ၊ ဟင်း . . . "
ဖရဲသီးလေးက ကူကယ်ရာမဲ့ဟန်လေးနှင့် သက်ပြင်းချလိုက်သည်။ပေါ်ယွီ : " . . . . . . . . "
ဖရဲသီးလေးက စောင်ပုံကြီးထဲတွင် ခွေလျက် ငြိမ်ငြိမ်လေး ပုံပြင်နားထောင်နေသည်။မကြာမီ ကလေးလေးက နှစ်နှစ်ခြိုက်ခြိုက် အိပ်မောကျသွားခဲ့၏။
ဖရဲသီးလေးကို အိပ်ပျော်အောင် သိပ်ခဲ့ပြီးသော် ပေါ်ယွီ စိတ်သက်သာရာရစွာ အခန်းထဲကနေ တိုးတိုးလေး ချွတ်နင်းထွက်လာခဲ့သည်။ပေါ်ယွီမှာ သူ့အိပ်ခန်းသို့ အမြန်ဆုံး ချီတက်ရပြန်သည်။
YOU ARE READING
လမ်းခွဲပြီးပြီ၊မနှောင့်ယှက်နဲ့တော့(မြန်မာဘာသာပြန်)
RomanceOriginal Title ; 分手了, 别闹 English Title ; Breaking Up , No Joke Author ; 香芋奶茶 (Taro Milk Tea) English Translator ; PurpleLove666 Status in OOC ; 190 Chapters + 10 Extras ဖန်းရှိုလျယ် ၊ ပျယ်နောင့် (မြန်မာပြန်) THIS IS A PURE FAN TRANSLATION. I got p...
အခန်း-၉၂(ပြသာနာရှာခြင်း)
Start from the beginning