S2: The Fighter Girl In Section GL (COMPLETED; Under Revision)

Chapter 64 'His Love for Her'

I love her but she can't be mine, because she's in love with someone that should be me.

*****
Someone's Pov

“Handa ka ba?” tanong niya ngunit nagkibit balikat ako. “Bakit hindi mo sabihin sa kaniya ang totoo bago siya umalis muli?” Napatingin ako sa kaniya na may pagtataka.

Aalis?

“Ayaw mo ba talaga sabihin sa kaniya ang totoo?” pangungulit niya.

“Ang alin ba?” tanong ko.

I don't know kung ano sasabihin ko sa kaniya. Anong uunahin ko ikuwento o sabihin na totoo sa kaniya.

“Ang plano?” kumuyom ang kamao ko.

“Sa tingin mo ba kapag sinabi ko mapapatawad niya tayo? Lalayuan niya pa tayo,” inis kong usal.

“Iyon na nga. Pero, ano gusto mo? Magbingi-bingian na may pagkabulag-bulagan sa harapan niya? Ang maging sinungaling araw-araw? Ang protektahan na lang siya parati nang hindi niya nalalaman?” marami niyang tanong na hindi ko kayang sagutin.

Napayuko na lang ako at napabuga ng malalim na hininga, inangat ko ang ulo ko saka siya nilingon.

“Kapag sinabi ko ang totoo, maniniwala ba siya? Kapag sinabi ko ang totoo, hindi ba lalayo ang loob niya sa atin?” tanong ko at mukha naman hindi nagustuhan ang salita ko.

“Kung ako sa 'yo. Sasabihin ko. Dahil ayoko ulit makakita ng patay!” galit at may namumuong luha sa kaniyang mata.

Akala mo ikaw lang?

“What do you think Jp, I will choose to see their dead bodies? Nah. I'd rather choose to see the books than overseeing dead bodies.” Tumayo ako at kinuha ang pocket kong libro na ang genre ay horror na may pagkabrutal ang scene by chapter.

Mas gugustuhin ko pa na mabuhay na nagbabasa ng libro kahit pa fiction lang ang nakalagay sa libro ay pipiliin ko iyon kahit na patay at pinatay na tao pa sa libro kaysa makita ang mga patay na totoong tao sa harapan ko at naghihirap at humihingi ng tulong.

I can't...

“Pero paano siya?” tanong ni Jp.

Bumuga ako ng hangin bago magsalita, “gagawa ng paraan si Jace, kaya niya iyan. Kilala ko siya hindi lang sa wala, kilalang-kilala ko siya. Alam mo naman na may dalawang tao siyang gusto, subalit hindi niya kaya pumili ng isa. Sabi ko sa'yo, kapag hindi niya pinili siya ako ang gagawa ng paraan para mapasa akin siya. Alam mo iyan, John Paul Dela Cruz. Kaya ko magpaubaya para sa kaibigan ko, pero kung sasaktan niya nang subra pa. Ako na ang gagawa ng paraan, kahit pa ikaselos o ikamatay niya pa.” Bumuntong hininga ako muli at nilingon itong nakayuko.

“Mahal ko si Ara, pero magpapaubaya ako. Para sa kaniya. Kahit na pilitin mo ako sabihin ang lahat sa kaniya, sasabihin ko rin. Sa tamang oras. Dahil walang timing ngayon araw, dahil nandiyan pa ang mahal niya. Gusto ko malaman ang magiging reaksyon niya kapag sinabi ko ang totoo. Totoo na binabantaan at gusto na siyang kunin sa atin ng mga kalaban natin, pero hanggang nandito ako kahit si Jace. Poprotektahan namin siya ng patago, at mamahalin ko siya ng patago. Kahit pa ikakasakit ng puso ko .” Ngumiti ako sa kaniya kahit na mukhang napipilitan na ang aking ngiti sa labi.

“Nath...” nginitian ko lang siya.

“Ikaw na bahala kay Renz. Tara na baka hinahanap na nila tayo,” usal ko at lumakad na papasok sa loob.

Sa buong buhay ko si Jp lang ang naging matatag at naging sandalan kong kaibigan. Siya ang tunay kong naging kaibigan sa classroom kasi higit naman si Lucas, Jace, Trevor at Jaysie na naging kaibigan ko noong kabataan pa kami. Naalala ko kung paano kami magkakilala at kung paano ko siya nakilala. Hindi ko alam na makikilala ko siya at ngingitian sa araw na kung kailan siya umiiyak at kailangan ng sandalan noon bata pa kami.