خادمة الفهد
الحلقه ٢٨
مسك ايديها فهد وطلب منها أنها تجلس وسحبها وهو بيقول
انتى اكتر واحده باأثق فيها يا ملك انا صدقتك وعشان كده عايزك تصدقينى وتسمعينى
سالته ملك وقالت
انا سامعاك اتفضل
هز رأسه فهد وقال
ارجوكى اقعدى
نظرت له وهى مستغربه حاله ثم جلست ملك بجواره وفجأة صدمها ،ووضع رأسه على حجرها مثل الطفل الذي يضع رأسه على رجل أمه ،كانت تشعر بالخجل الشديد ولما تستطيع التصرف لكن كانت تتحدث مع نفسها
ماله الوسيم الهم واضح عليه انا متصورتش أن فهد بجبورته ضعيف كدا ،
وأكمل فهد كلامه وهو على قدميها وقال:
_انتى عارفه انا عايز اتخلص من إدمانى ليها انا مبقيتش احبها ،وكشفتها على حقيقتها وانتى السبب هى ماكانتش تتصور أنى وضعت كاميرات فى كل مكان كنت براقبها ،كنت عايز اشوف أن كانت بتحب محمود واللا لا ،كنت عايز اعرف لسه بتحبنى واللا لأ، وكنت كل ما احس أنها تتحدث مع صورتى، وتبكى كنت أشعر بالانتصار، لكن ادمنت وجودها نفسها فى الطعام ،رائحتها وهى تتجول في المنزل نعم امى محقه أناكنت اعذب نفسي بيدى ولما علمت أنها تشك أنى اخوها وفعلت معى ذلك وكسرتنى بدلا أن تحكى لي وبعد ذلك اتفاقها أنها تمنع زواجى منك وضحك بسخرية وقال:
كانت تنقل اخباري ل أعدائي،فقط لتكون هى سيدة البيت وهى من أشعلت النار في المطبخ لكى تظهر عيوبك بانك مهملة ويتم طردك ولم تكتفي بهذا نشرت صور لكى ومعلومات عن مكانك وتواصلت مع ليلي مرات عمك لكى تصل لكى كل هذا فعلته ليس بدافع الغيره أو حبها لي ولكن فعلت ذلك لكى تكون سيدة المكان حتى لم يفرق لها أنى أعيش وحيد طول عمري.. لا يهمها غير أن تكون بجوارى وتتمتع بكل ما املكه وهى تعلم أنى كنت احبها ولذلك كنت متمسك بيها وسمحت ل امى بالرحيل
اتنهدت ملك وهى تشعر بوجعه وقالت:
انت فعلا عذبت نفسك ولا منك عيشت مع حبيبتك ولا منك بعد عنها انا عارفه انك زعلك من والدتك لأنها السبب وأنها رمت بذرة الشك وانبتت مع نفسها وايضا مسكت فيها هى أول واحده لأن بذرة الشك مثل النبات الشيطاني والشك خنقكم كلكم .. امك قدرت تكسبك من جديد وطبعا طبع اسماء اللى واخده ورث من ليلي، وهو أن تهاجم من قبل أن تفهم خلاها خسرتك
وانت كبريائك خلاك تفتكر لما تخلي اسماء قدام عينك وتكسرها انت كدا هترتاح لكن للاسف انت زى ما قلت ادمنتها ومش شايف اى واحدة غيرها ولا عايز تشوف وغير كدة روحت عشان تجيب واحدة من بيت دعارة عشان تقولها انا هتجوز واحدة زى دى جربت مع كل الرجال عشان تثبت ليها انك راجل وأنها خسرتك لكن نسيت حاجه مهمه ان الرجال مش بس متعة وشهوة الرجال أفعال وكيان واسفة جدا انت ظلمت نفسك وصدقت واحده غبيه لانك بالفعل راجل وبجد اللى صدق دموعى وصدقنى.. انت عارف اعتماد عرضتنى على كام واحد قبلك يجى ٦ منهم رجال أعمال وغيرها كانت تفرض عليا اخرج واكون جليسة ليهم وتسيبنا لوحدنا عشان يتكلم معايا ويقول كل حاجه وهو سكران وكل واحد فيهم كنت باترجاه ينقذنى كان بيكون مش فى وعيه لحد ما زهقت ماكنتش عارفه انها بتسجل كل كلمة وبعدها كنت بتعاقب واتحبس في غرفة ظلمة منهم لله ليلي وفهمى انا اتعذبت وشوفت ايام سوده ما أنكرش أنى صعبت على هدير وكانت تنقذنى من الشباب الوحوش وتنام مكانى وتخبينى عشان محدش يقدر يقرب منى وحاسه أن ربنا ها ينقذها ويرجع لها الثواب ويرزقها بشخص كويس يطهرها
قام فهد وكان بيسمع حديثها وشايف دموعها إللى كانت بتقطع فيه
وكملت وقالت
مش هاأطول عليك لكن انت فعلا رجل انقذتنى يومها مرتين مرة من الموت بعد ما قررت انتحر ووفيت بوعدك وانقذتنى من اعتماد ودا يدل انك معدنك كويس لكن كنت ضحيه ل اكتر اثنين حبتهم
لكن الفرق ما بيننا انك راجل ..وغضب الراجل ورد فعله غير الست وشهقت ملك وقالت
انت عارف انا عاوزة امشي ليه
اقترب منها فهد ومسح دموعها بيده وسألها
ليه يا ملك ولو حسيت انك عندك حق هاأسيبك تمشي لكن ها أمن كل حاجه ليكى
....
