مساء الخير والسعادة والعافية والسرور
عند سؤاله هى الرواية مش عجبتكم التفاعل بسيط اوى مقارنتا ب باقي الروايات على الجروب بليز ملصقات كتيره ومنشنولى ل اصدقاءكم عشان اتشجع
خادمه الفهد
الحلقه السابعه
سحبها فهد وهى كانت خايفه ورجلها بتترعش وبتترجاه :
ارجوك اوعي ترجعنى عند اعتماد الله يكرمك ربنا ينور طريقك ويعلي مراتبك ويبعد كل الشر عنك ويصلح حالك ويبارك في احبابك
كتم فهد الضحك ورسم تكشيرة على وجهه وقال:
هو انتي بتشحيتي على باب السيدة زينب ماتستهدى كدا انا مش برجع في وعدى لكن تمشي من غير ما تتكلمي والله العظيم لو فتحت بوقك لحد ما نوصل ل اكون .
قبل ما يكمل كلامها ،وضعت ملك ايدها على بوقها واتكلمت من تحت ايدها
اهوه مش هتكلم ولا افتح بوقى وهامشي ساكته
ترك ايدها فهد وهو يخبئ ضحكته عليها
ومشي وشاور ليها تمشي وراه وبعد قليل ظهرت حديقة مليئه بالاشجار وبعدها بقليل بركة مياه من تحت ومن فوق كوبري صغير من لوح الخشب فتحت بوقها من جمال المنظر وخصوصا الزهور الذي طالعه على جنبي البركه او النهر الصغير
شهقت بصوت عالي وقالت:
هو انا مت وروحت على الجنه صح وانت الملك الحارس اللي واخدنى على الجنه اتفرج عليها وبعد كدة ترمينى في النار صح طيب انا موت امتى واسماء ده حورية والدكتور مين اوعى يكون الشيطان ،طيب ممكن تسبنى في الجنه شويه
مش عاوزه اروح النار ،والجسر ده هو الخيط الرفيع اللي هانمشي عليه انا ممكن اقع صح
جلس فهد على كرسي فى الحديقة تحت ظل وبجواره منضدة وانتظرها تعدى وهو يبتسم على حديثها وقال
هو انتى مش ناويه تيجي وتبطلي رغي جنه ايه ونار ايه يا بنتى، الا بتتكلمى عليهم، وعقلك كان فين
توصفيني بالملاك الحارس، والدكتور الا أنقذ حياتك بقي شيطان، يالهوي عليك يا شيخة وانتي مالك بالنار أصلا هو انتى عملت حاجه غلط.
نظرة له ملك وابتسمت بفرحة يعني المكان ده في الحقيقة مش فى الجنه طيب اعدى ازاى منه انا خايفه ل اتكعبل واقع في البحر
ابتسم على شكلها وهى بتمشي وبتهز بنفسها على جسر الخشب وكانها عايزة توقع نفسها بجد .
وتكلم بصوت مرتفع
تعالي يا ملك انجزي انا مش فاضي وعايز اتكلم معاكي كلمتين .
اخيرا عدت بصعوبة وارتمت فوق فهد بعد ما اتكعبلت كان جسدها فوق جسده وكانها بين احضانه ورافع يده يبعد شعرها من على عيونها كان يريد يضمها ولكن مانع نفسه ثم بعدها من فوقه وضربات قلبه تعلوا وتهبط كل ما تقترب منه
ثم اتكلم بصوت محتواه الجد ولكن يختبئ خلفه ضعف وقال:
انتى ليه مش بتسمعي تعليماتى
استغربت ملك بعد ان عدلت نفسها وقالت:
تعليمات ايه هو انت قولت حاجه النهارده انت على طول ل ساكت ل غضبان وقلدت شكله ب ملامح وشها وقامت مشيت زيه ونظرت نفس نظرته
مكنش قادر يسيطر على ضحكته وابتسم وقال
طيب اقعدة عايز نتكلم
جلست ملك ووضعت يدها على المنضدة ووجها فوق يدها وقالت:
الله ضحكتك حلوه اوي مغيره شكلك وانت مكشر
قطع حديثها فهد وقال
بيكون زى شيطان
ردت بعفوية وقالت:
لا طبعا انت عمرك ما تكون شيطان، انت انقذتنى من عند الشياطين منكرش ان كان فيهم ناس كويسه يعني مهاب لم كان يربط ايدي واشتمه واتف فى وشه ،مكنش بيتكلم وكان يربط ايدى براحة اما مراد كنت ساعات احس انه طيب وخصوصا لما يجيب لي الاكل سرقة لكن لما كانت تقفشه ورده عشان بتحبه اوى كان يقلب وشه ويتعصب عشان متشكش فيه اما هدير
