خادمة الفهد
الحلقة ١٩
طلبت ملك من فهد ان يستمع لها وانه يركن على جنب وهو كان لا يريد وقال:
_اعقلي يا ملك لازم تروحي علشان انتى تعبانه وعمك جاي مع فارس عشان نجهز للفرح فياريت تسكتي شويه لحد ما نوصل
اتقمصت ملك وقالت:
_انا مش جايه معاك، ومش عاوزه اتجوز أصلا انا لسه صغيره ثم بكت بالدموع وهى تتحدث:
_اكيد انا عملت حاجه وحشه عشان كده ربنا عاقبنى حتى سنى و اسمى..! مش متذكره طفولتى.. تعليمى
شعر فهد بحزن على حزنها وقال:
_طيب اهدي علشان خاطري، بلاش تعيطي انا بتلخبط حرفيا اول ما بشوف دموعك، من اول يوم شوفتك فيه وانا حالى اتلخبط.
مسحت دموعها ملك ب صوابع ايديها ونظرت له وقالت:
_كمل وقفت ليه احكيلي قابلتنى فين، واشمعنا انا عن كل البنات حبيتنى، رغم انك الله اكبر ظابط كبير، واضح ليك شأن.
اتنهد فهد هو مش عايز يكذب عليها، لكن كمان عايز يحكي ليها اى حاجه، عشان هو عارف ان احساس انك تحس انك ضايع، صعب وهى زى الطفل المولود، لا يري أو يسمع غير من يمسك يده، ويشعر معه بالحنان وهى الان مثله.. ويتيم وعمها لم يستطع أن يحميها فسالها:
_انتى ليه بتفكري كتير ومحيرة نفسك عاوزة تعرفي ايه
اتنهدت ملك وقالت:
عاوزة اعرف كل حاجه
اتنهد فهد وقالها:
_طيب يا قلبى ممكن نروح، وبعد كده اكملك كل حاجه.
اتنهدت ملك وقالت:
_هو انت خايف من حاجه تقولها لي صح ،وليه حاسه ان قصة الحب اللى بتظهرها لي، مجرد انى صعبت عليك وكانك مجبر تتجوزنى هو مين جبرك.
_فى اللحظة دى وقف فهد السيارة مره واحده
ورفع صوته وقال:
_حسبي على كلامك انا محدش يقدر يجبرنى، علي حاجه مفهوم، عاوزة تنزلى اتفضلي، واحنا مبعدنيش عن المستشفى كتير ارجعى ل اهلك وانسي موضوع الزواج.
شعرت ملك بضيق وحزن وقالت:
_عندك حق ،وكتر خيرك وفتحت الباب علشان تنزل
ودموعها نزلت من عيونها.
/شعر كأنها سكينة فى قلبه ومسك ايديها وطلب منها تنتظر:
_استنى اركن علي جنب متنزليش في وسط الطريق
رفضت ملك وقالت:
_يحصل ايه عربية هتشلنى ياريت، ارتاح و ممكن لو مموتش افتكر انا مين،.ووقتها اعرف انت مين.
/استغرب فهد وقال:
_انا مين من جهة ايه بالضبط.
اتنهدت ملك
_ انت دايما متناقض مرة، احسك انسان طيب ومرة احس انك شرير زى الوحش.
/ابتسم فهد وقال:
_بذمتك انا وحش وانتى بقي الجميلة
/ردت ملك بغضب:
_طبعا جميلة وغصب عنك على فكرة سيب ايدى.
/بدا يهديها وقال:
/طيب احكي ليك اهدى شوفي يا ستى:
_انا كنت في عيد ميلاد، و معزوم في بيت فيه سهر ومغنى عشان شغلي'_مينفعش نسهر في اماكن عامة.
انتى كنت لبسه فستان احمر طويل. عليك وشعرك ملموم كحك كنت قاعده على بار صغيرة وطلبت منه عصير.
/سالته ملك بلهفة:
كمل ايه اللي حصل، والبيت يخص حد من اصدقاءك، انا ازاى روحت فيه.
بلع ريقيه ورد:
_انتى كنتى مع بنت صحبتك، اسمه هدير وكنتى قاعدة عندها، وبعد كده قربت منك وطلبت مشروب انا كمان وانتى كنتى حزينه وقعدتى تتكلمى معايا وتقولي لي انت تقدر تشوفلي شغل
سالتك شغل ايه
رديت اي شغل قولت ليكي ينفعى تكوني خادمة.
فجاة صرخت ملك
/فاق فهد من شروده وكانت ملك بتزعق وبتقوله:
_ممكن تسيب ايدي، انت عندك حق انا مين وانت مين.
