الحلقه الاولى
خادمة الفهد
شخص ينادى من بعيد:
_انتى يا بنتى كنتي فين البلد كلها مقلوبة عليكي.
تظهر فتاة بشعرها الأسود الطويل والبشرة القمحيه ووجهها المستدير وملامحها الطفولية في وجهها البريئ:
ليه يعني أن شاءالله هاتعين في حاجه مهمة او هاكون وزيره
ضحك الشاب:
_ياباي على لسانك لا مش وزيره هيخلصوا عليكي
ضحكت الفتاة وبصقت فى عيبها
_ياما خفت روح شوفلك لعبة تاني
تكلم بجدية:
_انتى مش مصدقاني مرات عمك مطلعة عليكي اشاعة انك لا مؤاخذة ..والبلد كلها شرطوا على عمك يخلص عليكي.
ضحكت الفتاة بسخرية:
يعنى ايه لا مؤاخذة ده ماتتعدل يا واد وتتكلم عدل
رد عليها
انا بتكلم بجد وانتى حره سلام لكن متلوميش غير نفسك
مسكت أيده وقالتله
طيب فهمنى انت بتتكلم عن ايه علشان اعرف ادافع عن نفسي
تنهد وقال
قالوا
انك بتعملي علاقات مع الشباب فى مصنع الكرتون وللاسف الشباب كلها صدقت وفيهم الي كذبوا وقالو إنهم شافوكى وفيهم الي اتفشخر انه حصل معاه
غضبت الفتاة وقالت
ي اولاد*** مين دول وانا اقص لهم لسانهم
تحدث الشاب وقال
مش هتلحقي بقولك البلد مقلوبة وسيرتك على كل لسان أنا انقطع نفسي وانا بدور عليكي عشان الحقك لازم تهربي
شهقت الفتاة وقالت
انت بتقول ايه اهرب فين دي بلدي وانا هقدر اقص لسان اى حد يتكلم عليا
تحدث الشاب وقال
تقصي لسان مين انتى مقطوعة من شجرة ومرات عمك بتغير منك ومن جمالك ولو رجعتي ليهم هيخلصوا عليكي أو يرموكي ل ولد صايع كان يموت يكلمك زى الواد ياسر قال إنه عمل معاكى علاقة كاملة وانك مراته عرفي
شهقت الفتاة ونزلت دموعها وقالت
كذاب ابن كذاب والله ل اقوم عليه بالشبشب واقطع جلده من لحمه
ضحك الشاب
يا بنتى انتى بوق وبس الموضوع صعب ولازم تختفي عن البلد دي شوية لحد ما يسكتوا وبعد كده تيجى وتشرحي ل عمك إللي حصل دا لو صدقك اما دلوقتي معندكيش أي حل غير إنك توافقي على اي شاب صايع أو يخلصوا عليكي
تنهدت الفتاة وهى في حيرة وسألته
طيب اروح فين على الأقل أنا هنا فى بيت ابوى لو خرجت اروح فين وكلاب السكك تاكل فى لحمى
