[Book-1]novelထဲဝင်သွားပြီးနောက် အသဲခွဲသမားဖြစ်လာခဲ့သောသူမ

166[U&Z]

စုထျန်းထျန်းက အကြည့်ကို ဘေးသို့ ပို့လိုက်ပြီး "ကျွန်မ အထုတ်ခံရတဲ့ အခါကျရင် ပရိတ်သက်တွေ သေချာပေါက် စိတ်ပျက်မိမယ်လို့ ခံစားရလို့ပါ"

ပြီးနောက်မှာတော့ ခေါင်းငုံ့ကာ ဆက်ငိုလေ၏။ လီဟောက်ကျယ်က သူမကို ကြည့်လိုက်သည်။ သံစဉ်နှင့်မလိုက်အောင် သူမရဲ့ သီဆိုခဲ့မှုက trending topic ဖြစ်လာခဲ့သလို သစ္စာရှိတဲ့ သူမရဲ့ ပရိတ်သက်တွေ အများစုတောင် ဒီတကြိမ်တောင် သူမနာမည်ကို မရှင်းလင်းနိုင်တော့ပေ။ စုထျန်းထျန်းကို သဘာ၀အဆိုတော် အဖြစ် တင်စားကြသည်။ သီချင်း ၁ပုဒ် ၂ပုဒ်ကို မကြာခန ထုတ်တတ်သည့်တိုင် ယခုအခါ ဖျော်ဖြေမှုက အခုလို အကျည်းတန်သွားခဲ့သည်။ ဒီတကြိမ်မှာတော့ နောက်ဆုံးကနေ ပြောင်းပြန်ရေတွက်မှ ပထမနေရာ ရမယ်ဆိုတာ ထင်ရှားနေလေပြီ။ ငိုနေတဲ့ သူမရဲ့ မျက်နှာလေးက ဖျော့တော့ပြီး။ အလွန်သနားဖို့ ကောင်းလှ၏။

ဘယ်လိုပဲဖြစ်ဖြစ် လီဟောက်ကျယ် ခေါင်းထဲစဉ်းစားနိုင်တဲ့ အရာက ကျန်းရှန့်မေရဲ့ မျက်နှာလေးသာ ဖြစ်သည်။ သူမက ပြဿနာတွေ ကြုံတဲ့အခါတိုင်း စုထျန်းထျန်းကို ငိုတတ်တာ ရှားသည်။ ထို့အစား သူမက အတွင်းစိတ်ထဲက အရာကို အပြင်ဘက်ထုတ်ပြောတတ်ပြီး နူးညံ့မှု တစက်မှမရှိ။ ထိုအတွေးက လီဟောက်ကျယ်ကို ဆတ်ကနဲ လှုပ်ရှားစေ၏။

ဟုတ်တယ်။ သူမရဲ့ အကျင့်တွေကြောင့်ပဲ ကျန်းရှန့်မေကို သူ စွန့်ပစ်ခဲ့တာ။ ထိုသို့ တွေးလိုက်ပြီးနောက် လီဟောက်ကျယ်က စုထျန်းထျန်း ဘက်သို့ လှည့်လိုက်ပြီး "ငါ ပြိုင်ပွဲထဲက ထွက်မယ်"

စုထျန်းထျန်းက တောင့်တင်းသွားပြီး "ဘာ?"

လီဟောက်ကျယ် ပုံစံက ယုံကြည်မှု ရှိနေ၏။

"ငါ ပြိုင်ပွဲက ထွက်မယ်။ ဒီနည်းကပဲ မင်းကို ပြိုင်ပွဲက မထုတ်စေမှာ ပြီးတော့ မင်းလည်း ဆက်ပြိုင်လို့ရတယ်။ မင်းကိုယ်မင်း သက်သေပြနိုင်ဖို့ အခွင့်အရေး ရှိလာမှာပါ။ နောက်ဆုံးပြိုင်ပွဲက တစ်လလောက်ရှိသေးတော့ ဒီပြိုင်ပွဲကို နိုင်နိုင်ဖို့ ငါ မျှော်လင့်ပါတယ်"

စုထျန်းထျန်းက တထိတ်တလန့် ဝေ့ယမ်းပြလိုက်ပြီး "ရှင် အဲ့လိုလုပ်လို့ မရဘူးလေ ကျွန်မ...."