اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
مشت بينه السنين ومرّت الأيام بس فرگه ومرار وضيم حصلنه ..! تركتنه الأماني بوسط كومه أحلام خلصنه عمرنه وماخلص همنه ..! عرفنه الهم نكد'بس بالصبر ينزاح وبس الله المعين وهو يرحمنه ..! وجزاها الله الشدايد كشفت المستور وعرفنه اللي يحبنه من اللي يكرهنه +++++++++++++++++++++++++++
شوقية ...
كلت يا الله ... وطلعت ويه حمزة للبصره .. بعد ما ودعت أهلي وناسي وديرتي و توجهت للغربة بطرك روحي وبس ألله هو الحاميني
الطريق شبعده ... يدك اللوري بهذيج سرعه وبعدنا ما واصلين
حت غفيت على كتف حمزة وكعدت وأحنا بعدنا بنص الطريق ..
فزيت على ريحة أكل ، الرجال وحمزة ياكلون ويسولفون استغربت هاي اول مره أنتبه يصير الواحد هو نايم يشتم ... ؟؟
حمزة ناوشني لفات ،، أكلت و وجهي للجامه استحي من السايق ..
حت حجي ما حجيت ولا فكيت حلكي
بعد ما أكدر أتحمل شاورته :- حمزة نزلني للحمام
عاد هو وره وين ،،، مو بلحظتها كال للرجل - اطبكلي كبال يا محطة تكابلنا
السايق أكيد أفتهم ... طبك النا كبال مطعم على الطريق...
انشلع كلبي بصعدة ونزلت اللوري وآني مو بالي ما لابسه بجامه جوة ملابسي حمزة كمزت عيونه بكصته من طلعت رجليه
ظل طول الطريق ينافخ يابه هسه شصار قابل ما أعرف أستر روحي شو لابسه كوستم مرتب
وعدت الساعات وآني شويه وطك مرارتي حمزة وسايق يسولفون... وآني ركبتي طكت ملتفته للجامه حمزة يندسني لو التفت عليهم لو عاينت كبل للشارع
وكلنا يالله ودخلنا البصره ...
وهم فوك ساعة يلا وصلنا ... وين وصلنا قريه بطرف القضاء الشوارع ضيكه بعدها على التراب ماكو تبليط مجاري ماكو خطوط اعمدة الكهرباء موجودة الدور اغلبها تعبانه وقديمه قريه صغيرة حسبالك بيها جم دار جنت أسمع بتلفات الدنيا،، وهسه وصلت لقرية تلفات الدنيا...
