Follow Your Heartbeat (Completed)

CHAPTER 40

Day off ko ngayon kaya narito ako kila Hera. Kakahatid ko lang kay Scarlet dahil nauna pumasok si Lucas. Maaga kasi sched niya ngayon kaya hindi niya naisasabay si Scarlet ng ganitong oras. Si Yasmin ay nandito rin at parehas kami hindi mapakali.

"Sophia umupo ka nga, ako ang nahihilo sa'yo eh" saad ni Hera.

"Yasmin yung heels mo ang ingay" puna ni Hera kay Yasmin.

Parehas kasi namin hinihintay ang phone ko na mag notif. Nag send kasi kami ni Yasmin ng message kay Dyn. Si Yasmin ang may pakana ng lahat. Gusto niyang makipag kita ako kay Dyn. Wala rin naman akong choice kasi agree silang lahat. Nandito rin sila Marco at sila Cairo. Medyo nakakausap ko naman sila pero nandon pa rin yung awkwardness dahil alam ko na may kasalanan ako sa kaibigan nila.

Lahat kami ay napatayo nang may tumawag sa phone ko. Tinignan ko ang caller at unregistered number ito. Kinuha ni Yasmin ang phone ko at sinagot ang tawag. Niloudspeak niya ito at itinapat sa akin ang mic para makausap ko ang caller.

"Hello?" saad ko.

"Ma'am pizza delivery po. Narito po ako sa labas" saad ng lalaki.

Lahat kami ay napasimangot at inutusan ni Yasmin si Brylle na lumabas para kunin ang pizza na inorder ko kanina para sa amin. Ilang oras na kami naghihintay sa message ni Dyn kaya napag isipan namin na manood muna.

Umakyat kami sa mini theater dito sa bahay ni Hera. Maraming nabago rito. Nadagdagan ng iilang palapag at yung room na pinag stayhan namin noon ay naging mini movie theater.

Pinatay ni Marco ang ilaw at sinindi ang LED lights. Namili kami ng panonoorin at ang naisipan namin ay romace. Kanya-kanya kaming nagsi kuha ng pagkain at umupo. Nakatutok lang kaming lahat sa pinapanood samantala habang sila Hera ay pansin kong gumagawa ng kababalaghan. Katabi niya si Marco samantala si Yasmin ay naka sandal kay Cairo. Ako ay nakapuwesto naman sa dulo.

Nawala ang focus ko sa panonood nang tumunog ang phone ko. Hindi ata nila napansin ang pagtunog ng phone ko dahil busy sila masyado sa pinapanood. Kumagat ako sa pizza bago binuksan ang notification sa phone ko. Pag open ko ay bumungad sa akin sa akin ang message ni Dyn.

"Hello Dr. Smith, good afternoon! May problema po ba?" tanong nito.

Muli ko ibinaling ang tingin ko sa mga kasama ko at mukhang hindi talaga nila napansin ang pag notif ng phone ko. Hinayaan ko na lang sila at tinitigan ang message ni Dyn. Ano ba naman 'to. Tinatanong ko nga kung pwede ba kami magkita tapos irereply niya sa akin "may problema po ba?"

Nag type ako sa phone ko at tinanong kung free ba siya ngayon. Hininaan ko ang volume ng phone ko at hinintay ang reply ni Dyn. Muling umilaw ang phone ko at binasa ang reply nito sa akin.