استيقظت فى الصباح الباكر على صوت سهام و هى تقول لها:
ـ جنى اصحى
ـ سيبينى انام لسه بدرى
ـ انا اللى هموت و انام بس فيه حد بيخبط و شكله كدة زين
ـ طيب هقوم
قالتها و هى تنام مجدداً فقالت لها سهام بعدما انتزعت الغطاء
ـ يخربيتك.... ما تقومى يا اخت انتى... بقوللك بيخبط و كمان شوية
و هيكسر الباب
ـ طب روحى افتحى
ـ اروح اقول السلام عليكم انا مع جنى عشان اعلِّمها تخليك تحبها ازاى
استيقظت جنى اخيراً و قالت لها بتهديد:
ـ سهام اياكى تتكلمى فى الموضوع دة تانى كفايه إنى وافقت و خلاص
وقفت جنى امام المراآه لترتب شعرها المبعثر الذهبى اللامع وبعد ذلك كانت ستخرج واوقفتها سهام قائله (اضحكى فى وشه يخربيتك شكلك يسد النفس) وبعدها اكملت(متنسيش تعملى اللى قولنالك عليه) تكلمت جنى قائله:
ـ وايه اللى قولتيه ان شاء الله ياحجه
ـ هقولهولك المهم تردى عليه
فتحت جنى الباب وقالت بصوت متعب:
ـ السلام عليكم
ـ احم احم انا عايز سهام
ـ ايه
انتبهت جنى قليلاً ووجدته رامى فخلعت حذائها ودخلت قليلاً و اغلقت الباب و بعدها سمع رامى صوتاً بالداخل كالآتى:
ـ بقى انا نايمه احلى نومه فى حياتى و تيجى واحدة مزعجه زيك تصحينى.... ايه يا سهام خايفه تفتحى الباب
رمت جنى الحذاء فى وجه سهام و لكن تفادته سهام ببراعه و قالت:
ـ انتى مفكرة هتقدرى تضربينى بالشبشب انا حريفه فيه علفكرة
و اخذت حذائها و القته على جنى وجنى تفادته ايضاً وقالت لها:
ـ لو انتى اتعلمتى ازاى تتفاديه فانا جاسوسة يختى واعرف كويس ازاى اتفاداه
ـ هو مين اللى برة صحيح
ـ الاستاذ رامى عايزك روحيله و سيبونى انام
ـ طيب نامى شويه لغايه لما ارجع
ذهبت سهام لرامى وقالت له
ـ فى ايه يارامى خير
ـ...............
꧁꧂
استيقظت صباحاً على رائحه شهيه و عندما فتحت اعينها تذكرت اين هى اخيراً إنها مع جاسر فى مكان واحد لذا خرجت من الغرفه و دلفت إلى المطبخ و هناك رأت ما تشتهيه الأنفس و قالت:
ـ يبختك يا رنا مُرزقه دايماً باللى يعمللك تاكلى انا كدة اتأكدت إنى غلبانه
ـ بس مش هتاكلى
ـ ايه يابابا
ـ فى ايه مالك هتتحولى ولا ايه
ـ انا هاكل يعنى هاكل فاهم ولا لا
ـ هو انا بقيت اتهدد ولا ايه
ـ لا طبعا انا جوعانه بس
ـ اومال لو بتهددى هتعملى ايه
ـ هاكلك هههههههههه
ـ طب يا ظريفه استنى لما اسخن العيش وطلعى الاكل دة برة
ـ من عنيا
ـ رنا
ـ نعم
ـ متمديش ايدك غير لما آجى
ـ هو انا هاكل ازاى اصلا من غير عيش
ـ اما نشوف
خرجت رنا وبدأت تتذوق البطاطس المقليه فقط ودخل عليها جاسر وهى تأكل وقال بصوت منخفض:
ـ هتجوز واحدة طفسه
ـ بتقول ايه
ـ مش انا قولت تبطلى حشو بقك لغايه لما آجى
ـ انا كلت اصلا
ـ ايه لحقتى
ـ اه انا عامله ريجيم قاسى جدا عشان كدة مش باكل بعيش اصلاً
ـ مهو باين قاسى جداً اقعدى كُلى و انتى ساكته
ـ طب هات رغيف طيب و امرى لله
ـ انا اللى امرى لله
ـ طب كُل يخويا كُل
ـ انجزى عشان هنعمل اتصال مهم مع العيله
ـ منا قولت إنى كلت و انت عمال تعزم عليا
ـ والله هى مرة واحدة و انتى ما صدقتى
ـ خلاص كُل بقى
꧁꧂
YOU ARE READING
لعنة الحظ (ارض الشمس)
Romanceلمحة لطيفة عن الرواية: رواية خيالية بلمسة واقعية و كأنك تشعر أن هذا الخيال حقيقى. ملحوظة مهمة: لن تشعر بها إلا إن تغلغلت بأجزائها الأحداث ستصبح أعمق و أروع. الرواية ما زالت(قيد التعديل) لكن إن قرأتها فلا بأس تكفينى عيونك الحلوة التى ستقرأ و تن...
