استيقظت دولت فى الصباح الباكر وحاولت ايقاظ عمرو:
ـ يا عمرو اصحى مينفعش نفضل قاعدين كدة يلا نروح قلعة ملوكيوم
ـ ماشى يادولت ماشى
قال هذه الجمله وهو مازال نائما
ـ انا عرفت العيال طالعين لمين اصحى ياعمرو
ـ خلاص صحيت صحيت يلا بينا نروح يلا
ـ ماشى يلا
ذهب الاثنان وهما جائعان الى القلعة للملكه وعندما وصلوا وجدوا خاتم اكسسوارى يخص سهام
ـ ايه دة يا عمرو شايف
ـ اه دة بتاع سهام كانت جيباه فى العيد عشان تلبسه
ـ اومال هتجيبو عشان تاكلو يعنى
ـ ياستى خلاص وبعدين ياترى معناته ايه
ـ شوف فى تلات معانى اول حاجه ممكن تكون سابته عشان نعرف انها
جوه مثلا او ان المكان دة هو المكان السرى
قالت هذه الجملة وهى تشير نحو الجدران
ـ او؟
ـ او ممكن تكون اتخطفت مثلا شبه الافلام الهندى كدة اصلها متأثرة اوى بالهندى
ـ او؟
ـ او ممكن يكون وقع منها الموكوسة اهو انا عرفت دلوقتى هى بتضيع
حاجتها ازاى
ـ احتمال بردو
ـ يلا بينا مش هنقعد نرغى
قالت هذه الجملة وهى تضغط على جزء معين من الحائط وهى تعلم ان هذا هو المكان
ـ يلا ندخل
ـ يلا
دخل الاثنان الى الداخل ويمشون بخطوات سريعه لكى يوصلوا الى ابنتهم الحبيبة
داخل القلعة:
ـ الله المكان حلو اوى يا جاسر صح
ـ اه فعلا بس تحسى ان الناس هنا منطويين شوية على نفسهم
ـ اه مش مشكلة على الاقل مش هيتدخلو فينا بقولك ايه
ـ ايه؟
ـ امسك كدة الاعشاب دى وتعالى نقعد هناك عشان عايزة اتعرف عليهم الاول لوحدى
ـ ماشى
لم يقاطعها جاسر فى شئ وأبدى اهتمامه لمعرفة الاعشاب ايضا
ـ هتعملى ايه يافلحوسة
ـ هنجرب الاعشاب
ـ مش ممكن تكون ضارة
ـ لا متقلقش اكيد يعنى مش هتبقى ضارة كل الاعشاب مفيدة خصوصا
المفروض الاعشاب السامة مثلا تتزرع فى مكان معين بعيد عن الناس عشان ميتسمموش
ـ مهو مفيش حد بيطلع اصلا من هنا وممكن تكون بتتزرع طبيعى يعنى
ـ امممم طب بص احنا نشمهم بس
ـ انت هبله يابت
ـ بس عيب برستيجى
ـ انتى اتجننتى ممكن تموتى
ـ ايوة مهو كدة هنروح لأي دكتور يعالجنا وبعدين نعرف منو كل حاجة
ـ بس ممكن نموت قبل مانروح
ـ يا ابنى انا هجرب
ـ لا انا اللى هجرب عشان انا الراجل هنا
ـ استنى
ـ فى ايه
ـ انا جبت عشبه عارفاها بتعمل مغص فى البطن ومحتاجة دكتور يعالج دة لو مفيش حد هيعالجك انا ممكن اعالجك
ـ ماشى هاتيها
اخذ جاسر العشبه وراح يمضغها ببطء ثم بلعها
ـ احيييييييييه
ـ فى ايه
ـ انا اديتك واحدة غلط
ـ الله يخربيتك ودينى عالدكتور.. اااااااااه
ـ جاسر.. يالهوى قتلت جوز اختى المستقبلى
ـ انتى مين وبتعملى ايه هنا
ـ انا ناقصاك انت كمان انا عايزة دكتور الحقنى
ـ انا دكتور تعالى معايا
ـ فين
ـ هتيجى ولا لا
ـ هاجى بس مين اللي هيشي..
لم تكمل كلمة هيشيله وكان هذا الفتى يحمله على اكتافه العريضة
ويمشى به
ـ اسمك ايه
ـ ملكيش فيه
ـ لازماً اتعرف عالدكتور اللى هيعالج جاسر واسأل عليه احسن تكون مش شاطر
ـ مفيش دكتور غيرى هنا اصلا
ـ بجد يعنى لو سألت اي حد عن اسمك هيقولى فأحسنلك تقول انت
ـ اسألى محدش هيعبرك بس عشان استريح من رغيك هقول اسمى وخلاص بس قولى اسمك الاول
ـ انا اسمى سهام عمرو ودة جاسر ماجد
ـ اسمى رامى
ـ واسم ابوك
ـ انتى فضولية اووى
ـ براحتك كدة كدة لما اقابله هقوله اسمك ايه ياحج
ـ تمام
كان هذا الحوار اللطيف يدور بين سهام التى تنظر الى رامى ورامى الذى ينظر امامه ولا يهتم بشئ ابدا
وبعدها علمت سهام من المكان امامها ان هذا المكان هو ملك الملكه وان رامى يعمل طبيب هناك
وضع رامى جاسر على سرير وبدأ يتفحصه ثم سألها
ـ انتى اكلتيه حاجه
ـ الصراحة اديتله عشبه كان عايز يجربها
ـ هو ليه كان عايز يجربها
ـ انت مالك دة انت فضولى اوى
ـ اسمالله عليكى انتى يا رغايه يافضوليه انتى ادتيله عشبه ايه
ـ معرفش
ـ يعنى لو شوفتيها هتعرفيها
ـ اه طبعا
عرض رامى على سهام مجموعة من الاعشاب
ـ ايوة هى دى
ـ يا نهار ابيض يخربيتك دة انتى اديتيله اسوء عشبه بقا دة جزاته انه حبك
ـ حبك برص وعشرة خرس.. حبنى ايه دة خطيب اختى ياغبى
رامى باهتمام:
ـ بجد
ـ اه
ـ طيب دلوقتى هضطر اروح اجيب عشبة من برة
وهو عالباب كأنه تذكر شيئا:
ـ اه صحيح الملكة عايزاكى يا آنسة سهام
ـ استنى
ـ فى اية
ـ مش بحب لقب آنسه
ـ اقولك مدام
ـ دة اسوء
ـ طب اقولك ايه
ـ ممكن تقول سهام حاف او تقول بت ياسهام ولو عايز تبقى نظامى اوى قول دكتورة سهام
ـ انتى دكتورة؟!!
ـ اه
ـ ماشى تعالى معايا اوصلك عند الملكة
ـ اوكى
ـ تمام يلا يا سهام
ـ يلا يا رامى
ـ اسمى دكتور رامى
ـ لما تقولى دكتورة سهام الاول
ـ ماشى ياسهام
ـ طيب يارامى
ـ انا مش هرد تعالى ورايا
ذهب رامى وخلفه سهام تضحك
ـ بتضحكى على ايه
ـ افتكرت حاجة انت مالك
ـ استغفر الله العظيم
ـ واتوب اليه
ـ بتقولى ايه
ـ بستغفر ربنا ايه دة
ـ احنا وصلنا خلاص سلام دلوقتى ادخلى انتى جوة وانا هروح ادور على الاعشاب احسن انتى اديتيلو عشبه مسممة
ـ يارب يشفيه
ـ خايفة عليه
ـ لا خايفة من اختى لحسن تقتلنى انا كمان
ضحك رامى لأول مرة امامها وبعدها تركها وذهب خارجا وحينها قابل عمرو ودولت
ـ عمى ازيك عامل ايه
ـ ازيك يا ابن اخويا اخبارك
ـ الحمدلله بس خير ايه اللى جابكم اقصد عايزين حاجة
ـ بندور على عيالنا اول مرة البيت يتغير مرة واحدة ومنعرفش نرجع تانى عشان كدة جينا للملكه نسألها اكيد الاراضى محتاجانا
ـ هو انتم عندكم ولاد
ـ اه اكيد
ـ غير بنتكم الصغيرة اللى شفتها
ـ ايوة اهو دى بقى اللي هنا هى وجاسر
ـ هى اسمها ايه اصلى نسيت اسمها
ـ اسمها سهام
ـ هى دكتورة؟
ـ اه انت قابلتها
ـ اه هى عند الملكه دلوقتى وانا رايح برة عشان اجيب عشبه لجاسر اصله اتسمم
دولت بصدمه:
ـ اتسمم لييه
ـ بنتك سممته
ـ الهبلة بنت الهبله
رامى فى سره:
ـ انا عرفت ليه هى قالتلى انى اناديلها بت ياسهام هههه
دولت بخبث
ـ ايه يواد بتبتسم كدة ليه لما جبت سيرتها انت هتتجوزها ولا ايه
ـ فى ايه ياحجه لا طبعا اتجوزها عشان تسممنى انا كمان سلام وبعدين انا ضحكت عشان هى هبله فعلا
ـ غور يواد غور ابو شكلك
ـ فى ايه يادولت اهو مشى وبعدين انتى مش عايزة تشوفى بنتك
ـ هموت واشوفها والله ياعمرو
ـ طب خلاص يلا نروح بسرعه عند الملكه
ـ يلا
امام قلعة اكيوچ:
ـ انا بقول ندخل القلعة او نعدى من الدحيحين
رنا وياسين فى وقت واحد
ـ اكيوچ ودحيحين!
سوسن:
ـ ياااااا صحيح انتو لسه متعرفوش
ـ نعرف اي
حكت سوسن لهم كما حكت لزوجها ماجد ولكن لم تحكى لهم ماحدث
لها ولعمرو ودولت بعد... فهى تنتظر ان يأتى الوقت المناسب
ـ ااااه فهمت
ـ وانا كمان
ـ ها يا ولاد ندخل القلعة ولا نروح لقلعة ملوكيوم
ـ شوف يا استاذ ماجد انا بقول ان احنا نروح لملوكيوم عشان هى الاساس صح ولا ايه يا حجه سوسن
ـ صح
ـ طيب يا ولاد بس هنعدى على آنى ارض عقلريوم ولا دريميول
ـ انا بقول نروح عقلريوم احسن
ـ ماشى يا ياسين بس هتنسو ايه لما تخرجوا
ـ هقعد افكر
ـ وانا كمان
ـ ايوة ياماجد بس فى حاجة مقولتهاش
ماجد ورنا وياسين فى نفس واحد
ـ ايييه
ـ ايه ياجماعة علفكرة يعنى انا حكتلكم ان كل ارض بيبقى ليها حاجة معينة عشان يخرجوا منها
ـ وايه هى ياطنط
ـ شوفى يابنتى ارض اكيوچ محتاجة حل لغز معين بيبقى موجود هنا فى القلعة بس بيتغير كل اسبوع
ـ اه انا شفته بس كنا بنحسبه لغز عشان ندخل
ـ لا دة مجرد تمويه عشان يخدع اللى قدام القلعة
ـ اه فهمت بس احنا بنحل اللغز ازاى
ـ شوفى وانتى خارجه بتفكرى فى الحل وبعدين بيظهر الاكل ولازماً تاكليه كله
ـ تمام يلا بينا عشان منتأخرش
ذهب الكل مسرعين يأكلوا قليلاً من الطعام الذى اختارته سوسن وبعدها
اخذت سوسن القليل من الطعام المعين لأنهم من الممكن ان يحتاجوه
وبعدها ذهبو مسرعين الى الحدود
فى قلعه ملوكيوم:
دخلت سهام الى الملكه وعندها تفاجئت بشدة
ـ ايه دة هو انتى!!!!!
꧁نهايه الفصل الخامس ꧂
------------------------------
ياترى مين اللى سهام شافتها وعرفتها فى المكان الغريب دة؟؟؟؟؟
CITEȘTI
لعنة الحظ (ارض الشمس)
Dragosteلمحة لطيفة عن الرواية: رواية خيالية بلمسة واقعية و كأنك تشعر أن هذا الخيال حقيقى. ملحوظة مهمة: لن تشعر بها إلا إن تغلغلت بأجزائها الأحداث ستصبح أعمق و أروع. الرواية ما زالت(قيد التعديل) لكن إن قرأتها فلا بأس تكفينى عيونك الحلوة التى ستقرأ و تن...
