امام قلعه ملوكيوم بقليل:
ـ يلا ياولاد مش فاضل غير شويه صغيرين
ـ ااااااه
ـ خير يا سوسن
ـ ياماجد انا مش قادرة اكمل وعايزة استريح
ـ ليه دة احنا خلاص على وصول
ـ لا يجيلى يعنى ياخويا كُساح عشان فاضل شويه صغيرين ولا يعنى لو شوفت حد منهم رجلى هتستريح دة انا لو شوفت جاسر نفسه مش هيخفف رجلى خالص
ماجد وهو يتذكر ما كانت تقوله عندما قال لها لنستريح قليلا:
ـ مش كنتى بتقوليلى ياختى انك مش هتستريحى غير لما تشوفيهم كلهم بخير
ـ احم احم دة زمان احنا خلاص قربنا نوصل مفيهاش حاجه لما نستريح شويه
ماجد وهو ينظر للشبان:
ـ شايفين اهو هى دايما كدة فى الاول تدي الواحد دافع انو يعمل كل حاجه وبعدين تسيب الدافع دة وتنام فى قبل آخر السكه
ـ خلاص يا عمى عادى لو استريحنا هى فعلا شكلها تعبانه
ـ ماشى
فى بيت وائل:
ـ ماشى يا هنا هتروحى معانا بس تسكتى
ـ حاضر
ـ هو انا حسدتكم ولا حاجه دة انتو كنتوا زي اسمنه عالعسل لا كنتوا زى الاشطه بالزبادى لا دة انتو كنتوا
ـ خلاص فهمت الفكرة
ـ هو انا قولتلك تفهم ولا متفهمش
ـ سيبك من الحوار دلوقتى ويلا نطلع برة القلعه
هنا وهى تقفز بفرحه ومرح:
ـ هيييه اخيرا هخرج من القلعه دى اخيييرا
ـ استنى يابنتى مش احنا قولنا يارامى هنروح عند جاسر
ـ هنروح نعمل ايه يعنى عند جاسر مفيش حاجه عنده ولا هو هيصحى ويقولك حل علاجه
ـ انت بتكلمنى كدة ليه علفكرة ممكن نلاقى هناك كتاب مثلا يعرفنا عن
الاعشاب اللى بره و حتى يقولنا علاج العشبه اللى موجودة
ـ انا عارف كل حاجه ابقى اسألينى انا
ـ ماشى ياخويا يلا دلوقتى عشان منتأخرش
ـ يلا
ـ هيييه
ـ انتى مبسوطه على ايه انا مش فاهمه انتى بتحسبينا فى فسحه مثلاً
ـ انتى مالك يابت
ـ والله رنا محترمه اكتر منك يا شيخه
ـ طب وبتقولى عليا شيخه ليه مش كدة ابقى محترمه بردو ولا عندكوا شيخه دى حاجه وحشه
ـ انتى يابت بتجيبى الكلام دة منين
ـ من عند ربى اصل انا شيخه
ـ طب روحى ياختى قدام اخوكى اللى نزل بسرعه كدة معرفش انا هو مستعجل كدة ليه
ـ ممكن عشان جاسر هيموت من رغيك يا لتاته
ـ ايه دة انت واقف
ـ انا مستنى والله ورا الباب
ـ ماشى يلا
ذهب الثلاثه خارج القلعه وعندها وجدت سهام اختها رنا
سهام وهى تجرى نحو اختها لتحضنها:
ـ انتى يا منيله قاعدة هنا وسايبانى جوا لوحدى
ـ معلش يا سهام اصلى كنت فى مشوار وراجعه سوورى
ـ حتى بتتريقى عليا واحنا لسه شايفين بعض
ـ يعنى احنا عشان شايفين بعض دلوقتى يبقى منعرفش بعض ولا هنقعد نتعرف تانى من اول وجديد وبعدين مين القمر اللى معاكى دة.. ها
ـ دة يا اختى ابن عمك رامى
ـ رامى صبرى... اللله
ـ بس يابت يخربيتك رامى صبرى مين
ـ اومال اسمو ايه
ـ اسمو رامى وائل
ـ ههههههههههه مش قادرة ههههههههههه ايه الاسامى اللى مش مركبه على بعض دى ههههههههههه
ـ انا صدقتك انتو فعلا عيله مش متربيه خالص
ياسين وهو ينظر بتذمر لسهام:
ـ بقى تحضنى اختك وتسيبينى كدة
سهام وهى تحضن اخاها منعها رامى وهو يقول:
ـ بت قله الادب متوصلش لدرجة انك تحضنى قريبك
ـ انت اهبل ياض دة ياسين اخويا
رامى ابتعد عن ياسين وهو منحرج وياسين يضحك عليه هو والجميع
ـ اهو سد نفسى مش هحضنك يا ياسين كانت فى وقتها بقى اما دلوقتى خلاص يلا بينا ندخل
هنا بتدخل:
ـ علفكرة احنا خرجنا لسبب معين
ـ اااه صح افتكرت يلا ادخلوا انتوا وانا هحصلكوا بعدين
سوسن بقلق:
ـ اومال فين يختى الواد جاسر
ـ احم احم محنا هنا عشانوا
رنا وقد فهمت ذهبت كالقذيفه على سهام وقد اوقعتها وهى تقول:
ـ سممتى الواد يانحس سممتيه سممتى خطيبى
ـ خطيبك ايه دة احنا مقريناش الفاتحه حتى
ـ ولو بردو اتقدملى
ـ ااااااااابنى
قالت سوسن الكلمه وهى ترقض نحو القلعه مسرعه والباقى يلحقها اما سهام فظلت مع رامى وهنا تركتهم لكى توصل الباقى لجاسر
ـ هو انا غلطت لما اديتلوا العشبه يارامى هو انا وحشه
ـ لا ياسهام بالعكس انتى طيبه وكويسه واكيد دى غلطه حصلت واحنا دلوقتى هندور على العشبه المناسبه
ـ شكرا ليك يارامى عالكلام الحلو ده ساعدتنى والله يا اخى
رامى بإبتسامة رقيقه:
ـ طيب دلوقتى احنا المغرب فبسرعه بقى ندور عالعشبه
ـ هى العشبه اللى خادها كانت ايه
ـ العشبه دى كانت عشبه كريميس
ـ وبتعمل ايه العشبه دى
ـ شوفى هى بتنيم الشخص اكنو ميت بس فى الحقيقه هو مش ميت هو نايم لمدة تلات ايام وبعدها هيموت
ـ طب والعشبه دى ملهاش علاج
ـ ليها بس مش الموسم بتاعها
ـ طب وايه الحل دلوقتى
ـ ممكن نصنعها
ـ ازاى
ـ محتاجين عشبه من دريميول مع عشبه من اكيوچ
ـ وفى زيهم هنا صح
ـ اه بس عند الملكه وهى مش بتطلعوا بسهوله لأي حد
ـ يعنى لو حد مات من شعبها يبقى بسببها
ـ مهو شعبها عارف ان العشبه دى بالذات مينفعش ياخدوها
ـ طب وهناخدها ازاى من الملكه
ـ هنستأذنها
ـ ولو موافقتش
ـ اكيد هتوافق وبعدين انتى ليه بتتوقعى السلبيات كدة
ـ انا مش بتوقع سلبيات انا بس بشوف فيه خطه بديله ولا لا
ـ طيب يا سهام يلا بينا دلوقتى نستأذن الملكه
ـ يلا بسرعه مفاضلش غير يوم بس
ـ لسه العشاء مأذنتش
ـ يعنى فاضل يوم وتلت
ـ اه
ـ طب يلا بسرعه
ـ ماشى يلا يا سهام
ذهبا هما الاثنان الى القلعه ولم يقابلوا اهلهم بل ذهبوا للملكه سريعا
الحارس:
ـ مولاتى رامى والبنت الجديدة عايزين يدخلولك
ـ دخلهم
ـ مولاتى داليدا احنا عايزين منك خدمه عظيمه
ـ عايز ايه يارامى
ـ داليدا احنا عايزين الاعشاب عشان جاسر
ـ بتقولى ايه ياسهام
ـ اصل جاسر خد عشبه سامه وعايزين عشبه دريميول على عشبه اكيوچ
ـ بس النوع دة انا مش بديه لحد واظن ان رامى فهمك كدة
ـ ارجوكى يامولاتى ارجوكى
ـ الاعشاب اللى عندى دى بتفكرنى بولادى ومش هقدر اديهوملك
ـ ارجوووكى
ـ هديهوملك بس بشرط
ـ نعم يا مولاتى
ـ هاتيلى عيالى تانى بدل الاعشاب اللى هتاخديها
ـ هجيبهملك كلهم تانى
ـ ماشى وانا موافقه اديلك العشبه دلوقتى
ـ شكرا يا مولاتى
ـ يعنى انتى عماله تكلمينى وتقولى داليدا حاف وجايه دلوقتى تقولى مولاتى
ـ مانتى اللى قولتيلى اقولك داليدا حاف
ـ ههه ماشى ياسهام تقدرى تمشى دلوقتى
ـ طب والعشبه
ـ هبعتهالك عند جاسر
ـ انتى متأكدة ان اللى هيجيب العشبه هيكون مخلص ليكى ومش هيسرقها
ـ اللى هيجيب العشبه واقف جمبك اهو
ـ رامى!
ـ اه هو يعتبر الدراع اليمين بتاعى
ـ اممممم تمام يلا يادراعها اليمين ابقى هات العشبه
ذهبت سهام للخارج وحينها ضحك رامى قليلاً واستأذن من الملكه
بعدما اعطته العشبه المناسبه
ـ جماعه انا وصلت
ـ بس يامنيله خطيبى دلوقتى ممكن يموووت بسببك
ـ بقولك ايه بدل ما تشكرينى
رنا بدموع:
ـ اشكرك على ايه
ـ عشان هنقذو ولقيتله العشبه
ـ بجد
راحت رنا فى حضن اختها سهام وهى سعيدة وبعدها تركتها ودخلت الى غرفه جاسر لتخبر امه بما قالته سهام لها
ـ يا طنط
ـ نعم يابنتى
ـ سهام لقت العشبه لجاسر اخيرا
ـ بجد
قالت سوسن هذه الكلمه واغمى عليها
سهام عندما دخلت:
ـ ايه دة هى ماتت ولا وقعت من الكرسى ولا ايه بالظبط
ياسين بتلقائيه:
ـ لا يختى وقعت من طولها واغمى عليها مؤقتا
ـ فعلا معاك حق يا ياسين
ـ ايه دة لحقت تيجى يارامى اقصد يا دراعها الايمن
ـ فى ايه مالها دى
ـ مفيش
ـ مسألتكيش
ـ انشالله عنك مسألت انا خارجه اشم شوية هوا اصلى اتخنقت عالآااخر
ـ روحى يابنتى
ـ سلام يابابا
ـ جماعه انا جبت العشبه دلوقتى لجاسر
سهام وهى ترجع بسرعه وتقول
ـ ايه دة لحقت كنت بحسبك متأخر هناك عشاان
ـ احم احم انا كنت بخلط الاعشاب وبعدين جيت علطول
ـ طب مستنى ايه اديلو الدوا وشيلوا الست دى حطوها على سرير ولا حاجه
ماجد وقد نسى امر سوسن:
ـ اه صحيح سوسن
ـ ماجد
ـ اخيرا فوقتى
ـ انتو كلاب كلكم بقى انا اعمل نفسى مغمى عليا ومفيش نمله حتى تشيلنى ومهتمين بالواد دة اكتر منى لا كدة انا زعلت
ـ لا خلاص متزعليش بقى دة انتى مشوفتيش نفسك لما شوفتيه وهو مرمى عالسرير
ـ اه والله المرة الجايه واحنا رايحين عقلريوم هطلب ابدل الذكريات الى نسيتها بالذكريات دى
دولت وهى تتذكر ما حدث مع سوسن:
ـ مظنش انك هتحبى تعملى كدة
نظر ماجد بشك عندما برق عمرو لدولت وكأنه يقول لها لا تقولى شيئا
قال ماجد:
ـ هو فى ايه
وسوسن قالت ايضا:
ـ اه صحيح ايه اللى انا نسيته
زفر عمرو وهو يقول:
ـ لازما اقولكم على كل اللى حصل معانا بس استريحوا انتوا الاول وبكرة نتكلم
قال الكل وقد فاق جاسر من نومه العميق وبدأ يستمع معهم:
ـ ماشى
꧁نهايه الفصل الثامن꧂
أنت تقرأ
لعنة الحظ (ارض الشمس)
Romanceلمحة لطيفة عن الرواية: رواية خيالية بلمسة واقعية و كأنك تشعر أن هذا الخيال حقيقى. ملحوظة مهمة: لن تشعر بها إلا إن تغلغلت بأجزائها الأحداث ستصبح أعمق و أروع. الرواية ما زالت(قيد التعديل) لكن إن قرأتها فلا بأس تكفينى عيونك الحلوة التى ستقرأ و تن...
