معلومات :
الدور التانى: هو ملك رنا وسهام عاشت فيه سهام اولا ايام الثانويه العامه وبعدها انضمت لها رنا
الدور الارضى: مكان تجمع الكل لتناول الطعام وللجلوس ايضا وهو ملك الاب والام
الدور التالت: وهو ملك ياسين وللضيوف الزائرة ايضا
السطوح: مكان تجمع الكل فى الصيف الحارق فى الليل وهو اكثر الاماكن الغريبه فى البيت
ـ ااااااه
ياسين وهو يكتم فم اخته رنا
ـ فى ايه يابت يخربيتك.... كدة ممكن يقلقوا علينا لو سمعوكى بتصرخى
ـ اعمل ايه بس الخضه.. مش قادرة.. والباب عملها معانا وخوفنا
ـ قصدك خوفك
ـ انت مشفتش نفسك ولا ايه وانت بتترعش زى الچيلى كدة
قال ياسين بدهشه واضحه وهو يرى المكان حوله:
ـ بت بصى وراكى كدة
ـ فى ايه ياض
بفتحه فم من الدهشه:
ـ ايييه دة
ـ ربنا بيحبنا يابت.. الله اكبر الله اكبر.. ربنا حاسس بيا وعارف إنى على لحم بطنى من ساعة اكل البت سهام... اه كلت اكل الغدى بس مكانش كفايه..... اللللله ايه دة يااارب احمدك ياارب
قال الكلمه الاخيرة وهو يسجد من الفرحه ويبكى من السعادة
ـ ايه دة يواد هو دى مدينه الاكل ولا ايه دة كل حاجه اكل ف اكل
فنظرت له بوجه يبتسم بشَّر وقالت:
ـ يلا بينا
ـ يلا يا اختششششى
وهجما كالمفاجيع على كل شئ فالأشجار مصنوعه من السكاكر والاكواخ مصنوعه من الوافل والشوكولاه وايضا هناك الكثير من الاطعمه بأنواعها ولم ينسو بالطبع نافورة البيبس الشهيه
فى الدور التالت:
ـ اخيرا سيبتى الباب يا شيخه
ـ قصدك قفلتى الباب
ـ اي حاجه وخلاص.... ايه دة!!
ـ فى ايه ياواد..... اي دة فعلا!!!
ـ دة كل حاجه خضرة كدة ليه
ـ دة عالم الملوخيه صح دة اكيد مفيش تلوث هنا خالص
ـ انا خايف
ـ من ايه بس
ـ لحسن يكون عالم الديناصورات ولا حاجه
ـ انت اهبل يا ابنى الديناصورات انقرضت من زمان
ـ اومال المكان دة فيه ايه؟؟... اكيد فيه حاجه وحشه
ـ احنا ندور ونشوف وعموما خلاص بقى اسمو عالم الملوخيه اللى بحبها
ـ محسسانى يعنى ان دى ملوخيه دة مفيش ملوخيايه واحدة شفتها اصلا
ـ بس مشتركين فى اللون
ـ انا لو اقعدت اقنعك مش هنخلص!.. سيبك من الملوخيه دلوقتى تفتكرى يا فلحوسه ياللى ف راسك سوسة احنا فين بالظبط
ـ اولا انا مفيش فى راسى سوسة بس انا فلحوسة البيت فعلا الله ينور عليك .. تانى حاجه ممكن نكون فى الادغال مثلا
ـ يعنى هنبقى ترازان
وكأنها توضح اكثر او تصحح
ـ احم احم هتبقى انت انا مالى انا يخويا
ـ وبعدين فين الإثارة لما نبقى فى الادغال واصلا كمان مفيش اشجار
ـ هو انت فى فيلم إثارة ودراما وانا معرفش دة احنا ضايعين وكمان الباب اللى انا قفلته اختفى يعنى هنهبب ايه فى عيشتنا السودة دى
ـ احنا نمشى ونشوف هنلاقى ايه... ماشى ولا مش ماشى
ـ ماشى يلا ربنا يستر شكلك كدة هتودينا فى ستين داهية
جاسر فى سره:
ـ داهيه اما تاخدك يا بعيدة
ـ معرفش ليه كدة حاسه انى بتشتم
ـ ايه!!... انا؟!!... إمشى يماما... إمشى... اشتمك ايه ياستى.. يلا بينا عدي ليلتك على خير
ذ
أنت تقرأ
لعنة الحظ (ارض الشمس)
Romanceلمحة لطيفة عن الرواية: رواية خيالية بلمسة واقعية و كأنك تشعر أن هذا الخيال حقيقى. ملحوظة مهمة: لن تشعر بها إلا إن تغلغلت بأجزائها الأحداث ستصبح أعمق و أروع. الرواية ما زالت(قيد التعديل) لكن إن قرأتها فلا بأس تكفينى عيونك الحلوة التى ستقرأ و تن...
