[Book-1]novelထဲဝင်သွားပြီးနောက် အသဲခွဲသမားဖြစ်လာခဲ့သောသူမ

149[U&Z]

လင်းချင်ပေ့က ဂုဏ်ယူစွာပဲ ခေါင်းမော့ပြီးသာ ပြောလိုက်သည်။ "မင်းသာ ယောက်ျားဆို အဓိပ္ပာယ်မရှိတာတွေ လျှောက်မပြောနဲ့! ပြိုင်ပွဲကျ တွေ့ကြတာပေါ့!"

လီဟောက်ကျယ်က ဒေါသနှင့်သာ တုံ့ပြန်လိုက်၏။ "ကောင်းပြီလေ!"

နင်မုန့်က ဘေးကနေ ကြည့်နေတာ ဖြစ်သည်။။ သူမရဲ့ မျက်လုံးတွေကို လှိမ့်လိုက်ရင်း ပြောလိုက်သည်။ "လောင်း ကြတာပေါ့! ရှင်တို့ နှစ်ယောက်လုံးက အဆိုတော်ပဲလေ။ ရှုံးတဲ့လူက နိုင်တဲ့လူ တောင်းဆိုတဲ့အတိုင်း Weiboပေါ်မှာ statusတင်ရမယ်။ ဒီ စိန်ခေါ်မှုကို လက်ခံဖို့ သတ္တိရှိရဲ့လား လီဟောက်ကျယ်?"

လီဟောက်ကျယ်က စိတ်လှုပ်ရှားပြီး ရင်ဖိုနေတာဖြစ်သည်။ ထိုစကားကြားတဲ့အခါ ထေ့ငေါ့စွာ ရယ်လိုက်ပြီး "ဘာကို ကြောက်နေရမှာလဲ? စိန်ခေါ်မှုကို ငါ လက်ခံတယ်။ ကျန်းရှန့်မေနဲ့ အတူဆိုရမယ့် လင်းချင်ပေ့က ငါ့ကို ဘယ်လိုများ ရှုံးအောင် လုပ်နိုင်မှာလဲ?"

ကျန်းရှန့်မေက သူ့ရှေ့မှာ တခါမှ သီချင်းမဆိုခဲ့ဖူးပေ။ ဒီမတိုင်ခင်က သူမကို ဆိုကြည့်ဖို့ မေးခဲ့ပေမယ့် သူမက သီချင်း ဘယ်လို ဆိုရမှန်း မသိကြောင်းနဲ့ အမြဲတမ်း ကီးကိုက်အောင် မဆိုတတ်ကြောင်း ပြောတတ်လေ၏။

ဒါကြောင့်ပဲ သူ့အနေနဲ့ ရှုံးမယ်ဆိုတာ လုံး၀ မဖြစ်နိုင်ဘူး!

***

ပြိုင်ပွဲက တစ်ပတ်အတွင်းမှာ စတင်မှာ ဖြစ်သည်။

အလောင်းအစား လုပ်ပြီးတည်းက ကျန်းရှန့်မေက အရမ်းကြိုးစားခဲ့၏။ ဝန်ထမ်းတွေ စီစဉ်ပေးထားခဲ့တဲ့ အသံလုံခန်းထဲမှာ မနားမနေပဲ လင်းချင်ပေ့နှင့်အတူ လေ့ကျင့်လေ၏။

အထွေအထူး ကိစ္စတွေ မရှိပါဘဲ နှစ်ရက်ကြာသွားပြီဖြစ်ပြီး သူတို့က ပွဲကျင်းပရာနေရာမှာ ရှိနေတာဖြစ်သည်။

မွန်းတည့်ချိန် ဖြစ်ပြီး လူတိုင်းလည်း ပင်ပန်းနေကြပြီ ဖြစ်တာမို့ ၂နာရီ အနားယူလိုက်ကြသည်။

ကျန်းရှန့်မေက စီးပွားရေးကြောင့် အပြင်ရောက်နေတဲ့ သူမရဲ့ အဖေနဲ့ video callပြောနေတာ ဖြစ်သည်။ ဖုန်းကိုင်ထားကာ လေ့ကျင့်တဲ့အခန်းအား သူမ အဖေကို ပြလိုက်ပြီး "အဖေ မြင်ရလား? ပတ်ဝန်းကျင်က အဆင်ပြေပါတယ် သမီးလည်း အခက်အခဲ မရှိဘူး။ အရမ်းကြီး စိတ်မပူပါနဲ့!"