✍️ #فراقد
📝 # ١١ ( ١١ - ج ألثاني)
من 👈 حكاية 📖 #قوقعةجمر
٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪اسامـــح
وانـــه بـيـــّہ
هـــواي لچمــــات
وادفنــهن دفـــن
بلـــڪــت يحــسـّـون💔
٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪شوقية /.... شوقي
ثاني يوم من خطوبتي وعقد المؤمن
العصر مرنا حمزة وياة وحدة من خواته
وبعد باجي جوهره هي أختة يمنا.يمة متت من الخجل مدنكة راسي
وما أكدر إرفع عيوني بوجهه
وأني اتذكر خزي البارحة من كتلة//انزع حت البسك
ورب العزة قصدي على الحلقة
وهو لابس محبس أحمر هلكبراته
حت الحلقة مالها مكان....مو محبس نص طابوكة.كعدنا كلنا بالربعة عمي شبيب هم موجود
حمزه كال / بوية الأوله شرط آخره نور
أنا كبال أهلنا أكلج
تراني على كد حالي والحمد لله مستوره
يوم أحصل وعشرة ادورلي شغلة
وما كاعد لا واخو زينب أحفر بالحجر وأطلع رزقي
يوم اشتغل بالسمج
يوم بالمخضر
يوم بالعماله
شحصل شغل اشمر روحي عليةوان شاء الله ما قصر وياج
لو أبيع قميصي واوفرلج طلبجبوية وصيت على اخشاب مستعملة بس نظيفة
تعذريني هسه بس لو ربج فرجها عليهِ اشريلج جديدة.و الخشل تعذريني ما أتمكن علية
غير حك هاي الحلقة البجفج
ما أكدر أوفرلج شي زايد.وارجع واكلج على التساهيل
وبلكت الله وال البيت يفكولي طريق الرزق
وما قصر وياجبويه اذا أهلنا موافقين بهذا حالي
وأنتي راضية ومقتنعة ومن طيب خاطر نكول يا اللهعمي شبيب جاوبة :- حمزة أحنا كسبناك أخ
الماديات مو بالنا توكل على الله وجهز أمورك-كفووو منك أبو حيدر ونعم الأخ
عاين علية :- وأنتي بوية شرايج.
-بكيفكم
-يالله...
طلع من جيبة فلوس ناوشهن لأمي كفاح
-عمه تعذريني عن التقصير
هذني كل ما أملك ويشهد علية أخو زينب
جهزوا بيهن هل اليدبرن والعوض بالتال.
ونكول الله كريم.